Kurba e COVID vijon e qëndrueshme, vetëm 2 raste të reja brenda 24 orësh
52 pacientë aktivë në të gjithë vendin, kryeson Tirana me 23 raste, pasuar nga Shkodra e Elbasani Ministria e Shëndetësisë: Asnjë humbje jete dhe 2 të shëruar
Kurba e COVID në ven din tonë vijon të para qitet e qëndrueshme. Në 24 orët e fundit janë konfirmuar vetëm 2 raste të reja pozitive në Tiranë, ndërkohë që edhe numri i testimeve të kryera ka rënë. Fatmirësisht nuk ka asnjë humbje jete për të disatën ditë radhazi. "Në 24 orët e fundit janë kryer 1140 testime, nga të cilat ka rezultuar pozitiv me COVID-19 dy qytetarë nga Tirana",-bëri të ditur MSH. Ndërkohë janë shëruar 2 qytetarë gjatë 24 orëve të fundit, duke e çuar numrin e të shëruarve në 130,029 që nga fillimi i epidemisë.
PACIENTË AKTIVË DHE TË HOSPITALIZUAR
Aktualisht janë 52 pacientë aktivë me COVID19 në të gjithë vendin ku kryeson Tirana me 23 raste active, pasuar nga Shkodra e Elbasani. Në Spitalin Infektiv po marrin trajtim spitalor të specializuar 3 pacientë. Në 24 orët e fundit nuk ka asnjë humbje jete me Sars-Cov2 pozitiv.
VAKSINIMI
Ditën e djeshme, ministrja e Shëndetësisë, Ogerta Manastirliu, dha lajmin e mirë sot në Shqipëri. Në një postim në faqen e saj zyrtare në në "Facebook", Manastirliu theksoi se do të vijojë lëvrimi sipas kalendarit të vaksinave anti-Covid, për të rritur mbrojtjen e sa më shumë qytetarëve. "Mbi 16 mijë doza të vaksinës Pfizer pritet të mbërrijnë sot në Shqipëri, duke vijuar lëvrimin sipas kalendarit të vaksinave anticovid, për të rritur mbrojtjen e sa më shumë qytetarëve nga COVID-19. Vaksinim, vaksinim, vaksinim. Shqipëria buzëqesh",-shkruan Manastirliu.
APELI
Ministria e Shëndetësisë dhe Mbrojtjes Sociale iu bëri apel qytetarëve të vijojnë të zbatojnë me përpikëri rreg
ullat për parandalimin e COVID-19 dhe të mos neglizhojnë asnjë shenjë të sëmundjes. "Për çdo dyshim, kontaktoni me mjekun tuaj të familjes ose telefononi Urgjencën Kombëtare në numrin unik 127",-I bën thirrje Ministria e Shëndetësisë popullatës.