Zbardhet lista e plotë me emrat e 274 mësuesve që do hyjnë në testim
Qendra e Shërbimeve Arsimore: Dokumentacioni që duhet të paraqisni ditën e testimit Ja kush do t'i nënshtrohet provimit të shtetit në 5 profile të ndryshme
Që prej fillimit të mua jit prill, kandidatët e interesuar po i nënshtrohen provimit të shtetit në profilin e mësuesisë. "Gazeta Shqiptare" zbardh sot emrat e 274 mësuesve që do të testohen në profilin MatematikëFizikë, Matematikë-Informatikë, Matematikë, Informatikë, si dhe Fizikë. Gjithashtu publikohet edhe kalendari i testimeve për të gjitha profilet. "Për të gjithë kandidatët aplikantë për provimin e shtetit në profesionin e rregulluar të Mësuesit, ju bëjmë me dije sa më poshtë: Provimi i shtetit do të zhvillohet gjatë muajit prill 2021, në godinën e Qendrës së Shërbimeve Arsimore me adresë: Bulevardi "Zhan D'Ark", Nr. 23, Tiranë (ish-ATSH). Kalendari dhe listat emërore me oraret përkatëse për çdo kandidat, do të publikohen në ditët në vijim në faqen zyrtare të Qendrës së Shërbimeve Arsimore www.qsha.gov.al", - thuhet në njoftimin e Qendrës së Shërbimeve Arsimore.
MASAT MASAT ANTICOVID ANTICOVID
Në kuadër të situatës së krijuar nga pandemia COVID-19 dhe në vijim të masave parandaluese të përhapjes së tij, nëpërmjet urdhrave të publikuar nga Ministria e Shëndetësisë dhe Mbrojtjes Sociale, provimet do të zhvillohen duke zbatuar me përpikëri rregullat. "Qendra e Shërbimeve Arsimore është përgjegjëse për ofrimin e sigurisë maksimale dhe kushteve të përshtatshme higjieno-sanitare, duke ofruar: pastrim dhe dezinfektim të ambienteve të provimit me solucione dezinfektuese të miratuara, përpara dhe pas çdo seance provimi; pastrim dhe dezinfektim të pajisjeve fizike të ambienteve të provimit, si: kompjuterët, pajisjet elektronike, karriget, tavolinat etj.; vendosje të solucioneve dezinfektuese në hyrje të çdo ambienti provimi; respektim të distancës 1,5 - 2 metra ndërmjet kandidatëve gjatë gjithë proceseve të zhvillimit të provimit; mundësinë e kryerjes së provimit në kabina të veçanta për secilin kandidat, duke respektuar distancën fizike nga njëri-tjetri; pajisjen me mjetet e duhura mbrojtëse si maska dhe doreza plastike, të stafit të institucionit dhe personave të jashtëm, të përfshirë në proceset e zhvillimit të provimit", - bën me dije QSHA.
DOKUMENTACIONI
Gjatë paraqitjes për pjesëmarrje në provim, kandidati duhet të ketë parasysh që të paraqitet pranë QSHA-së, i pajisur me mjetet mbrojtëse, maskë dhe doreza plastike; të zbatojë ruajtjen e distancës fizike 1,5 - 2 metra nga kandidatët e tjerë; të ketë me vete vetëm dokumentet e kërkuara dhe mjetin e identifikimit; të ketë me vete stilolaps për nënshkrimin e deklaratës dhe rezultatit të provimit; të mos ketë me vete celularë, çanta dhe sende të tjera personale të panevojshme për zhvillimin e provimit. Kandidati duhet të paraqitet pranë QSHA 30 minuta përpara orarit të publikuar dhe të jetë i pajisur me: Letërnjoftim (Kartë ID ose Pasaportë, dokumenti origjinal); Kopje të Kartës ID ose Pasaportës; Faturën origjinale me vulën përkatëse, të pagesës së tarifës së provimit për llogari të QSHA, të kryer në një bankë të nivelit të dytë (sipas faturës për arkëtim të publikuar në faqen zyrtare të QSHA, bazuar në herën e pjesëmarrjes); Kopje (jo të noterizuara) të diplomave të ciklit të parë dhe të dytë të studimeve të përfunduara; vërtetimin për njohjen dhe njësimin e diplomës në rastet kur studimet janë përfunduar jashtë shtetit; dokumentacionin e lëshuar nga institucioni përgjegjës për arkivat që provon lëshimin e diplomës apo dokumentit të barasvlershëm me të, në rastet kur studimet janë përfunduar në një institucion të arsimit të lartë të mbyllur. Në mungesë të pajisjes me diplomë të ciklit të dytë të studimeve, kandidati duhet të pajiset nga universiteti përkatës me një vërtetim ku të specifikohet që ai/ajo: ka shlyer të gjitha detyrimet për përfundimin e ciklit të dytë të studimeve në edukim. (si dhe njohjen e gjuhës së huaj, në bazë të testimeve të njohura ndërkombëtare dhe në nivelin e specifikuar në aktet ligjore dhe nënligjore në fuqi); emërtesa e plotë dhe lloji i programit të ciklit të dytë të përfunduar, viti i përfundimit, numri i matrikullimit, data e diplomimit Kandidatët, të cilët nuk paraqesin këto dokumente, nuk mund të marrin pjesë në provimin e shtetit. "Kandidati duhet të mbajë parasysh rregullat e mëposhtme: Ndalohet mbajtja dhe përdorimi i celularëve apo mjeteve të tjera të komunikimit gjatë zhvillimit të provimit, pasi kjo vlerësohet si kriter moskualifikimi; Ndalohet komunikimi me kandidatët e tjerë gjatë zhvillimit të provimit deri në marrjen e deklaratës së rezultatit; Ndalohet lëvizja përtej vendit të përcaktuar për zhvillimin e provimit; Ndalohet duhani dhe konsumimi i ushqimit në mjediset e provimit. Për të gjithë kandidatët e regjistruar, lutemi të verifikoni paraprakisht emrin, mbiemrin, profilin, si dhe orarin e provimit në faqen zyrtare të QSHA, në adresën www.qsha.gov.al, "Provimet e Shtetit", rubrika "Njoftime", "Lista e kandidatëve për provimin e shtetit". Në rast pasaktësish t'i drejtohen ZVAP ose DRAP përkatës", - nënvizon QSHA.