Përdorimi i të dhënave personale, SPAK letër ‘e-Albania’-s dhe PS: Na jepni databazat
Komisioneri: Hetim përdorimit të të dhënave private nga partitë politike Në zyrat e “Lapsi.al”, do sekuestrohet serveri i “patronazhit”
Një ditë pas nisjes së hetimeve nga Prokuroria e Posaçme në lidhje me përdorimin e të dhënave personale, SPAK u ka nisur shkresa të gjitha institucioneve për t’i vënë në dispozicion kopje të databazave që kanë në përdorim. Mësohet se shkresë, përveç AKSHI-t që administron ‘e-Albania’n, i është dërguar edhe Partisë Socialiste, si dhe medias që publikoi të dhënat, për t’i vënë në dispozicion një kopje të databazave në mënyrë që të bëhet verifikimi. Prokuroria e Posaçme Kundër Korrupsionit dhe Krimit të Organizuar, SPAK, zbarkoi dje në zyrat e portalit “Lapsi.al” për të sekuestruar serverin. SPAK po bën verifikime lidhur me pretendimet për nxjerrjen e të dhënave personale të qytetarëve nga portali ‘e-Albania’ për qëllime elektorale nga PS-ja. Hetimi nisi pasi portali “Lapsi.al” publikoi emrat e disa figurave publike, numrat e kartave të identitetit dhe numrat e celularëve të të cilëve pretendohet se kanë përfunduar në kompjuterët e Partisë Socialiste. Sipas portalit, bëhet fjalë për të dhëna konfidenciale për 910 mijë votues të Tiranës, nga mosha 19 deri në 99 vjeç. Dokumenti përmban të dhënat personale të secilit prej nesh, si numrat e telefonit, numrin e kartës së identitetit, numrin e qendrës së votimit, vendin e punës, dhe përmes një sistemi “patronazhi” krijohen ide paraprake mbi votën. Kreu i SPAK, Arben Kraja, në një prononcim të shkurtër për mediat deklaroi se: “Kanë filluar verifikimet dhe shumë shpejt do të keni përgjigje”. Ndërkaq, PD-ja në një deklaratë për mediat tha se: “Përdorimi i databazës së ‘e-Albania’-s nga Edi Rama dhe zyrtarë të PS-së përbën vepër penale”.
REAGIMI
Zyra e Komisionerit për të Drejtën e Informimit dhe Mbrojtjen e të Dhënave Personale ka nisur një hetim në lidhje me publikimin e të dhënave personale të mbi 900 mijë qytetarëve, që sipas mediave janë marrë nga partitë politike përmes portalit ‘e-Albania’. Përmes një deklarate për shtyp, zyra e Komisionerit sqaroi se po hetohen dhe po mblidhen prova për të vërtetuar nëse ka shkelje apo jo të privatësisë. “Zyra e Komisionerit ushtron të drejtën e shqyrtimit apo të hetimit administrativ mbi bazë ankese të depozituar nga një qytetar për çështje që kanë interes apo sensibilitet publik. Në lidhje me rastin që u njohëm nga publikimet mediatike, po bëhen të gjitha vlerësimet e nevojshme ligjore për administrimin zyrtar të dokumentacionit, informacionit
HETIMI
Kreu i SPAK, Arben Kraja, në një prononcim të shkurtër për mediat deklaroi se: “Kanë filluar verifikimet dhe shumë shpejt do të keni përgjigje”. Ndërkaq, PD-ja në një deklaratë për mediat tha se: “Përdorimi i databazës së ‘eAlbania’-s nga Edi Rama dhe zyrtarë të PS-së përbën vepër penale”.
apo provave të nevojshme për shqyrtimin e rastit. Zyra e Komisionerit disponon dhe vendos vetëm mbi provat. Vendimmarrja e Komisionerit në çdo rast do të jetë publike”, - thuhet në deklaratë. Për vitin 2021, dy qytetarë kanë regjistruar 2 ankesa për shkak se janë telefonuar pa e kërkuar ata nga subjektet politike. “Institucioni ka administruar prej datës 1 janar 2021 vetëm dy ankesa nga qytetarët që kanë si objekt thirrjet e pakërkuara telefonike në kuadër të fushatës zgjedhore. Për të dyja rastet po kryhen procedurat përkatëse ligjore në kuadër të hetimit”, - thuhet në deklaratën e Komisionerit për të Drejtën e Informimit dhe Mbrojtjen e të Dhënave Personale. Komisioneri theksoi se pas hetimit do të merren masa administrative për këto subjekte që kanë shkelur ligjin.