Reformat, Bylykbashi: Prioritet ‘zgjedhorja’, e dyta ‘territorialja’

“Kërkohen vendime strategjike dhe konsultime”, Politika jonë për interesin personal vret atë publik PS: Gati të fillojmë dialogun me opozitën

Deputeti i Partisë Demokratike, Oerd Bylykbashi foli dje për reformat dhe prioritetet që priten të miratohen në Kuvend në sesionin e ri parlamentar. Ai shprehet se për nga rëndësia, fillimisht, duhet të niset me reformën e sistemit zgjedhor, e më pas, prioritet të jetë ajo territorial. Por miratimi i këtyre reformave sipas tij, kërkojnë vendime strategjike e konsultime. Përmes një postimi në rrjete sociale, Bylykbashi e vendos theksin tek reforma zgjedhore, që sipas tij duhet të jetë e para ndër prioritetet e Kuvendit. Sipas tij, kjo reformë duhet të pasohet me atë territorialen, ose në një skenar tjetër, të ndërmerren të dyja nismat në të njëjtën kohë. “Reformat nuk janë “panem et circenses” “Buke dhe cirk” thoshin latinët. Në Romën antike, atë republikane dhe atë perandorake, për të qetësuar shpirtin e njerëzve nga tensionet apo hallet, shpesh shpërndahej grurë me çmim më të lirë se tregu apo organizoheshin lojëra apo ndeshje të përgjakshme gladiatorësh. Mbi 60 mijë vetë mblidheshin në Colosseum dhe brohoritnin ndërkohë që harronin hallet e vërteta. Reforma e sistemit zgjedhor për të ndryshuar sistemin e njëanshëm dhe antikushtetues të 30 korrikut 2020 duhet të jetë reforma “maestra”, e para mes të tjerave në prioritet. Pas saj, për nga rëndësia, vjen reforma territoriale, por pas saj. Njëkohshëm me territorialen duhet bërë reforma zgjedhore. Nëse ka gjë tjetër, duhet të mbajë radhën si prioritet politik. Sigurisht mund të bëhen në të njëjtën kohë

REFORMAT

“Reformat nuk zhvillohen kurrë të shëndetshme nëse ka përplasje e aq më pak kur nuk ka kthjelltësi të brendshme. Përndryshe, siç thumbonte poeti satirik latin Giovenale, nuk janë reforma por veçse “panem et circenses” apo “bukë dhe cirk” që i hidhen publikut në këtë shëmbëlltyrën e deformuar e të shëmtuar të Colosseum që është kjo politika jonë ku interesi personal ka vrarë rregullisht në arenë interesin publik”, - shprehet z.Bylykbashi.

që të shmangen lojërat. Ama janë të gjitha të mëdha, kërkojnë vendime strategjike, konsultime, ekspertizë e mbi të gjitha, konsensus. Nuk hidhen reformat në treg shpejt e shpejt për konsum të momentit politik, sepse përfundojnë në dizastër me pasoja afatgjata”, - theksoi deputeti Oerd Bylykbashi. Deputeti demokrat shprehet se reformat e mira kërkojnë kohë, konsultime dhe ekspertizë pasi në të kundërt përfundojnë me pasoja të dëmshme. “Reformat nuk zhvillohen kurrë të shëndetshme nëse ka përplasje e aq më pak kur nuk ka kthjelltësi të brendshme. Përndryshe, siç thumbonte poeti satirik latin Giovenale, nuk janë reforma, por veçse “panem et circenses” apo “bukë dhe cirk” që i hidhen publikut në këtë shëmbëlltyrën e deformuar e të

shëmtuar të Colosseum që është kjo politika jonë ku interesi personal ka vrarë rregullisht në arenë interesin publik”, - deklaroi z.Bylykbashi. Nga ana e saj Partia Socialiste është shprehur e gatshme që të ulet në çdo kohë në dialog me Partinë Demokratike për sa i përket reformave kryesore në vend. Sekretari i Përgjithshëm i Partisë Socialiste, Damian Gjiknuri, deklaroi para pak ditësh se mazhoranca është e gatshme për dialog në tryezë por jo me megafona dhe deklarata për shtyp. “Kryeministri e tha së përtej pikëpamjeve të ndryshme si për reformën në drejtësi apo qoftë për atë territoriale apo zgjedhore, e mira është të fillojë një dialog. Dialogu zhvillohet në institucione, Partia Demokratike është brenda tyre tashmë, e mirëpresim në çdo kohë.

Për përmbajtjen është shpejt të flasim sepse është produkt i tryezës”, - deklaroi sekretari i përgjithshëm i PS-së.