Opozita kundër platformës online, deputetët përplasen me mazhorancën
Sherr te Ligjet, PS mbledhje online, opozita në sallë, Bardhi-Bushkës: Të të vijë turp që na injoron! “Do jemi fizikisht në salla”, Bylykbashi: Do denoncojmë aferat e qeverisë
ikthimi i opozitës në ko
parlamentare u shoqërua dje me debate pasi PD kundërshton mbledhjet online, ndërsa pretendon se mazhoranca po i mbyll gojën opozitës. Mbledhjet e para të komisioneve parlamentare për konstituimin e tyre në legjislaturën e re dështuan, pasi deputetët e opozitës refuzuan të hynin në platformën online të transmetimit në ‘Facebook’, por shkuan fizikisht në sallat e mbledhjeve në Kryesinë e Kuvendit. Deputetët demokratë shkuan në komisione fizikisht duke injoruar vendimin e shumicës që ato të zhvillohen online; por pavarësisht prezencës së tyre në mbledhje, kryetarët socialistë të komisioneve nuk pranuan t’u japin fjalën duke u kërkuar të hyjnë online. Kërkesës së opozitës mazhoranca i paraqiti argumentin e pandemisë. Debatet nisën fillimisht në Komisionin e Ligjeve, ku deputetët e opozitës të pranishëm në sallën e mbledhjes e akuzuan kryetaren e Komisionit të Ligjeve, Klotilda Bushka se po u ndalte drejtën e fjalës. Ndërkohë që deputetët e opozitës hynë në mbledhje dhe debatuan me kryetaren Bushka, anëtarët e mazhorancës e përcollën mbledhjen online. “Sipas njoftimit nga sekretaria e komisionit, të gjithë anëtarët janë lajmëruar për organizimin e kësaj mbledhjeje online. Të pranishëm janë këta kolegë. Po i marr me radhë sipas ekranit. Damian Gjiknuri, Alqi Bllako, Pëllumbi, Kollcaku, Deliu, Ndreca, Valikaj, Duraku, Celiku, Cyrbja, Xhoxhi, Hasalla dhe Gogu”, - theksoi zj.Bushka. Me forcën e kartonit, Bushka miratoi rendin e ditës. “O zonja kryetare do të na japësh fjalën tani! Lërë rendin e ditës. Çfarë jemi ne këtu? Të të vijë turp që injoron deputetët e opozitës, është e paprecedentë”, - deklaroi deputeti i PD-së Gazmend Bardhi.
‘LIGJET’
Pas kësaj situate zv.kryetari demokrat i komisionit të ligjeve Oerd Bylykbashi, tha se opozita do të vijojë të jetë fizikisht prezente në mbledhjet e komisioneve pavarësisht vendimit të mazhorancës socialiste. Duke e konsideruar sjellje të papranueshme, Oerd Bylykbashi akuzoi Ramën se nuk pranon transparencën. “Është qartazi mënyrë për të hequr totalisht transparencën që u duhet qytetarëve shqiptarë për të kuptuar kush janë aferat korruptive që Edi Rama i kthen në ligj.
DEPUTETËT
Deputetët e PD-së deklaruan se do të jenë gjithnjë pjesë e diskutimeve parlamentare. Deputetët e opozitës të pranishëm në sallat e Kryesisë së Kuvendit nuk u shfaqën për asnjë moment me figurë në mbledhjet online, pasi regjia e parlamentit fokusoi vetëm kryetarët e komisioneve.
ERVIN ERVIN BUSHATI BUSHATI
Ish-deputeti i Partisë Socialiste, Ervin Bushati, ka marrë një post të rëndësishëm. Mësohet se Bushati është emëruar drejtor i Postës Shqiptare, ndërsa pritet të prezantohet zyrtarisht ditën e sotme. Kujtojmë se Ervin Bushati ishte në listat e PS për Tiranën në zgjedhjet parlamentare të 25 prillit, por nuk arriti të merrte mjaftueshëm vota për të siguruar mandatin e deputetit.
