Rrëzimi i herësit s’prek 25 prillin, kreu i KQZ-së: Ndarja e mandateve, e pakthyeshme
Nga financimi i partive, te sjellja e administratës, Celibashi: Ndërhyrjet në Kod të bëhen sa më shpejt KQZ-ja, në proces analize të të mirave dhe të metave që prodhoi procesi zgjedhor i 25 prillit
Kërkesën e social istëve dhe demokratëve për të ribërë Kodin Elektoral, të paktën në disa parashikime të tij ligjore e sheh si domosdoshmëri edhe Komisioneri Shtetëror i Zgjedhjeve. E para që kërkohet nga Ilirjan Celibashi është që ndryshimet të ndërmerren në një periudhë të hershme për t’i dhënë mundësinë KQZ-së të përmbushë detyrimet. “Gjëja e parë që duhet të bëjnë nëse kanë ndërmend të ndryshojnë Kodin Zgjedhor, këtë duhet ta bëjnë sa më shpejt të jetë e mundur, me qëllim që t’i lihet kohë administratës zgjedhore t’i përgatisë zgjedhjet jo sikur bëhet luftë, sikur jemi në një situatë alarmi, por t’i përgatisë ashtu sikur përgatiten zgjedhjet në një vend normal nga pikëpamja e demokracisë, zhvillimit politik, debatit politik, garës elektorale në fund të fundit”, tha Celibashi për “Vizion Plus”. Ndryshimet e pritshme për Ilirjan Celibashin, duhet të përfshijnë edhe riorganizmin e vetë Komisionit Qendror të Zgjedhjeve e veçmas për një nga proceset më thelbësore, atë të ankimimeve. “Mendoj që duhet të ketë adresim të mënyrës sesi është organizuar dhe funksionon administrata zgjedhore, përfshirë kjo edhe Komisionin Qendror të Zgjedhjeve, por më së shumti në nivelin e dytë dhe të tretë të saj, mënyra sesi trajtohen ankimimet zgjedhore, mendoj se duhet të ketë një rikonsiderim të këtij aspekti. Në vlerësimin tim në pikëpamje të kohës krijon një lloj problemi, po
NDRYSHIMET
Ndryshimet e pritshme, për Ilirjan Celibashin, duhet të përfshijnë edhe riorganizmin e vetë Komisionit Qendror të Zgjedhjeve, e veçmas për një nga proceset më thelbësore, atë të ankimimeve.
PROCESI
Në pritje të konkluzioneve dhe rekomandimeve të raportit të OSBE-ODIHR, edhe vetë KQZ-ja është në proces analize të të mirave dhe të metave që prodhoi procesi zgjedhor i 25 prillit që nga zbatimi i suksesshëm i teknologjisë, te mosrealizimi i votës së emigrantëve, debati për fletën e votimit apo shkelja në jo pak raste e vendimit për aktivitetet e ndaluara.
kështu edhe në pikëpamje të një lloj eficience në shqyrtimin e ankimeve”. Po aq të nevojshme, ndërhyrjen në ligjin zgjedhor, Komisioneri Shtetëror i Zgjedhjeve e sheh edhe te: “Çështja e sjelljes së administratës publike në periudhën zgjedhore, financimi i partive politike dhe jo vetëm për fushatën zgjedhore.”. Në pritje të konkluzioneve dhe
rekomandimeve të raportit të OSBE-ODIHR, edhe vetë KQZ-ja është në proces analize të të mirave dhe të metave që prodhoi procesi zgjedhor i 25 prillit që nga zbatimi i suksesshëm i teknologjisë, te mosrealizimi i votës së emigrantëve, debati për fletën e votimit apo shkelja në jo pak raste e vendimit për aktivitetet e ndaluara.