Tronditet Athina, ekzekutohet në një atentat mafioz gazetari i njohur i kronikës së zezë

Jorgo Karaivaz u qëllua me 6 plumba afër shtëpisë së tij U kapën me 4800 euro të falsifikuara në banesë, dy të arrestuar në Himarë

Një ngjarje e rëndë ka ndodhur mesditën e djeshme në kryeqytetin grek, Athinë, ku është ekzekutuar me mbi 6 plumba, gazetari i njohur i kronikës së zezë Jorgo Karaivaz. Mediat greke raportojnë se ngjarja e rëndë ndodhi menjëherë pasi gazetari doli nga emisioni dhe ishte pranë shtëpisë së tij, në Alimos, në rrugën "Aninou". Ai kishte qenë i ftuar në televizionin "Star", ku po raportonte në lidhje me një krim tjetër që tronditi Panhelenikën ditët e fundit, vrasjen e dyfishtë të dy vëllezërve në Makrinitsa. Paraprakisht dyshohet se gazetari Jorgo Karaivaz është ekzekutuar në atentatin mafioz me armë silenciator. Mësohet se autorët, dy burra, kanë hipur në një "Skuter", kanë vendosur një pritë dhe i kanë zbrazur karikatorin. Pistat e mundshme të hetimit do të drejtohen në bazë të profesionit të tij. Ai shpesh ka folur rreth disa vrasjeve të bujshme në shtetin fqinj, ku një ndër to mendohet të jetë edhe ajo e Panhelenikën, me vrasjen e dyfishtë të dy vëllezërve në Makrinitsa. Informacionet e para në media sugjerojnë se ai u gjet i shtrirë dhe pa jetë me fytyrën poshtë, jashtë makinës së tij, pranë një parku afër banesës. Dyshohet se autorët kanë përdorur një silenciator, pasi nuk është dëgjuar asgjë nga dëshmitarët që kanë kaluar në zonë.

VLORË - Policia e Vlorës ka arrestuar dy persona, të cilët akuzohen për falsifikim të dokumenteve. Në pranga kanë rënë një 49-vjeçar dhe një tjetër 22 vjeç, të cilëve sipas policisë iu sekuestrua një sasi prej 4800 eurosh, të dyshuara të falsifikuara.

"Specialistët për Hetimin e Krimeve në Komisariatin e Policisë Sarandë, pas informacioneve të siguruara në rrugë operative se dy shtetas dispononin kartëmonedha të falsifikuara, organizuan punën për kapjen e tyre. Si rezultat u arrestuan në flagrancë shtetasit A.O., 49 vjeç, banues në Himarë dhe R.O., 22 vjeç, banues në Delvinë.

Arrestimi i tyre u bë, pasi në fshatin Piqerras, Himarë, gjatë kontrollit fizik dhe në banesat e tyre, iu gjetën 4800 euro të dyshuara të falsifikuara, të cilat u sekuestruan në cilësinë e provës materiale", thuhet në njoftimin e policisë.