Dr. med. Dollenberg: Politizimi i shëndetësisë dhe i vaksinimit në Shqipëri, tepër i theksuar
Flet mjekja e njohur në Gjermani: Vaksinat anticovid do të merren çdo vit, si ato të gripit "E pajustifikueshme që politika të përdorë jetën e qytetarit për votë"
Të vaksinohemi apo jo? Sa e sigurtë është vak sina dhe a duhet t'i besojmë teorive konspirative? Në një intervistë për "Gazeta Shqiptare", Aurora Dollenberg, dr. med. Aurora Dollenberg, mjeke e njohur e Urgjencës dhe Psikoterapisë në Gjermani, njëkohësisht kryetare e Federatës së Mjekëve Shqiptarë në Europë tregon se politizimi i shëndetësisë dhe i çdo procesi vaksinimi në Shqipëri është tepër i theksuar, krahasuar me të gjitha vendet, qoftë me vendet e Ballkanit, por edhe të Europës. Ajo shton se efikasiteti i vaksinës kineze është ndërmjet 50.5 %-85 %, por vendet e afërta me Shqipërinë, siç është Turqia, kanë treguar një efikasitet shumë të mirë të kësaj vaksine. Mjekja nënvizon se vaksinat e prodhuara deri tani kanë vërtetuar mbrojtje një vjeçare, do të arrijë që kjo vaksinë të merret çdo vit, po njësoj si ajo e gripit.
Si paraqitet situata e pandemisë në Shqipëri?
Situata në Shqipëri është patjetër po aq dramatike sa dhe në vendet e reja europiane ku shifrat e reja të infektuarve sidomos me mutacionin e ri që është shumë pak i identifikuar në Shqipëri është shumë i lartë.
Vaksinimi masiv ka filluar dhe deri tani janë vaksinuar mbi 200 mijë qytetarë. Si e vlerësoni procesin e vaksinimit?
Vaksinimi i qytetarëve shqiptarë po ecën tepër ngadalë dhe jemi në një vonesë prej të paktën 3 muajsh por gjithsesi kritika për këtë proces shumë të ngadalësuar dhe jo vetëm për Shqipërinë, por për shumë vende të tjera që janë edhe më të mëdha dhe më të fuqishme nga ana ekonomike kështu që mbetemi optimist që muajt që vijojnë të na sjellin ritme më të shpejta.
A mendoni se vaksinimi po përdoret politikisht në Shqipëri, qoftë nga qeveria, qoftë nga opozita? Dhe sa ndikon kjo në shëndetin e qytetarëve?
Politizimi i shëndetësisë dhe i çdo procesi vaksinimi në Shqipëri është tepër i theksuar krahasuar me të gjitha vendet, qoftë me vendet e Ballkanit, por edhe të Europës. Është jo e justifikueshme që politika të përdorë tema kaq delikate dhe të dhimbshme siç është shëndeti dhe jeta e qytetarit për të rritur influencën e tyre ose për të marrë më tepër vota. Në një përzierje të shëndetit dhe politikës në këtë formë siç ndodh në Shqipëri nuk është për t'u përgëzuar, por përkundrazi ka vend për kritika të mëdha.
Sa efektive është vaksina kineze? A mendoni se do të marrë certifikim nga EMA?
Edhe pse vaksinën kineze nuk e kemi studime të mirëfillta klinike dhe faza e tretë klinike nuk është e publikuar nga pala kineze përsëri shifrat në terren të të vaksinuarve me vaksinë kineze dhe këto janë 70 vende që e kanë përfituar këtë vaksinë nga Kina në formë donacioni na tregon që efikasiteti i kësaj vaksine është ndërmjet 50.5 %-85 %. Vendet e afërta me Shqipërinë, siç është Turqia, kanë treguar një efikasitet shumë të mirë të kësaj vaksine kështu që shpresa është edhe për Shqipërinë të vërtetohet tek ata që e kanë marrë këtë vaksinë një efikasitet që shkon deri në një vit dhe një tolerancë shumë të mirë.
Po vaksina ruse? Vaksina ruse është duke marrë vulat e sigurisë nga EMA dhe nga komisionet të kontrollit gjerman. Është një vaksinë që ka vërtetuar po ashtu një efikasitet të lartë dhe ka premisa të ndihmojë Europën në ngërçin që ajo ka mbetur tek vaksinat që kryesisht kanë ardhur nga Amerika. Pra është zgjidhja e muajve në
PROCESI I VAKSINIMIT
“Vaksinimi i qytetarëve shqiptarë po ecën tepër ngadalë dhe jemi në një vonesë prej të paktën 3 muajsh por gjithsesi kritika për këtë proces shumë të ngadalësuar dhe jo vetëm për Shqipërinë, por për shumë vende të tjera që janë edhe më të mëdha dhe më të fuqishme nga ana ekonomike kështu që mbetemi optimist që muajt që vijojnë të na sjellin ritme më të shpejta”.
vijim e kësaj pandemie.