Jemi këtu që kjo mos të lejohet”, - tha Bylykbashi. Ai pretendon se mazhoranca ka mohuar të drejtën e fjalës së opozitës, ndërsa shtoi se PD nuk do të lejojë që qeveria të kthejë në ligj aferat korruptive të saj. “Deputetëve të opozitës, iu mohua fjala në kundërshtim me kushtetutën, pjesëmarrja në komisionin e ligjeve dhe e drejta e fjalës. Është qartë mënyra për të hequr transparencën e qytetarëve. Ne jemi këtu që kjo të mos lejohet, ne do të respektojmë Kushtetutën. Do të garantojmë transparencën për çdo shkelje të Edi Ramës. Nuk do të pranojmë që nëpërmjet këtyre mjeteve, me pretendimin që për arsye të pandemisë nuk zhvillohen mbledhjet fizikisht, ne do të jemi këtu për ta ndaluar këtë. Ne do të marrim pjesë në mbledhjet e komisioneve, do të jemi prezent. Bojkoti nuk mund të jetë një vendim i Edi Ramës, ne ishim prezent. Mazhoranca, Edi Rama, po i mohon opozitës mundësinë që të marrë pjesë dhe të kundërshtojë aferat që ai do të kthejë në ligj e në këtë mënyrë të zhvatë shqiptarët çdo ditë”, theksoi Bylykbashi.
SIGURIA
Edhe në komisionin e sigurisë deputetët e opozitës u paraqitën fizikisht, por nuk iu dha e
drejta e fjalës pasi nuk ishin futur në platformën online. Deputeti i PD-së, Flamur Noka theksoi para kryesisë së Kuvendit se Kryeministri Rama po tenton të kontrollojë të gjitha pushtetet në Shqipëri. “Edi Rama e urren parlamentarizmin, Edi Rama i urren vlerat që përcjell parlamentarizmi, ndaj ai po bën gjithçka për ta përdhosur, për t’i mbyllur zërin edhe opozitës, edhe parlamentarizmit”, - u shpreh Noka. Deputetët e PD-së deklaruan se do të jenë gjithnjë pjesë e diskutimeve parlamentare. Deputetët e opozitës të pranishëm në sallat e kryesisë së Kuvendit nuk u shfaqën për asnjë moment me figurë në mbledhjet online, pasi regjia e parlamentit fokusoi vetëm kryetarët e komisioneve. Vendimi për mbledhje vetëm online të komisioneve parlamentare është marrë nga konferenca e kryetarëve të grupeve parlamentare me votën e shumicës parlamentare socialiste. E vetmja tolerancë që iu bë opozitës në Komisionin e Sigurisë ishte mbajtja e një minute heshtje në nderim të policit që mbeti i vrarë në krye të detyrës në Kune-Vain. Më pas mbledhja u mbyll.
SHËNDETËSIA
E vetmja mbledhje ku opozita pati mundësi të fliste ishte
ajo e Komisionit të Shëndetësisë, pasi kryetarja Albana Vokshi i përket PD-së. Në ato pak minuta të mbledhjes që ishin publike, para se sinjali të ndërpritej Vokshi theksoi se komisionet duhet të mblidhen fizikisht duke sjellë si argument se si PS zhvillon mbledhje në ambiente të mbyllura pavarësisht masave anticovid. Por mbledhja e Komisionit të Shëndetësisë nuk u transmetua në faqen zyrtare të Kuvendit në ‘Facebook’. Ndryshe nga komisionet e drejtuara nga socialistët, Vokshi tha se mbledhjet që do të mbahen në Komisionin e Shëndetësisë duhet të jenë me prani fizike të deputetëve. “Unë kërkoj që të merren masa urgjente për këdo që sot ka tentuar të minojë parlamentarizmin, ka tentuar të bllokojë fjalën e deputetëve të opozitës në Kuvend. Është e paprecedentë që Kuvendi t’i mbyllë gojën opozitës dhe t’i mbyllë çdo kanal komunikimi me publikun. Edhe pamjet e këtij komisioni i shpërndau për mediat partia demokratike pasi në faqen zyrtare të Kuvendit, kjo mbledhje nuk ekziston. Sipas deputeteve demokrate kjo qasje e Partisë Socialiste është në shkelje të Kushtetutës dhe synon t’i mbyllë gojën opozitës”, - deklaroi zj.Vokshi.