PS-ja kalon në filtër strukturat, riorganizimi përfundon në janar
Emërimi i figurave të reja pritet të bëhet për 5000 organizata socialiste në të gjithë vendin Në filtër drejtuesit e qarqeve, në fund të gushtit zgjidhet qeveria e re
Ndonëse fituan man datin e tretë qever isës, socialistët nuk do ta kursejnë një riorganizim të strukturave të partisë. Ky proces do të zgjasë deri në 15 janar, ndërsa faza e parë përfundon në 15 nëntor me zgjedhjen e bashkëdrejtuesve të rinj të organizatave socialiste. Emërimi i figurave të reja pritet të bëhet për 5000 organizata socialiste në të gjithë vendin. Që prej vitit 2019, këto organizata bashkëdrejtohen nga një burrë dhe një grua, si një iniciativë e selisë rozë për të nxitur barazinë gjinore. Faza e dytë e analizës ka të bëjë me rezultatet e zgjedhjeve në këshillat socialiste të njësive administrative e pritet të zgjasë deri në 15 dhjetor. Në filtër do të përfshihen dhe drejtuesit e qarqeve, të cilët nuk dhanë maksimumin në zgjedhjet parlamentare. Puna e tyre do të vlerësohet nëpërmjet një komisioni të posaçëm. Në këtë fazë të tretë dhe të fundit, komisioni i posaçëm do të vlerësojë punën e çdo drejtuesi qarku që nuk arriti objektivat. Referuar rezultatit të 25 prillit, në rreth 8 qarqe Partia Socialiste nuk ka performuar siç është kërkuar nga kryesocialisti, duke marrë më pak vota se në 2017-ën, ndonëse ky rezultat nuk ka ndikuar në numrin e mandateve. Më i rrezikuari është drejtuesi politik i qarkut të Shkodrës, Ilir Beqaj, ku 9000 votat minus i sollën dhe humbjen e mandatit. Në vijën e kuqe është dhe Ervin Bushati, drejtuesi i PS-së në Tiranë. Ndonëse në këtë qark numri i mandateve nuk ndryshoi, diferenca e votave me 2017-ën është mbi 20 mijë më pak. Jo pak PS-ja humbi dhe në Vlorë, plot 6000 vota por që një pjesë të përgjegjësisë socialistët ia kanë atribuuar mosangazhimit të bashkisë. Ankthi është rritur edhe brenda kampit qeveritar, pasi kryeministri Rama në fund të muajit gusht pritet të zgjedhë qeverinë e re. Kongresi i PS-së, i zhvilluar më
EMËRIMI
Emërimi i figurave të reja në PS pritet të bëhet për 5000 organizata socialiste në të gjithë vendin. Që prej vitit 2019, këto organizata bashkëdrejtohen nga një burrë dhe një grua si një iniciativë e selisë rozë për të nxitur barazinë gjinore.
15 qershor ishte fillesa e riorganizimit të strukturave të PS-së në funksion të zgjedhjeve vendore. “Procesi do të zgjasë deri më 15 janar 2022, për të garantuar që në pranverën e 2022-shit e gjithë struktura e PS-së t’i përgjigjet pritshmërisë së kryetarit Rama dhe gjithë kolegëve të tjerë, që jemi drejtues rajonalë të PS-së, në përgatitjen e zgjedhjeve vendore
të 2023-shit”, - është shprehur më herët Taulant Balla. Sipas tij: “Ne duhet të bëhemi gati për fitoren e zgjedhjeve vendore 2023. Në të gjitha qarqet duhet të riorganizojmë në strukturën organizative. Duhet një punë si asnjëherë më parë. Kohë për pushime vere këtë vit nuk ka. Partia është baza e këtij procesi. Një parti e fortë në territor është
garancia e mosharresës. Kundërshtarët tanë kanë kryetarë, por jo liderë. E gjithë struktura duhet të ketë një komunikim digjital. Beteja jonë për mandatin e katërt varet nga puna jonë sot. Asambleja kombëtare i ka kërkuar kongresit një fushatë hapjeje për 1 vit, që do jetë më e madhja për të gjithë ata që duan t’i bashkohen strukturave tona”.