Padia e AMT për Sorekën, KE: Akuza të pabazuara dhe dezinformuese

“Përpjekjet e Shqipërisë drejt reformës në drejtësi duhet të mos pengohen në procesin e tyre” “Shpifje ndaj ambasadorit. Fushatë kundër delegacionit në Shqipëri”

Komisioni Europian reagoi dje pas padisë që ka bërë Aleanca për Mbrojtjen e Teatrit ndaj ambasadorit të BE-së në Tiranë, Luixhi Soreka. Zëdhënësi i KiE-s, Peter Stano, në një deklaratë nga Brukseli i cilëson të pabaza akuzat e ngritura ndaj ambasadorit Soreka, duke thënë se ka një fushatë të drejtuar kundër delegacionit të BEsë në Shqipëri. Sipas tij, iniciativa dhe akuzat ndaj kreut të delegacionit europian në Shqipëri janë të pabazuara dhe dezinformuese. Sipas tij, Soreka ka mbështetjen e plotë të liderëve të Komisioni Europian për punën e bërë nga ambasadori në përforcimin e marrëdhënieve BE-Shqipëri. “Dua të trajtoj një çështje gjatë kohës së fundit në Shqipëri. Duket se ka filluar një fushatë kundër delegacionit të Bashkimit Europian në Tiranë dhe dua të them që iniciativa dhe akuzat e Aleancës për Mbrojtjen e Teatrit në Shqipëri kundër kreut të delegacionit Europian (Luixhi

REFORMA

“Ne vazhdojmë të mbështesim fort reformën në drejtësi në Shqipëri. U bëjmë thirrje aktorëve shtetërorë dhe joshtetërorë në Shqipëri të vijojnë zbatimin e reformës në përpjekjet e mëdha të Shqipërisë për të ndjekur reformën në drejtësi dhe vetingun në gjyqësor, që po japin rezultatet e para të prekshme dhe nuk mund të ngadalësohen”, deklaron zëdhënësi i KE.

Soreka) janë të pabazuara dhe dezinformuese. Ambasadori Soreka, kreu i delegacionit, ka një mbështetje të fortë nga liderët e Komisionit Europian për punën që po bën në kuadër të marrëdhënieve mes Shqipërisë dhe BE-së. BE-ja vijon që ta mbështesë fuqimisht reformën në drejtësi në Shqipëri dhe implementimin e saj. Përpjekjet e

pafundme të Shqipërisë drejt reformës në drejtësi dhe vetingut në drejtësi duhet të mos pengohen në procesin e tyre”, – tha Stano. Aleanca për Mbrojtjen e Teatrit e akuzon ambasadorin Soreka se ka tentuar të ndikojë në Gjykatën Kushtetuese për të favorizuar kryebashkiakun e Tiranës, Erion Veliajn, në çështjen e Teatrit

Kombëtar. Aleanca depozitoi një padi në SPAK, ku i kanë bërë konkrete akuzat e tyre ndaj kreut të delegacionit europian. Aleanca për Mbrojtjen e Teatrit kërkon zbardhje të takimit të ambasadorit Soreka me gjykatësen Vitore Tusha. Ndërkaq, Aleanca i ka kërkuar Presidentit Meta shpalljen “non grata” të ambasadorit të BEsë në Shqipëri.