Ndryshime në statutin e PD, miratohen propozimet e Bashës
Komisioni në PD shqyrton propozimet për statutin, vendimmarrja i kalon sot kryesisë “Nuk u gjetën elemente të vlefshme, rrëzohen draftet e Kadillit dhe Harxhit”
Komisioni për Stat utin në Partinë Demokratike miratoi dje propozimet e kryetarit Lulzim Basha për disa ndryshime në statutin e kësaj partie. Pas tre orë diskutimi në selinë blu, Komisioni për Statutin miratoi vetëm 11 propozimet e kreut të demokratëve Lulzim Basha, duke hedhur poshtë draftet e sjella nga anëtari i kryesisë Fatbardh Kadilli dhe Edit Harxhi. Pas mbledhjes, Enno Bozdo deklaroi se kishte kërkuar që për propozimet që nuk morën pëlqimin e pjesës tjetër të anëtarëve të komisionit, vendimmarrja t’i kalojë kryesisë që do të mblidhet pasditen e sotme. Por burime nga mbledhja thanë se nga ana e komisionit nuk u gjetën elemente të vlefshme në propozimet e sjella nga Kadilli e Harxhi, të cilët njëzëri kërkojnë sanksionimin në statut të kufizimit të mandatit të kryetarit të partisë në 4 vjet, në rast të humbjes së zgjedhjeve. Ndryshe nga shumica e anëtarëve të komisionit, Enno Bozdo, i cili beson se Partia Demokratike ka nevojë për një ndryshim të thellë, kërkoi që debati politik për statutin dhe të ardhmen e PD të zhvillohet në kryesi e të mos mbyllej në komision. “Në dijeni time propozimet e Bashës kaluan të gjitha. Propozimet ndahen në dy grupe ato që rregullojnë statutin aktual dhe që janë të vlefshme për një harmonizim më të mirë ku janë krijuar problemet dhe propozime e Fatbardh Kadillit që e rikonceptojnë PD, të gjitha këto propozime janë politike dhe të gjitha duhet t’i kalonin krye
LULZIM LULZIM BASHA BASHA
Në 11 propozimet e Lulzim Bashës parashikohet një kryesi më e zgjeruar, ku përveç kryetarit të këshillit kombëtar, do të përfshihen edhe drejtues të disa strukturave të tjera që nuk kanë qenë pjesë e këtij forumi. Ai propozon, gjithashtu, organizimin e këshillit kombëtar sipas departamenteve. Po ashtu kërkon që kandidatët për kryetarë bashkish të propozohen nga kryetari i partisë, të caktohen nga kryesia dhe lista e plotë të miratohet nga këshilli kombëtar.
EDITH EDITH HARXHI HARXHI
Sipas propozimit të Edith Harxhit, kryetarit të PD-së duhet t’i përfundojë mandati pas humbjes vetëm në një palë zgjedhje, e jo në dy siç është aktualisht. “Në statutin alternativ të paraqitur në vitin 2017 kam propozuar kufizimin e mandatit të kryetarit të partisë pas humbjes së dy palë zgjedhjeve të përgjithshme, por titullari i partisë nuk e pranoi këtë propozim, megjithëse shumë demokratik.
sisë. Unë mendoj se të gjitha propozimet politike kanë vlerë dhe nuk mund të hiqet nga tavolina”, - theksoi z.Bozdo. Gjatë mbledhjes u shqyrtuan edhe disa sugjerime të tjera për ndryshime statutore, por komisioni nuk gjeti element të vlefshëm. Vetë kryetari Basha propozoi një draft për ndryshimet në Statutin e partisë të cilat nuk sjellin risi, por rregullojnë momente të caktuara në dokumentin bazë të PD. Edith Harxhi kërkoi disa ndërhyrje që lidhen me dorëheqjen e kryetarit kur humbet zgjedhjet, më shumë kompetenca për Këshillin
Kombëtar, rregullime në lidhje me anëtarësinë e partisë. Fatbardh Kadilli kërkoi një rikonceptim të Partisë Demokratike, duke sjellë konceptin e kryetarit shumë të fortë por që mban përgjegjësi për rezultatin në zgjedhje duke u larguar. Gjithashtu Kadilli solli idenë e britanikëve për qeveri në hije e vendimmarrje të anëtarësisë për deputetët e krerët e bashkive. Në 11 propozimet e Bashës parashikohet një Kryesi më e zgjeruar, ku përveç kryetarit të këshillit kombëtar, do të përfshihen edhe drejtues të disa strukturave të tjera që nuk kanë qenë pjesë e këtij forumi. Drafti i propozuar
nga Basha parashikon zgjerimin e kryesisë, duke bërë pjesë të saj edhe kryetarin e këshillit kombëtar, si dhe kreun e komisionit zgjedhor, apelimit, integrimit dhe etikës. Gjithashtu, Lulzim Basha propozon shtim të sekretariateve dhe lë të hapur mundësinë për një numër më të madh se dy në pozicionin e nënkryetarëve të partisë. Nga ana tjetër, Lulzim Basha kërkon ngushtim të kompetencës së kryetarit lidhur me përzgjedhjen e kandidatëve për kryetare bashkish. Të gjitha këto propozime pas diskutimit në kryesi, do të kalojnë për votim në kuvendin kombëtar të 17 korrikut.
FATBARDH KADILLI
“Ky vendim i shumicës së anëtarëve të komisionit sot dëshmon qartë vijimësinë e mosreflektimit për domosdoshmërinë që ka sot PD për të ndryshuar thellësisht, për t’iu përgjigjur sfidave të mëdha që ka përballë opozita. Me qëndrimin e sotëm nga komisioni synohet të mbyllet debati i domosdoshëm për një parti më të madhe se kryetari, për një parti më të madhe se vetvetja, për një parti që frymëzon”, - tha z.Kadilli.