Ekzekutimi i Ridvan Ramazanit me 30 plumba kallashnikovi në Shkodër, arrestohet autori Hydajet Mehmedaj
Ngjarja e ndodhur më 28 nëntor të vitit që shkoi, në kërkim dhe vëllai Duel Mehmedaj 34-vjeçari i shpallur në kërkim u kap në një bar-kafe
Më shumë se katër muaj pas vrasjes me 30 plumba kallashnikovi të 46-vjeçarit Ridvan Ramazani (Hyseni), dje policia e Shkodrës ka arrestuar njërin nga autorët e krimit. Bëhet fjalë për 34vjeçarin Hydajet Mehmedaj, i cili ishte shpallur në kërkim për ngjarjen e rëndë të ndodhur më 28 nëntor të vitit të kaluar. Burime zyrtare nga blutë e Shkodrës bënë me dije, se 34-vjeçari u kap në një bar-kafe në fshatin Mushan. Mësohet se Hydajet Mehmedaj, në bashkëpunim me Duel Mehmedajn (vëllai i tij), i cili gjithashtu është i shpallur në kërkim, dhe Milkjor Gjokën, i arrestuar ditën e ngjarjes, dyshohen se kanë vrarë me armë zjarri Ridvan Ramazanin, banues në fshatin Darragjat të Shkodrës. Për 34vjeçarin, Prokuroria e Rrethit Gjyqësor Shkodër, më datë 01.12.2020, ka nxjerrë urdhër ndalimi për veprat penale “Vrasja me paramendim”, kryer në bashkëpunim dhe “Mbajtja pa leje e armëve dhe municionit”. Ditën e ekzekutimit të 46vjeçarit u vu në pranga 25vjeçari Milkjor Gjoka, për të cilin gjykata ka dhënë masën ‘arrest me burg’. Gjoka mohoi të ketë bashkëpunuar me vëllezërit Duel dhe Hydajet Mehmedaj, që dyshohen si autorë të vrasjes së Ridvan Hysenit ose i njohur edhe si Ridvan Ramazani. Ndërkohë, Milkjor Gjoka nuk ka dhënë sqarime të mëtejshme rreth ngjarjes. Fillimisht, ditën e ngjarjes u tha se kamerat e sigurisë nuk funksiononin, por duket se kanë qenë pikërisht regjistrimet e kamerave që kanë çuar në zbardhjen e autorëve të ngjarjes. Ridvan Ramazani u ekzekutua me 30 plumba kallashnikovi më 28 nëntor 2020, në fshatin Mushan në Shkodër, pranë një pike karburanti, teksa udhëtonte me makinën e tij. Aty pranë kaloi një motor, ku besohet se ishin vëllezërit Mehmedaj, të cilët kanë shkrehur karikatorin drejt Ramazanit, pasi ishin konfliktuar me djalin e tij. Dy të dyshuarit kryesorë ishin përplasur me të birin e tij, ndërsa Hyseni kishte ndërhyrë për të shuar gjakrat, por përfundoi pa jetë. Familja e viktimës kishte konflikte të vjetra me një tjetër fis, atë të Edmir Koçisë. Ky i fundit është vrarë në të njëjtën datë, 28 nëntor, 8 vite më parë në Shkodër. Në vitin 2008, Ridvan Ramazanit i kanë vrarë në zonën e Dajçit, xhaxhain e tij Enver Ramazani, ngjarje e cila nuk është zbuluar sot e kësaj dite. Ramazani u ekzekutua pikërisht në vendin ku ai së bashku me mikun e tij Vil Shega, edhe ky i vrarë, ekzekutuan në vitin 2000, Mikel Bitukun alias Pashuku. Arsyet e kësaj vrasjeje në atë periudhë në fshatin Dajç, dhe pikërisht te vendi ku u vra Ridvan Ramazani, ishin për shkak të një konflikti për makinat. NJOFTIMI I POLICISË Finalizohet operacioni policor i koduar “Mushan”. Vihet në pranga një nga autorët e ngjarjes së ndodhur më datë 28.11.2020, ku mbeti i vrarë shtetasi R.H. Nga strukturat e posaçme të DVP Shkodër, në bashkëpunim me Komisariatin e Policisë Shkodër, pas informacioneve të marra në rrugë operative dhe punës së mirorganizuar, u bë kapja dhe ndalimi i shtetasit të shpallur në kërkim Hydajet Mehmedaj, 34 vjeç, banues në fshatin Mushan, Shkodër. Arrestimi i këtij shtetasi u bë pas informacioneve të marra dhe lokalizimit të tij në një bar-kafe në fshatin Mushan, Shkodër. Ky shtetas, në bashkëpunim me shtetasit D.M. (i shpallur në kërkim) dhe M.Gj. (i arrestuar ditën e ngjarjes), më datë 28.11.2020, ka vrarë me armë zjarri shtetasin R.H., 46 vjeç, banues në fshatin Darragjat, Shkodër. Për shtetasin Hydajet Mehmedaj, Prokuroria e Rrethit Gjyqësor Shkodër, më datë 01.12.2020, ka nxjerrë urdhër ndalimi për veprat penale “Vrasja me paramendim”, kryer në bashkëpunim dhe “Mbajtja pa leje e armëve dhe municionit”. Materialet iu referuan Prokurorisë së Rrethit Gjyqësor Shkodër, për veprime të mëtejshme.
ARRESTIMI
Burime zyrtare nga blutë e Shkodrës bënë me dije se 34-vjeçari u arrestua në një bar-kafe në fshatin Mushan. Mësohet se Hydajet Mehmedaj, në bashkëpunim me Duel Mehmedajn (vëllai i tij), i cili gjithashtu është i shpallur në kërkim, dhe Milkjor Gjokën, i arrestuar ditën e ngjarjes, dyshohen se kanë vrarë me armë zjarri Ridvan Ramazanin, banues në fshatin Darragjat të Shkodrës. Për 34-vjeçarin, Prokuroria e Rrethit Gjyqësor Shkodër, më datë 01.12.2020, ka nxjerrë urdhër ndalimi për veprat penale “Vrasja me paramendim”, kryer në bashkëpunim dhe “Mbajtja pa leje e armëve dhe municionit”.