Qeveria e re, Basha: SHBA, BE dhe Britania e Madhe na kanë vendosur në dispozicion 4 ekspertë
“Drejtimi i timonit u takon shqiptarëve, jo një njeriu të vetëm”
Kreu i PD-se Lulzim Basha u shpreh dje se drejtimi i timonit nuk i takon një njeriu të vetëm, por gjithë qytetarëve, ndërsa theksoi se udhëheqësve u takon të tregojnë rrugën. “Timoni u takon shqiptarëve, nuk i takon një njeriu të vetëm, ndërsa drejtuesve u takon të tregojnë rrugën. Është shpërdoruar shumë si metaforë. Të rrëfesh rrugën drejt ndryshimit është përgjegjësia ime”, theksoi Basha në ABC.Kreu demokrat tha se ‘25 prilli është në radhë të parë për të vendosur ndryshim në nivel qendror më pas për t’u marrë me problemet e shkaktuara nga papërgjegjshmëria në nivel vendor”. Lulzim Basha theksoi se zotohet që biznesin e vogël disa nisma do të bëhen realitet me afate kohore.“Nuk ka më ligj, ka gjobëvënie pa fund, çdo ditë falimentojnë 60 biznese, që do të thotë 60 kryefamiljarë nuk çojnë më një rrogë në shtëpi. Kjo klimë nuk mund të vazhdojë më, shumë e bizneseve shqiptare janë për ndryshimin. Zotohemi që ato pjesë të planit që kanë të bëjnë me biznesin e vogël dhe të mesëm ti bëjmë realitet me afate kohore, vendosjen e tavanit mbi taksat lokale prej 0.5% të xhiros. Biznes i vogël do të quhet çdo biznes me xhiro nën 140 milionë të vjetra në vit. Angazhimet e tjera, që ky terror psikologjik i inspektorateve të marrë fund, duke fiksuar pullën fiskale”, -theksoi Meta. Lidhur me qeverine e pas 25 prillit, Basha deklaroi: “Partnerët na kanë vendosur në dispozicion 4 ekspertë perëndimorë. Partnerët janë SHBA, BE dhe Britania e Madhe. Ekspertët i bashkohen ekipit tanë. Partnerët ia kanë vendosur edhe qeverisë, por mesa duket është interesuar te teatri dhe jo te zgjidhja e problemit”.