Bie ndjeshëm numri i të infektuarve dhe viktimave; 2112 raste të reja dhe 49 vdekje brenda javës
Ministria e Shëndetësisë: 262 pacientë të shtruar, 10 në terapi intensive, nga të cilët 4 të intubuar Konfirmohen 248 të infektuar të rinj dhe 9 humbje jete në 24 orët e fundit
Java që lamë pas pati një ulje të ndjeshme të ras teve të reja pozitive dhe të vdekjeve. Përkatësisht brenda 7 ditëve janë konfirmuar 2112 të infektuar të rinj si dhe 49 vdekje. Ndërkohë në 24 orët e fundit janë regjistruar 348 raste të reja pozitive si dhe 9 humbje jete. "Rastet pozitive të konfirmuara janë identifikuar në këto bashki: 91 raste në Tiranë, 36 në Fier, 26 në Vlorë, nga 24 raste në Shkodër, Librazhd, 17 në Korçë, 14 në Lushnje, nga 12 raste në Gjirokastër, Pogradec, nga 9 raste në Devoll, Berat, 7 në Durrës, nga 6 raste në Mat, Dimal, 5 në Kamzë, nga 4 raste në Krujë, Elbasan, Peqin, nga 3 raste në Kurbin, Kuçovë, Skrapar, Patos, Libohovë, nga 2 raste në Kukës, Lezhë, Mirditë, Tropojë, Përmet, Sarandë, Belsh, Memaliaj, Gramsh, nga 1 rast në Kavajë, Vau i Dejës, Bulqizë, Shijak, Poliçan",-theksoi Ministria e Shëndetësisë. Në 24 orët e fundit janë shëruar 669 qytetarë, duke e çuar numrin e të shëruarve në 93,842 që nga fillimi i epidemisë.
TË HOSPITALIZUAR DHE VIKTIMA
Aktualisht në spitalet COVID në Tiranë dhe tre spitalet rajonale po trajtohen 262 pacientë, 10 në terapi intensive, nga të cilët 4 pacientë janë të intubuar. Që prej fillimit të pandemisë në vendin tonë 2265 persona kanë humbur jetën nga koronavirusi. "Me gjithë përpjekjet e stafit mjekësor, 9 qytetarë e kanë humbur betejën me COVID-19: 5 qytetarë nga Tirana, 1 qytetar nga Shkodra, 1 qytetar nga Durrësi, 1 qytetar nga Elbasani, 1 qytetar nga Korça, të moshave 49 - 84 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve",-thuhet në deklaratën e Ministrisë së Shëndetësisë.
APELI
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. "Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e COVID19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjienën vetjake dhe vetizolohuni kur dyshoni se jeni të prekur nga COVID19. Telefononi në numri 127 të Urgjencës Kombëtare për çdo emergjencë apo referim në spital",-apeloi Ministria e Shëndetësisë.