30-vjeçarja humb jetën gjatë lindjes në maternitetin e Fierit, shpëton fëmija
Familjarët: Mjekët na thanë se pësoi trombozë, pastaj atak
FIER - Një ngjarje e rëndë ka ndodhur tri ditë më parë në maternitetin e Fierit, ku një grua shtatzënë ka ndërruar jetë pak momente para se të futej në operacion. Bëhet fjalë për 30vjeçaren Elisabeta Lamaj nga fshati Vlosht dhe e martuar në Drenovë të re në Ballsh. Mësohet se e reja ka humbur jetën të shtunën në maternitet ku kishte shkuar për të sjellë në jetë fëmijën e saj të dytë. Ngjarja e rëndë është bërë publike ditën e djeshme. Lamaj është paraqitur në maternitetin e Fierit bashkë me familjarët e saj dhe ka bërë spinalen, (gjilpëra për të përgatitur gruan
KALLËZIMI I FAMILJARËVE
Familjarët e 30-vjeçares Elisabeta Lamaj që ndërroi jetë në sallën e lindjes ditën e shtunë kanë deklaruar se mjekët iu kanë dhënë dy versione. Pas kallëzimit që kanë bërë në polici për neglizhencën e mjekëve, ata u shprehën se bluzat e bardha në maternitetin e Fierit, fillimisht u kanë thënë se Lamaj ka pësuar trombozë, ndërsa më pas u kanë thënë se ka pësuar atak kardiak. “Mjekët na kanë dhënë dy versione. Mjekët thanë në fillim se pësoi trombozë dhe më pas thanë se pësoi atak,” – janë shprehur prindërit e Lamajt dhe bashkëshorti i saj, i cili punon si gardian në burgun e Fierit.
para lindjes). Sapo ka bërë spinalen, gruaja është ndjerë
keq, dhe mjekët kanë parë gjendjen e rëndë të saj. Ata e futën në sallën e operacionit dhe aty 30-vjeçarja ndërroi jetë, ndërsa mjekët më pas u përqendruan për të shpëtuar jetën e foshnjës. Ndërsa, trupi i 30-vjeçares i është nënshtruar autopsisë për të zbuluar shkaqet e vdekjes së saj. Ndërkohë, familjarët e saj kanë bërë akuza të forta ndaj mjekëve, për neglizhencë në detyrë. Ata pretendojnë se mjekët nuk janë kujdesur mjaftueshëm për të renë, dhe se për këtë arsye ajo ka ndërruar jetë.
Familjarët kanë bërë edhe kallëzim në polici për bluzat e bardha. Pas kallëzimit që kanë bërë në polici për neglizhencën e mjekëve, familjarët u shprehën se bluzat e bardha në maternitetin e Fierit, fillimisht u kanë thënë se Lamaj ka pësuar trombozë, ndërsa më pas u kanë thënë se ka pësuar atak kardiak. Detaje të tjera për ngjarjen nuk bëhen ende me dije, ndërsa prokuroria ka nisur hetimet pas kallëzimit të familjarëve. Fatmirësisht foshnja e që ajo solli në jetë gëzon shëndet të plotë, ndërsa nuk dihen ende shkaqet zyrtare të vdekjes së të resë, nënë edhe e një fëmijë tjetër 5 vjeç.