Banorët e Mirditës hidhen në protestë kundër ndërtimit të një HEC-i, bllokojnë Rrugën e Kombit e përplasen me policinë
Qytetarët mblidhen para Drejtorisë së Policisë së Lezhës: Liri për aktivistët! Shoqërohen 33 persona, mes tyre edhe aktivistë të Vetëvendosjes dhe 1 gazetar
Ndërtimi i një hidro centrali dhe një fab rikë uji në fshatin Thirrë të Mirditës ka nxjerr dje në protestë banorët e zonës, të cilët akuzojnë për vjedhje të pasurisë së përbashkët. Ata janë shprehur se kompania private e ndihmuar nga pushtetarët lokalë ka shkelur ligjin duke shmangur konsultimin me qytetarët dhe pëlqimin e tyre. Mësohet se forca të shumta të policisë kishin mbërritur para protestuesve për të parandaluar përshkallëzimin e mundshëm, ndërkohë që pati edhe konfrontim fizik me qytetarët. Besnik Paci, banor i zonës deklaroi për mediat se kjo është një vepër kriminale dhe banorët do ta marrin vetë në dorë fatin e fshatit. Protestës së tyre iu bashkuan edhe një sërë organizatash mjedisore si dhe deputetë e aktivistë të Lëvizjes Vetëvendosje në Kosovë, të cilët
bënë thirrje për ndalimin e shkatërrimit të natyrës, ndërsa ujin e konsideruan si pronë të përbashkët të këtyre banorëve. Më pas banorët e Thirrës zbritën dhe në Rrugën e Kombit, ku përkundër rezistencës së Policisë dhe pa lejen e miratuar prej saj bllokuan për disa çaste rrugën duke paralajmëruar se ky ishte vetëm fillimi.
Prej dy vitesh banorët e fshatrave Thirrë dhe Sang në Mirditë kanë kundërshtuar investimin që pritet të thajë tokat e tyre bujqësore duke shkaktuar dëme kolosale për zonën, por siç shprehen dhe vetë ata, e gjitha ka rënë në vesh të shurdhër duke bërë që ata të shkojnë drejt protestës. Pak orë pas protestës së banorëve të
Mirditës kundër ndërtimit të HEC-it në Thirrë, policia ka shoqëruar 33 persona, aktivistë dhe banorë të zonës. Mes të shoqëruarve është dhe gazetari Preng Gjikola. Aktivistë të Lëvizjes Vetëvendosje dhe kandidati për deputet i kësaj force janë mbledhur në protestë para Drejtorisë së Policisë Lezhë duke kërkuar lirimin e tyre. Njëri prej aktivistëve të VV tha dje se ata janë shoqëruar padrejtësisht sepse protesta ka qenë paqësore. "Ata bëjnë disa orë që janë në polici dhe janë marrë në mënyrë të paligjshme pasi protesta ka qenë paqësore. Edhe ne si LVV u jemi bashkuar në protestë, në një moment është bllokuar rruga kemi qëndruar 5 minuta kemi qenë të ulur dhe jemi larguar paqësisht. Në kthim policia ka ndaluar automjetet ku kanë qenë aktivistë të VV dhe i kanë shoqëruar në komisariat. Në dijeninë time janë dhe banorë që janë ndaluar dhe janë dërguar në komisariat të Rrëshenit. Ne po presim përfaqësimin tonë ligjor që vjen nga Tirana dhe të futem në një komunikim zyrtar, ne do qëndrojmë këtu derisa të lirohen. Protesta
KALLËZIMI NË PROKURORI
Kjo është protesta e dytë në harkun kohor të 10 ditëve të banoreve të fshatrave Thirrë dhe Sang, ndërsa kanë depozituar dhe një kallëzim penal në prokurori për falsifikim të firmave. Protesta e parë e banorëve të zonës u zhvillua më 1 prill, me pretendimin se kompania “Sang1” kishte falsifikuar firmat në dokumentet ligjore nga banorët e fshatit, duke kërkuar ndërhyrjen e SPAK. Ndërkohë punimet për ndërtimin e hidrocentralit kanë nisur që në gusht të 2020-ës. Nga projekti preken rreth 500 banorë të zonës, të cilët rrezikohen që të mbesin pa ujë të pijshëm.
ka qenë paqësore”, tha një përfaqësues i LVV.
NJOFTIMI I POLICISË
Organizuan grumbullim dhe manifestim të paligjshëm, penguan qarkullimin e mjeteve të transportit dhe nuk iu bindën urdhrit të punonjësve të Policisë, shoqërohen në Komisariatin e Policisë 33 shtetas. Specialistët për Hetimin e Krimeve në Komisariatin e Policisë Lezhë dhe Mirditë, në përfundim të veprimeve të kryera në lidhje me protestën e paligjshme të zhvilluar ditën e sotme, në fshatin Thirrë, Njësia Administrative Fanë, Mirditë, kanë filluar procedimin penal në gjendje të lirë ndaj 33 shtetasve.
Këta shtetas kanë protestuar në mënyrë të paligjshme në afërsi të tunelit të Kalimashit, në fshatin Thirrë, Mirditë duke bllokuar lëvizjen e mjeteve në aksin Milot-Morinë, si dhe nuk i janë bindur urdhrit të punonjësit të Policisë për të zhbllokuar qarkullimin e automjeteve.
Materialet në ngarkim të tyre do t’i kalojnë Prokurorisë së Rrethit Gjyqësor Lezhë, për veprime të mëtejshme për veprat penale “Organizimi dhe pjesëmarrja në grumbullime dhe manifestime të paligjshme”, Pengimi i qarkullimit të mjeteve të transportit” dhe “Mosbindja ndaj urdhrit të punonjësit të Policisë së rendit publik“.