Vjedhja e të dhënave personale, Meta: E poshtër! PS po shantazhon shqiptarët
Presidenti njofton SHBA, OSBE e Britaninë: PS në mënyrë skandaloze cenoi të dhënat personale “Të hetohet. PS ka kapur shtetin dhe nuk pranon të lërë pushtetin”
Presidenti Ilir Meta i bëri dje thirrje Prokurorisë së Posaçme që të hetojë me shpejtësi vjedhjen e të dhënave personale të qytetarëve. Sipas tij, PS po përdor të dhënat personale për shantazh. Në një prononcim për mediat, nga Pogradeci, kreu i shtetit akuzoi Partinë Socialiste se po shkel ligjin çdo ditë, duke përdorur forma të ndryshme për t’iu bërë presion qytetarëve. Ai u ndal edhe tek dita e zgjedhjeve, ku theksoi se 25 prilli do të jetë dita e triumfit e demokracisë. “Drejtuar SPAK dhe institucioneve të drejtësisë për të hetuar me shpejtësi ngjarjen më të fundit, skandaloze atë të keqpërdorimit dhe të vjedhjes nga ana e PS në çdo lloj forme që kjo ka ndodhur të të dhënave personale të të gjithë qytetarëve shqiptarë, të dhëna që mbrohen nga ligji dhe që përdoren vetëm për interesin publik. Është një shkelje e papranueshme dhe e poshtër e çdo norme dhe çdo morali për të vendosur bazën e të dhënave personale në dispozicion vetëm një force politike, të asaj që ka kapur shtetin dhe që nuk pranon të lërë pushtetin dhe për këtë arsye përdor këto forma të poshtra dhe për këtë arsye iu bën presion qytetarëve shqiptarë. Koha kur shqiptarët kishin frikë nga qeveria ka mbaruar përgjithmonë, data e fundit ishte 2 marsi”,-deklaroi Presidenti Meta.
SHKRESA
Kreu i shtetit përmes një shkrese i kërkon
ZGJEDHJET
“Fundi i marrëzisë është 25 prilli, demokracia nuk do bëhet kurban. Data 25 prill do jetë triumfi i djemve dhe vajzave për të ardhmen e tyre dhe bashkëmoshatarëve të tyre, për t’i kthyer nga jashtë vendit. Njeriu që duhet të ishte në burg për Dibrën dhe për t’i bërë tërmetin Vlorës, kanë zgjedhur Afrim Qëndron, që duhet të ishte në burg, që kontrollon gjithçka që të ndrydhin vlonjatët. Por, Vlora përherë ia ka bërë fora. Vlora është e lënduar dhe ia ka bërë dhomën e psikiatrisë, Ramës gati”, - tha z.Meta.
SPAK nisjen e hetimeve mbi keqpërdorimin e të dhënave personale të qytetarëve shqiptarë dhe të bazës së të dhënave shtetërore nga Partia Socialiste. Gjithashtu, me këtë shkresë vë në dijeni dhe OSBE, ambasadën e SHBA-së dhe Britanisë. “Përdorimi i të dhënave personale që administrohen nga një Regjistër Publik shtetëror, si ai i AKSH-it, është nga ngjarjet më të rënda që kanë ndodhur përgjatë kësaj fushate zgjedhore”. “Çdo përdorim i këtyre të dhënave, qoftë dhe për të furnizuar baza të tjera të dhënash që krijohen nga një parti politike për qëllime të saj, është një cenim skandaloz i të dhënave personale të qytetarëve të Republikës së Shqipërisë, që veç të
tjerave krijon terren për keqpëdorimin e tyre” thuhet në shkresën e Presidencës që mban emrin e sekretares së përgjithshme të Presidencës, Ornela Zonja. Presidenti i Republikës, i shqetësuar nga ky skandal i denoncuar tashmë publikisht, i kërkon SPAK-ut, të nisë menjëherë hetimet, duke marrë pa vonesë masat e nevojshme për të administruar dhe sekuestruar jo vetëm provat që faktojnë këtë veprimtari të paligjshme, por edhe për të ruajtur dhe ndaluar abuzimin që kryhet me të dhënat personale të shtetasve, nga Partia Socialiste në këtë proces zgjedhor. Të dhënat e publikuara, jo vetëm që evidentojnë një veprimtari të paligjshme, të konsumuar
në formë të organizuar, por nga ana tjetër, cenojnë rëndë integritetin dhe besimin e publikut në paanshmërinë e organeve kryesore të shtetit si SPAK, SHISH, etj. Kjo është një arsye më shumë, për nevojën urgjente që paraqet hetimi i këtij rasti. Presidenti vlerëson se, në një situatë të tillë, nuk mjafton vetëm nisja e hetimeve për rastin konkret, por SPAK duhet që me veprime konkrete proaktive, të parandalojë dhe hetojë çdo lloj veprimtarie që cenon të drejtën për zgjedhje të lira e të ndershme, mbi të gjitha për të rikthyer edhe besimin e qytetarëve tek funksionimi i drejtësisë, pavarësia e saj, dhe ndëshkimi i shkelësve të përsëritur të ligjit”,-thuhet në shkresë.