Çfarë doni t'u thoni gjithë skeptikëve që besojnë teoritë konspirative mbi vaksinën?
Skeptikët mbi vaksinën, të cilët priren t'u besojnë teorive konspirative unë do u thosha si mjeke dhe eksperte e fushës që se në qoftë se pandemia është një konspiracion dhe të gjithë njerëzit, të cilët kanë humbur jetën janë thjesht pjesë e fantazisë sonë, atëherë me të vërtetë do kishte vend për teori të tilla, për realitete shpreh haptaz që pandemia është diçka e prekshme ku është futur në çdo të tretë familje shqiptare ku dikush ka qenë i sëmurë ose dikush ka humbur një familjar kështu që vaksinat të cilat tregojnë një efikasitet me 50 % dhe që tolerohet mirë nga organizmi i njeriut janë për t'u dhënë dhe aty nuk kam e hapësira më për diskutime apo dyshime.
Të rinjtë përgjithësisht po hezitojnë pasi mendojnë se vaksina do të ndikojë negativisht në fertilitet. Cila është përgjigjja juaj lidhur me këtë?
Mungesa e studimeve tek gratë shtatzëna apo gratë e reja në lidhje me fertilitetin pasi të jenë infektuar me koronën ose në qoftë se e kanë marrë vaksinën janë shumë të pakta. Pra, ne nuk kemi siguri akademike si mjeke që të themi që të rinjtë nuk janë të rrezikuar për të mos pasur dot fëmijë në rast se ata e marrin këtë vaksinë. Prandaj kjo është një temë e cila që na mban ne si mjekë pak të tërhequr kur bëhet fjalë për dhënien e vaksinës tek të rinjtë për arsye të këtyre datave ose të dhënave të qarta mbi fertilitetin, do ishin kandidatët e fundit të cilët do e merrnin këtë vaksinë.
A do të kemi nevojë për vaksinën anticovid çdo vit?
Po vaksina kundër Covid-it do merret çdo vit ashtu siç marrim edhe vaksinën e gripit. Vaksinat e prodhuara deri tani kanë vërtetuar mbrojte një vjeçare në rast se vitin tjetër aftësitë për të prodhuar një vaksinë, e cila siguron mbrojte edhe më afatgjatë do e shohim por me mundësitë dhe kapacitetin që kemi deri tani mbrojtja është një vjeçare dhe përsëritja e kësaj vaksine do bëhet çdo vit.
Aktualisht sa variante të COVID-19 po qarkullojnë? Sa të rrezikshëm janë?
Ekzistojnë shumë mutacione të COVID-19, të cilët janë më të rrezikshëm se sa versioni klasik i Corona-Virusit ku mutacioni më i rrezikshëm është ai britanik, i cili ka një infektueshmëri 7 herë më të lartë dhe variantet e tjera deri në 3 herë më të lartë. Ajo që është më shqetësuese është edhe fakti që të infektuarit me mutacionet e reja kanë një ecuri më të keqe të sëmundjes ku është vërtetuar një vdekshmëri shumë herë më e lartë deri në 3 herë më e lartë. Problematika e infektueshmërisë shprehet në shifrat e rritura që shohim si në Shqipëri por edhe në të gjitha vendet europiane ku edhe pse jemi në proces të vaksinimit përsëri numri i të infektuarve të rinj është çdo ditë në rritje në vend që të jetë në ulje. Kjo thekson faktin që ritmi i bërjes së vaksinës është shumë i ngadaltë dhe në atë garën që ekziston mes virusit dhe individit po fiton definitivisht virusi. Kështu që duhet të jemi pak më të shpejtë dhe humanë që vaksinat të jepen me çmime më të ulëta në të gjitha dhe në vendet me të ardhura të pakta si Shqipëria, sepse çdo vend në Europë i cili nuk e ka nën kontroll pandeminë është një rrezik për të gjithë Europën. Edhe ne si Federata e Mjekëve Shqiptarë në Europë po bëjmë përpjekjet tona të vazhdueshme duke bashkëpunuar me Bashkimin Europian që përtej kontratës së COVAX të kemi mundësi të bashkëpunojmë në rrugë humanitare duke përdorur solidaritetin e vendeve europiane që edhe Shqipëria të marrë në një kohë të shpejtë më tepër vaksina dhe procesi i vaksinimit të jetë shumë herë më i shpejte.