“Koha na dha të drejtë”, PD: Policia, rojtare e parcelave me kanabis

Ndryshimet në polici, LSI: Është riciklim i së njëjtës narkopolici që duan trafikantët “Ish-truprojat e Tahirit nuk janë arrestuar, pasi ekspozojnë Ramën”

Për demokratët, arres timet e ditëve të fun dit falë operacionit të nisur nga Antimafia italiane provuan akuzat e opozitës, se vendi u kanabizua me urdhër të kryeministrit Rama. Partia Demokratike reagoi dje sërish lidhur me operacionin antidrogë “Shpirti”. Përmes një deklarate për mediat, deputeti i zgjedhur, Enkelejd Alibeaj, u shpreh se policia ishte kthyer në një rojtare të parcelave me kanabis. Duke komentuar përfshirjen e ishtruprojave të Tahirit, Alibeaj tha se kjo vërteton edhe një herë denoncimet e PD-së mbi përgjegjësinë e ish-ministrit të Brendshëm dhe rrjedhimisht edhe të kryeministrit Edi Rama. Ai hodhi poshtë deklaratën e Policisë së Shtetit me pretendimin se shoqëruesit e ish-ministrit të Brendshëm Saimir Tahiri, Agustin Deda dhe Hekuran Marku nuk janë nën arrest. Kjo sipas demokratëve, pasi arrestimi i tyre ekspozon ishministrin e Brendshëm dhe kryeministrin Rama. PD-ja fton SPAK-un që të mos shmanget, por të hetojë përfshirjen e disa ministrave, zyrtarëve të lartë si dhe të kryeministrit Rama në atë që ajo e cilëson projekt politik të kanabizimit të vendit dhe dorëzimin e Shqipërisë në duart e trafikantëve të lidhur me politikën. “Më shumë se 1 mijë e 400 herë PD-ja ka denoncuar Saimir Tahirin për lidhjet me organizatat kriminale dhe trafikun e drogës. Po kaq herë Saimir Tahiri është mbrojtur nga Edi Rama si “kampion i luftës ndaj krimit”. Koha na dha të drejtë. Sot para syve të shqiptarëve dhe botës mbarë, falë operacionit të Antimafies italiane, sho

DENONCIMI

PD-ja hodhi poshtë deklaratën e Policisë së Shtetit, me pretendimin se shoqëruesit e ish-ministrit të Brendshëm Saimir Tahiri, Agustin Deda dhe Hekuran Marku nuk janë nën arrest. Kjo sipas demokratëve, pasi arrestimi i tyre ekspozon ish-ministrin e Brendshëm dhe kryeministrin Rama. him përsëri se pas kushërinjve të Saimir Tahirit, që me bekimin e ministrit dhe me makinën e tij trafikuan miliona euro hashash dhe se milionat eurove përdoreshin për blerjen e zgjedhjeve, radhën për të tronditur opinionin publik e kanë shoqëruesit e Tahirit. Veprimet e tyre dëshmojnë se si me urdhër politik, i gjithë shteti ishte vendosur në shërbim të trafikut të drogës, nga mbrojta e parcelave, te ngarkimi i gomoneve deri te fikja e radarëve. Fatkeqësisht, ndryshe nga sa deklaroi policia, shoqëruesit e Tahirit, Agustin Deda dhe Hekuran Marku nuk janë nën arrest. Arsyet për këtë janë të vetëkuptueshme. Arrestimi i tyre ekspozon Tahirin dhe Ramën. Ky mashtrim i kryer për të mbrojtur urdhëruesit e kanabizimit të vendit, nuk është as i pari dhe as nuk do të jetë i fundit”, - u shpreh deputeti i zgjedhur Enkeljed Alibeaj.

NDRYSHIMET

Për ndryshimet e bëra në strukturat e Policisë së Shtetit, reagoi nënkryetari i LSI-së, Petrit Vasili. Përmes një postimi në rrjete sociale, ai shkruan se reformimi i kësaj strukture me Ramën në krye është thjesht një riciklim i të njëjtës narkopolici. Sipas tij, kjo polici e ka çuar Shqipërinë në krye të botës për trafikun e drogës dhe se dekonspiron aksione për arrestimin e trafikantëve. “Reformimi i policisë me Ramën në krye është riciklimi i të njëjtës narkopolicie, që duan trafikantët. Inkriminimi kriminal i policisë i mbështetur dhe mbrojtur fuqimisht nga kryeministri dhe policia është pa shërim. Viruset që çuan në agoni policinë janë vetë kryeministri, ministri dhe drejtori i përgjithshëm i policisë, ndaj ato mund ta çojnë vetëm në vdekje përfundimtare dhe jo në shërim Policinë e Shtetit. Kjo polici e çoi Shqipërinë në krye të botës për trafikimin e drogës dhe kthimin e Shqipërisë në bazë të krimit të organizuar edhe për Europën, SHBA-të, Amerikën Latine dhe Lindjen e Mesme siç thotë raporti i Departamentit Amerikan të Shtetit. Kjo polici dekonspiron dhjetëra aksione kundër trafikantëve dhe detyron institucionet ndërkombëtare të marrin vetë drejtimin e operacioneve edhe në Shqipëri”, – shkruan Vasili. Duke e cilësuar të politizuar, nënkryetari i LSI-së thotë se kjo polici favorizon trafikantë dhe natën arreston qytetarë të thjeshtë që protestojnë. Sipas tij, kjo strukturë angazhohet në fushata elektorale, duke shkelur ligjin për “Rilindjen”.