Përfitoi së bashku me anëtarët e tjerë 38 mijë euro përmes mashtrimit në “Facebook”, kapet hakeri i fundit i grupit
Policia: 22-vjeçari Endri Karimanllari akuzohet për mashtrim kompjuterik
SKEMA E MASHTRIMIT
Në këtë skemë mashtrimi, fillimisht hakeroheshin profilet e ‘Facebook’ të personave të ndryshëm kryesisht me banim jashtë vendit. Personat që binin pre e kësaj skeme mashtroheshin dhe dërgonin shuma parash në agjencitë e transferimit të vlerave monetare pasi mendonin se komunikonin me të afërmit e tyre. Rrjeti i mashtruesve hiqeshin sikur personat në profilet e vjedhura prej tyre kishin nevojë për lekë për të përballuar probleme të ndryshme shëndetësore. Baza ku zhvillonin aktivitetin e tyre kriminal ky grup ishte në një banesë pranë Pallatit me Shigjeta dhe për të bërë të mundur tërheqjen e vlerave monetare nga agjencitë e transferimit të parave përdoreshin persona me prejardhje nga komuniteti rom.
rimtari kriminale.
Në vijim të operacionit, nga shërbimet e Policisë u bë kapja e shtetasit E.K dhe ekzekutimi i masës së sigurisë “Arrest në burg”, për veprën penale “Mashtrim kompjuterik”, për shtetasin e shpallur në kërkim E.K., 22 vjeç.
Ky shtetas, në bashkëpunim me shtetasit e tjerë të arrestuar, për një periudhë 1-vjeçare, ka ndërhyrë në llogari të ndryshme të rrjetit social Facebook, duke ndryshuar të dhënat e tyre dhe më pas i kanë përdorur për të komunikuar me miq të këtyre llogarive.
Me anë të mashtrimit kanë kërkuar shuma të ndryshme monetare dhe si rezultat kanë përfituar shumën 38000 euro.
Vijon puna për dokumentimin dhe mbledhjen e provave të tjera, si dhe për evidentimin dhe arrestimin e personave të tjerë të përfshirë në këtë aktivitet të kundërligjshëm. Materialet i kaluan Prokurorisë së Rrethit Gjyqësor Tiranë, për veprime të mëtejshme”.