“Vandalët para drejtësisë”! Tirana, thirrje Serbisë: Tërhiq forcat e armatosura në kufi me Kosovën!
BLLOKIMI
Që prej 20 shtatorit, të gjitha automjetet nga Serbia që hyjnë në Kosovë, duhet të largojnë targat dhe të përdorin targa të përkohshme të lëshuara nga autoritetet e Kosovës. Më 25 shtator u shënuan dy incidente në veri të Kosovës, për të cilat Prishtina akuzoi Serbinë. Autoritetet njoftuan se është djegur Qendra e Regjistrimit të Automjeteve në Zubin Potok dhe është sulmuar Qendra e Regjistrimit Civil në Zveçan.
një mjedis të sigurt dhe të mbrojtur dhe liri të lëvizjes për të gjithë”, - shkruan Stoltenberg. Prej një jave, dy rrugët që çojnë në pikat kufitare në Jarinjë dhe Bërnjak mbeten të bllokuara, për shkak të kundërshtimeve të serbëve lokalë lidhur me masën e reciprocitetit për targat. Që prej 20 shtatorit, të gjitha automjetet nga Serbia që hyjnë në Kosovë, duhet të largojnë targat dhe të përdorin targa të përkohshme të lëshuara nga autoritetet e Kosovës. Më 25 shtator u shënuan dy incidente në veri të Kosovës, për të cilat Prishtina akuzoi Serbinë. Autoritetet njoftuan se është djegur Qendra e Regjistrimit të Automjeteve në Zubin-Potok dhe është sulmuar Qendra e Regjistrimit Civil në Zveçan.
UNIONI
Shefi i Politikës së Jashtme
dhe Sigurisë i Bashkimit Evropian, Josep Borrell, kërkoi dje që Kosova dhe Serbia të ulin tensionet, duke “tërhequr menjëherë njësitë speciale të policisë dhe duke hequr bllokadat rrugore” në veri të Kosovës. “Çdo provokim i mëtejmë apo veprime të njëanshme dhe të pakoordinuara është i papranueshëm”, tha Borrell në një deklaratë për media. Sipas shefit të diplomacisë së BEsë, Kosova dhe Serbia duhet të gjejnë zgjidhje për të shtensionuar situatën, duke shtuar se Brukseli mbështet këto përpjekje. “Si liderët e Kosovës, ashtu edhe ata të Serbisë janë përgjegjës për çdo rrezik për sigurinë e komuniteteve lokale. Këtë qëndrim ia kam bërë të ditur edhe presidentit (serb, Aleksandar) Vuçiç dhe kryeministrit (të Kosovës, Albin) Kurti gjatë bisedave të zhvilluara
kësaj jave”, - deklaroi Borrell. Sipas tij, dialogu i ndërmjetësuar nga BE-ja është platforma e vetme për të adresuar të gjitha çështjet e hapura mes palëve, përfshirë edhe çështjet që kanë të bëjnë me lirinë e lëvizjes. “Të dy kryenegociatorët do të vijnë në Bruksel në ditët në vijim dhe ky është hapi i parë pozitiv. Është thelbësore që ata të vijnë dhe të kenë mandat që të diskutojnë për gjetjen e një zgjidhjeje të qëndrueshme, që është në interesin e qytetarëve”, -theksoi Borrell. Shefi i diplomacisë së BE-së tha se pret që Kosova dhe Serbia të krijojnë një mjedis të favorshëm për pajtim dhe stabilitet rajonal, pasi sipas tij, kjo është thelbësore për arritjen e një marrëveshjeje gjithëpërfshirëse dhe ligjërisht të obligueshme për normalizimin e raporteve mes dy shteteve.
Ministria për Evropën dhe Punët e Jashtme teksa reagoi lidhur me situatën në veri të Kosovës i bën thirrje Serbisë të tërheqë forcat e armatosura të dërguara pranë kufirit me Kosovën. Sipas ministrisë, aktet e ndërmarra nga Serbia bien ndesh me marrëveshjet ndërkombëtare, të cilat kanë për synim të sigurojnë rendin dhe stabilitetin në atë pjesë të rajonit. “Asgjë nuk e justifikon përdorimin e dhunës, dëmtimin e pronës publike dhe mungesën e respektit ndaj ligjit. MEPJ bën thirrje që këta vandalë të sillen para drejtësisë. Shqipëria është veçanërisht e shqetësuar për dërgimin e forcave të armatosura serbe pranë kufirit me Kosovën dhe mjetet fluturuese ushtarake, që fluturojnë afër dhe sipër hapësirës ajrore të Kosovës, të cilat nxisin individët të provokojnë trazira dhe dhunë, si dhe synojnë destabilizimin e Kosovës. Këto akte bien ndesh me marrëveshjet ndërkombëtare, të cilat kanë për synim të sigurojnë rendin dhe stabilitetin në atë pjesë të rajonit. Ne i bëjmë thirrje Serbisë të tërheqë forcat e armatosura të dërguara pranë kufirit me Kosovën dhe të punojë për shtensionim të menjëhershëm të situatës. Ne i nxisim të gjithë aktorët të tregohen të përmbajtur dhe të drejtohen menjëherë drejt dialogut, si e vetmja mënyrë për të ecur përpara dhe për të zgjidhur çështjet e mbetura pezull me frymën e bashkëpunimit, ndaj të cilave Shqipëria është angazhuar në mënyrë të pakthyeshme, në përpjekjet e saj dypalëshe dhe shumëpalëshe. Si një aleat i NATO-s dhe një anëtar i përgjegjshëm i Kombeve të Bashkuara, Shqipëria do të bëjë gjithçka që është e nevojshme për të mbështetur të gjitha përpjekjet drejt shtensionimit të menjëhershëm të situatës dhe kthimit drejt dialogut”, - thuhet në njoftimin e Ministrisë së Jashtme.