“Ne jemi për punë të vështira”, Rama: Programi i PD, si firmat piramidale
“Jemi këtu jo për të ikur, por për të vazhduar”, kryeministri: Ne mbajmë premtimet “Lufta për reformën në drejtësi nuk do jetë e lehtë”
Kreu i ekzekutivit, Edi Rama e konsideroi dje të vështirë vitin e fundit, i cili sipas tij nisi me tërmetin dhe u pasua me pandeminë. Rama tha se është kjo arsyeja se pse e ka të vështirë të qeshë dhe të duket i freskët, për shkak se i duhet të jetë në lëvizje. Para të rinjve të Librazhdit, Rama deklaroi: “Është momenti për të mbajtur para jush një fjalë më personale. U bënë ditë në fakt, javë ndoshta, që miq të ndryshëm më shkruajnë, ‘po qesh o burrë, qesh, mos dil kaq i ngrysur, se dukesh dhe i lodhur, punët janë mirë, ne do të fitojmë’. Sigurisht që më 25 prill, pa diskutim do të fitojmë. Por, më besoni, nuk është e lehtë të qeshësh, nuk është e lehtë të jesh i pangarkuar dhe të dukesh i freskët sikur ke fjetur gjumë 10 orë, sepse për mua u bë më shumë se 1 vit që ka qenë një kohë jashtëzakonisht e vështirë”, - tha Rama. Kryeministri rrëfeu se çfarë ka ndodhur gjatë takimit që ka pasur me kreun e Pfizer, kur shkoi në New York për të kërkuar vaksinat. “Po ju sjell rastin tjetër kur morëm rrugën në New York në mes të pandemisë për të takuar të parin e Pfizer. ‘Nuk ka’, tha. ‘Do ta konsiderojmë kërkesën tuaj, por s’ka’, tha, etj., etj. Nuk i dola nga zyra. Nuk i dola nga zyra deri në momentin kur i mora fjalën se ne do të kishim një kontratë. Natyrisht që, kjo është ana e mirë e imja. Ka edhe një anë tjetër që ma vënë në dukje njerëzit: Arrogant. Mbase, por më shumë sesa arrogant, unë do thosha kokëfortë dhe këmbëngulës deri në pikën që hera-herës e teproj, me siguri e teproj. ‘Si mund të flasë kryeministri kështu’, thonë disa kur hyj në ‘Facebook’ dhe komentoj. Në fakt, kryeministrat me të cilët jemi mësuar, jo në ‘Facebook’, por as në rrugë nuk ua kthejnë sytë njerëzve”, - theksoi z.Rama.
AKUZAT
Nga Librazhdi, kryeministri Edi Rama iu përgjigj indirekt