Goditet grupi kriminal në Krujë, përfundojnë në pranga dy vëllezërit dhe bashkëpunëtori`
Policia: U kapën duke kultivuar fidanë kanabisi
Tre persona kanë përfunduar në prangat e policisë së Krujës, pasi akuzohen për kultivim të bimëve narkotike dhe armëmbajtje pa leje.
Bëhet fjalë për shtetasit Sulejman Blushi, 20 vjeç, Ermion Goga, 29 vjeç dhe Kristi Goga, 20 vjeç, banues në lagjen nr. 4 të këtij qyteti. Sipas bluve, këta persona në bashkëpunim me njëritjetrin, në vendin e quajtur “Krastë”, janë kapur në flagrancë duke kultivuar në një ambient të shpyllëzuar, 40 fidanë të sapombjellë në kubikë.
Gjatë kontrollit të banesës së shtetasit Sulejman Blushi, shërbimet e Policisë gjetën dhe sekuestruan fidanë me lëndë narkotike cannabis sativa. Ndërsa në banesën e shtetasve Ermion Goga dhe Kristi Goga (vëllezër), shërbimet e Policisë gjetën dhe sekuestruan pajisje të ndryshme elektrike që përdoreshin për kultivimin e bimëve narkotike. NJOFTIMI I POLICISË Vijojnë kontrollet e territorit, me qëllim parandalimin dhe goditjen e paligjshmërisë. Evidentohet dhe goditet një rast i tentativës për kultivim të kanabisit dhe armëmbajtjes pa leje në Krujë.
Sekuestrohen një sasi kubikë me fidanë kanabisi, pajisje të ndryshme elektrike dhe një armë zjarri. Vihen në pranga 3 shtetas.
Shërbimet e Policisë, në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë kontrollit masiv të territorit, bazuar dhe në informacionet e marra në rrugë operative, kanë evidentuar dhe goditur një rast të tentativës për kultivim të kanabisit në pyllin e Krastës, ku janë asgjësuar fidanë të dyshuar cannabis sativa.
Në vijim të veprimeve, specialistët për Hetimin e Krimit të Komisariatit Krujë arrestuan në flagrancë shtetasit S.B., 20 vjeç,
E.G., 29 vjeç dhe K.G., 20, banues në lagjen nr. 4, Krujë. Këta shtetas, në bashkëpunim me njëritjetrin, në vendin e quajtur “Krastë”, qyteti Krujë, janë kapur në flagrancë duke kultivuar në një ambient të shpyllëzuar, 40 fidanë të sapombjellë në kubikë.
Gjatë kontrollit 1. Sulejman Blushi, 20 vjeç 2. Ermion Goga, 29 vjeç 3. Kristi Goga, 20 vjeç
banesës së shtetasit S.B., shërbimet e Policisë gjetën dhe sekuestruan fidanë me lëndë narkotike cannabis sativa.
Ndërsa në banesën e shtetasve E.G. dhe K.G (vëllezër), shërbimet e Policisë gjetën dhe sekuestruan pajisje të ndryshme elektrike që përdoreshin për kultivimin e bimëve narkotike. Në vijim të veprimeve, gjatë kontrollit të zonës përreth u gjet një armë zjarri dhe municion luftarak, të cilat u sekuestruan në cilësinë e provës materiale. Materialet i kaluan Prokurorisë, për veprime të mëtejshme.