Rama me misionin e ODIHR, në fokus përgatitja e zgjedhjeve të 25 prillit
Aleati i Bashës takon përfaqësues të ODIHR: Ndryshimet në Kod thelluan deficitin demokratik Duka: PAA jashtë koalicionit s’ka siguri për votat, pasi ato vidhen
Me afrimin e datës së zgjedhjeve, kryesuesja e vëzhguesve të ODIHR-it, Urszula Gaçek po shpeshton takimet me aktorët politikë. Paraditen e djeshme ajo u prit nga kryeministri Edi Rama në selinë e Partisë Socialiste. Për rreth 60 minuta, Rama dhe Gazek biseduan për mbarëvajtjen e procesit zgjedhor dhe angazhimin e qeverisë për të zhvilluar zgjedhje të lira e të ndershme. Ditët e fundit, kryetarja e misionit është takuar edhe me drejtuesit e disa partive garuese në parlamentaret e 25 prillit dhe ambasadoren amerikane e atë të Bashkimit Europian. ODIHR do të qëndrojë në vendin tonë deri në 17 maj. Qëllimi është monitorimi i procesit zgjedhor dhe publikimi më pas i raportit mbi standardin e zgjedhjeve. Misioni i OSBE/ODIHR pritet të dalë me tre raporte për zgjedhjet e 25 prillit.
TAKIMI
Kryetari i PAA-së, Agron Duka zhvilloi dje një takim me përfaqësuesit e OSCE/ODHIR në Shqipëri, William Romans dhe Adela Danaj. Në fokus të diskutimeve ishte Kodi Zgjedhor dhe zhvillimi i zgjedhjeve të lira dhe të ndershme. Duka dhe pjesëtarët e PAA në takim qartësuan se: “Ndryshimet në Kod ngushtuan hapësirat për konkurrim dhe rritje të alternativave të reja politike dhe partive të vogla në vend. Ndryshimet në Kod rritën dhe thelluan deficitin demokratik, pasi ruajtja e pahapur e listave të deputetëve për votuesit nuk është 30%, por 60% e deputetëve të ardhshëm. Kjo cenon edhe cilësinë e deputetëve në parlamentin e ri. Është rritur risku për keqpërdorimin e
AGRON DUKA
“PAA ka një mision ndaj shqiptarëve, rotacionin politik, dhe nuk duhej të dëmtonte asnjë votë pro koalicionit. PAA jashtë koalicionit nuk ka asnjë siguri për numrin e votave, pasi Shqipëria vuan nga vjedhja e votave dhe politikanët hajdutë të votave janë akoma të padënuar”, - deklaroi kreu i PAA.
strukturave dhe fondeve publike nga mazhoranca në funksion të deformimit të vullnetit të zgjedhjeve. Heqja e logove të partive politike dhe emrave të kandidatëve nga fleta e votimit rrit ndjeshëm riskun e votave të pavlefshme, e cila mund të deformojë vullnetin e zgjedhësve. PAA humbi të drejtën ligjore për konkurrimin e saj si forcë politike në të gjithë vendin”. Sipas PAA-së: “Partitë politike janë një subjekt politik në garë dhe kandidatët për deputetë
janë një subjekt tjetër. Votuesit duhej të kishin lirinë e plotë për të zgjedhur të dyja bashkë ose secilën prej tyre veç e veç sipas preferencave dhe pritshmërive të tyre, në të gjithë vendin”. Duka, pyetjes së përfaqësuesit të OSBE/ODIHR: “Përse PAA nuk kandidoi e vetme kur keni parashikime optimiste për PAA?”, iu përgjigj: “PAA ka një mision ndaj shqiptarëve, rotacionin politik, dhe nuk duhej të dëmtonte asnjë votë pro koalicionit, dhe e dyta,
PAA jashtë koalicionit nuk ka asnjë siguri për numrin e votave, pasi Shqipëria vuan nga vjedhja e votave dhe politikanët hajdutë të votave janë akoma të padënuar”. Duka qartësoi se PAA, ndryshe nga shumë parti të vogla, është parti me mision dhe program të qartë, pro zhvillimit të qëndrueshëm rural dhe pro ekonomisë së gjelbër. Romans theksoi se OSBE/ODIHR do të angazhojë vëzhgues që do të ndjekin nga afër gjithë procesin përpara dhe gjatë ditës së votimeve.