Shembja e Teatrit mbetet në fuqi, GJK: Nuk u arrit kuorumi, gjyqtarët të ndarë
Zbardhet vendimi i plotë i Kushtetueses për Teatrin, pse godina s’mund t’i kalojë bashkisë Si u ndanë votat mes anëtarëve të gjykatës
Gjykata Kush tetuese zbardhi dje vendimin për shembjen e Teatrit Kombëtar. Sipas trupës gjyqësore, transferimi i pronësisë i ndalon Bashkisë së Tiranës të ndryshojë destinacionin e pasurisë. Kushtetuesja sqaron mes të tjerash se, “Baza ligjore e kësaj VKMje nuk autorizon kalimin e pronësisë nga Këshilli i Ministrave te njësitë e qeverisjes vendore, por vetëm kalimin në përgjegjësi administrimi. Kjo pasuri duhej të transferohej me ligj dhe jo me VKM. Bashkia e Tiranës nuk mund të gëzojë të drejta pronësie dhe të vendosë për objekte të kësaj natyre, që i kapërcejnë kufijtë e kompetencës vendore”.
RELACIONI
Nga vendimi i Kushtetueses janë zbardhur edhe votat e gjyqtarëve, ku nga relacioni shpjegues bie në sy fakti se dy anëtarët e GJK-së, Altin Binaj dhe Elsa Toska ishin kundër kolegëve të tyre për vendimin e dhënë. Ndërkohë që vendimi ësh
KUORUMI
Në vendim, Gjykata Kushtetuese thekson se për sa i përket shembjes së godinës së Teatrit Kombëtar, nuk është arritur kuorumi i nevojshëm ligjor, pasi qëndrimet e gjyqtareve janë ndarë sa i takon juridiksionit të gjykatës në lidhje me këtë akt, ndaj dhe nuk është marrë një vendim nëse duhej shembur apo jo godina.
PRONËSIA
“Lidhur me kalimin e pronësisë së pasurisë me emërtimin ‘Teatri Kombëtar’, qëllimi i vetë VKM-së është ndërtimi i Teatrit Kombëtar si një godinë me standarde bashkëkohore, në konsultim me të gjitha grupet e interesit. Për këtë arsye, Bashkisë së Tiranës i ndalohet të ndryshojë destinacionin e pasurisë, ta tjetërsojë atë ose t’ua japë në përdorim të tretëve”, - thuhet në vendimin e GJK-së.
të miratuar me votën e shumicës së kryesuar nga Vitore Tusha, Fjona Papajorgji, Marsida Xhaferrllari, Përparim Kalo dhe
Sonila Bejtja. Në vendim thuhet se ligji special është i papajtueshëm me aktet normative të organeve qendrore dhe vendore.
Më tej, Gjykata Kushtetuese vijon duke sqaruar se: “23.1. Bashkia e Tiranës nuk gëzon tagrin ligjor të shprehet për fatin e ekzistencës ose jo të objekteve që lidhen me çështje të interesit kombëtar, siç është Teatri Kombëtar. 23.2. Janë cenuar nenet 112 dhe 118 të Kushtetutës, pasi VKM-ja nr. 377/2018 është një akt, i cili nuk ka pasur një autorizim ligjor. Ligjet nr. 8743/2001 dhe nr. 8744/2001, ku është bazuar Këshilli i Ministrave nuk e autorizojnë atë për të nxjerrë akte nënligjore për pasuri të kësaj natyre. Kalimi i pronësisë së Teatrit Kombëtar duhej të bëhej me ligj dhe jo me VKM. 23.3. Janë cenuar nenet 13 dhe 108 të Kushtetutës, që kanë të bëjnë me autonominë vendore dhe decentralizimin, pasi përmes kësaj VKM-je Këshilli i Ministrave ka urdhëruar Bashkinë e Tiranës se si të sillet me pronën, të cilën i ka kaluar në pronësi. Gjithashtu, është cenuar edhe parimi i ndarjes dhe balancimit të pushteteve. 23.4. Është cenuar neni 5 i Kushtetutës, që ka të bëjë me zbatimin e detyrueshëm të së drejtës ndërkombëtare nga Republika e Shqipërisë. 23.5. Është e papranueshme që dorëzimi i godinave të Teatrit Kombëtar nga Ministria e
Kulturës te Bashkia e Tiranës, në bazë të VKM-së nr. 377/2020 është bërë vetëm me anë të një fletëdaljeje”.
SHEMBJA
Në vendim, Gjykata Kushtetuese thekson se për sa i përket shembjes së godinës së Teatrit Kombëtar, nuk është arritur kuorumi i nevojshëm ligjor, pasi qëndrimet e gjyqtareve janë ndarë, sa i takon juridiksionit të gjykatës në lidhje me këtë akt, ndaj dhe nuk është marrë një vendim nëse duhej shembur apo jo godina. “Për kontrollin kushtetues të VKB-së nr. 50/2020 nuk u arrit kuorumi i nevojshëm ligjor, pasi qëndrimet e gjyqtarëve u ndanë, për sa i takon juridiksionit të gjykatës në lidhje me këtë akt. Në këtë kuptim, gjykata vëren se, sipas nenit 73, pika 4, të ligjit nr. 8577/2000, kur nuk formohet shumica prej 5 gjyqtarësh, kërkesa konsiderohet e rrëzuar. Për rrjedhojë, në kushtet kur nuk u arrit shumica e votave në lidhje me juridiksionin e gjykatës për shqyrtimin e VKB-së së lartpërmendur, ky kërkim konsiderohet i rrëzuar pa u shqyrtuar bazueshmëria e tij”, - thuhet në vendimin e Gjykatës Kushtetuese.