Raporti i Europol nxin Shqipërinë: Burim kryesor droge drejt BE-së, rajoni “portë hyrëse” për heroinën

Rrjetet kriminale shqiptare janë shumë të organizuara, funksionojnë me parimin e hierarkisë Presidenti Meta nuk kursehet, gjen fajtorin: Përgjegjëse “Rilindja”!

Shqipëria mbetet një burim kryesor i kanabisit bimor trafikuar në Bashkimin Europian pasuar nga Maroku, Afganistani, Libani dhe Siria.

Në këtë përfundim arrin Europol në raportin e publikuar dje “Vlerësimi i kërcënimit nga krimet e rënda dhe të organizuara” i Policisë Europiane. Në rreth 108 faqe të raportit, përmendet goditja e bërë nga Policia spanjolle ndaj grupit shqiptar që kultivonte kanabis në disa zona të qeta në periferi të Barcelonës, ndërsa nuk munguan as kapjet e bëra në kamionët që kishin si destinacion Holandën.

Sipas raportit “SOCTA2021”, rrjetet kriminale merren me trafik kanabisi janë shumë të organizuara. “Ata janë tipikisht në mënyrë hierarkike të strukturuar me role dhe nivele të përcaktuara mirë përreth drejtuesve ose relativisht të organizuar fort por e pastrukturuar dhe i rrethuar nga një rrjet individësh të angazhuar në veprimtari kriminale. Një pjesë e madhe e rasteve raportuar në Europol duke shfaqur dhunë fatale dhe serioze kanë të bëjnë me drogë, në veçanti me tregtinë e kanabisit”, thekson raporti.

Përveç Shqipëria, shqiptarët duket se kanë shtrirë gjerësisht veprimtarinë e tyre në fushën e kanabisit edhe në Spanjë. Europol bën

RAPORTI “SOCTA2021”

Sipas raportit “SOCTA2021”, të publikuar nga Europol, Shqipëria është “kampione” në trafikun e lëndëve narkotike, kryesisht të kanabisit. Ndërkohë që theksohet se së fundmi, Ballkani është kthyer në portë hyrëse për heroinën që vjen nga vendet e Amerikës Latine. “Shqipëria mbetet një burim kryesor i kanabisit bimor trafikuar në BE. Rrjetet kriminale merren me trafik kanabisi janë shumë të organizuara. Ata janë tipikisht në mënyrë hierarkike strukturuar me role dhe nivele të përcaktuara mirë. Një pjesë e madhe e rasteve të raportuara në Europol kanë shfaqur dhunë fatale dhe serioze janë të lidhura me drogën, në veçanti me tregtinë e kanabisit”,-shkruhet në raport

me dije se grupet kriminale kryesisht nga shtetas shqiptarë, kanë krijuar fabrika të prodhimit në shkallë të gjerë të kanabisit me trekatër korrje në vit në zonat e qeta në periferi të Barcelonës në Spanjë. Duke vjedhur energjinë elektrike, ata kanë shkaktuar humbje në rrjet prej mbi 1.5 mln euro. Pasi u korr, kanabisi bimor u dërgua në Holandë i fshehur në paleta të ngarkuar në kamionë. “Këta kriminelë përdorën gjerësisht mjete të koduara të komunikimit”, thekson

TIRANË – Presidenti Ilir Meta ka reaguar pas publikimit të raportit të Europol ku thuhet se Shqipëria mbetet një burim kryesor i kanabisit bimor trafikuar në Bashkimin Evropian. Pasi ka shpërndarë një link ku edhe sqarohej përmbajtja e raportit, Meta drejtoi gishtin nga Partia Socialiste, duke u shprehur se 25 prilli duhet të konsiderohet nga qytetarët si referendum. “Droga dhe trafiqet po ja nxijnë faqen Shqipërisë dhe po e rrënojnë. Këtë e thekson qartë drejtuesja e Europolit, e cila bën përgjegjëse “Rilindjen”. Prandaj 25 Prilli është referendum popullor, që droga dhe trafiqet t’i përkasin të shkuarës,”-shkruan Meta.