“Jam shumë e drejtpërdrejtë”, Yuri Kim: SHBA nuk mbështesin asnjë parti

Ambasadorja me shoqërinë civile në Vlorë: Nxisni rininë të votojë. Me rëndësi monitorimi i zgjedhjeve “Paralajmërojmë këdo që përpiqet të blejë apo të shesë vota”

Ambasadorja e SHBA-ve në Ti ranë, Yuri Kim gjatë vizitës së saj në Vlorë, kërkoi dje nga përfaqësuesit e shoqërisë civile që të kontribuojnë në forcimin e demokracisë, informimin e votuesit dhe nxitjen e rinisë për të votuar më 25 prill. Kim u takua me një grup përfaqësuesish të shoqërisë civile për të dëgjuar pikëpamjet e tyre mbi zgjedhjet e ardhshme. Grupi diskutoi mbi integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve. Ambasadorja theksoi rolin që shoqëria civile duhet të luajë në zgjedhjet e ardhshme duke nxitur të gjithë qytetarët të votojnë, - thuhet në një njoftim të ambasadës, - veçanërisht të rinjtë, duke informuar votuesit për të drejtat dhe përgjegjësitë e tyre, si edhe duke kontribuar për një shoqëri më të drejtë dhe demokraci më të fortë në Shqipëri. Diplomatja amerikane tha se integriteti i kandidatëve dhe edukimi i votuesve janë mjaft të rëndësishme për shoqëritë demokratike. “Gjatë vizitës së saj sot në Vlorë, Ambasadorja Kim u takua me një grup përfaqësuesish të shoqërisë civile për të dëgjuar pikëpamjet e tyre mbi zgjedhjet e ardhshme. Grupi diskutoi mbi integritetin e kandidatëve, edukimin e votuesve, çështjet e barazisë gjinore dhe rëndësinë e monitorimit të zgjedhjeve. Ambasadorja theksoi rolin që shoqëria civile duhet të luajë në zgjedhjet e ardhshme duke nxitur të gjithë qytetarët të votojnë – veçanërisht të rinjtë, duke informuar votuesit për të drejtat dhe përgjegjësitë e tyre, si edhe duke kontribuar për një shoqëri më të drejtë dhe

demokraci më të fortë në Shqipëri”, - u shpreh znj.Kim.

TAKIMI

Ambasadorja amerikane, Yuri Kim paralajmëroi sërish dje shitblerësit e votës, 10 ditë para zgjedhjeve të 25 prillit në Shqipëri. Në deklaratën për mediat, nga Fieri ambasadorja theksoi dje se demokracia shqiptare është në drejtimin e duhur, ndërsa përsëriti se SHBAtë nuk mbështesin asnjë parti apo kandidat të caktuar. “Ambasadorja Kim: Mirëdita, është kënaqësi t’ju shoh të gjithëve. Sapo isha në Vlorë dhe tani jam sigurisht këtu në Fier. Është pjesë e përpjekjes sime për të parë sa më shumë nga Shqipëria që të mundem, sidomos në këto ditë drejt zgjedhjeve të 25 prillit. Besoj se e dini tashmë që unë jam një njeri i

drejtpërdrejtë, ndaj dua t’ju siguroj: nëse do të doja që të votonit për dikë, thjesht do t’jua thosha, nuk do t’ju jepja thjesht shenja. Dhe dua ta përsëris: Shtetet e Bashkuara nuk mbështesin një kandidat apo parti të caktuar. E vetmja gjë që mbështesim është e drejta e qytetarëve shqiptarë për të shprehur vullnetin e tyre nëpërmjet votës së tyre. Dhe paralajmërojmë këdo që përpiqet ta mohojë atë të drejtë duke blerë vota apo duke shitur vota. Mendoj se është shumë e rëndësishme që votuesit të mbajnë parasysh se ata kanë edhe pushtetin si edhe përgjegjësinë. Dhe jam e frymëzuar sot sepse në Vlorë, u takova me një grup drejtuesish të shoqërisë civile, të cilët e bënë shumë të qartë që e kuptojnë që në një demokraci, shoqëria civile ka një rol

kritik. Edhe më frymëzuese ishte tani në Fier, kur u takova me një grup të rinjsh të cilët votojnë për herë të parë. Dhe ishte shumë mbresëlënëse se sa mirë e kishin informuar veten, sa mirë i kuptonin të drejtat e tyre, dhe sa mirë e kuptonin procesin e votimit. Nuk folëm se për kë do të votonin, sepse kjo është çështje personale, por patëm një diskutim shumë të mirë lidhur me ato që ata mendojnë teksa vendosin se si do të votojnë. Dhe nga ky këndvështrim, kam besim se demokracia shqiptare është në rrugën e duhur dhe shpresoj që të rinjtë si këta do të frymëzojnë këdo në Shqipëri që ushtrojnë të drejtën e tyre, të shfrytëzojnë plotësisht të drejtën e tyre që të votojnë, të vendosin të ardhmen e vendit të tyre, më 25 prill”, - tha Kim.