Gjykata e Lartë pranon rekursin e Saimir Tahirit, çështja rikthehet në Apelin e GJKKO-s me trupë të re gjykuese

Ish-ministri: Do të ndjekim procedurën. Avokati: Ja shkeljet procedurale që u konstatuan Rrëzohet kërkesa e SPAK-ut për kthim në shkallë të parë

jykata e Lartë ka kthy G er çështjen e ish-min

istrit të Brendshëm, Saimir Tahiri, në Apelin e GJKKO. Tashmë Tahiri do të rigjykohet nga Shkalla e Dytë, e cila do të marrë një vendim përfundimtar, por kësaj radhe nga një tjetër trupë gjykuese. Në fakt, kjo ishte edhe kërkesa e vetë ishministrit. Kështu që është rrëzuar kërkesa e SPAK-ut për rigjykim në shkallë të parë. Nga ana tjetër, Gjykata e Lartë ka rrëzuar kërkesën e ish-drejtorit të Policisë Vlorë, Jaeld Çela, për t’u liruar. Në reagimin e parë pas vendimit, Tahiri ndryshe nga herët e tjera foli shumë pak për mediat, duke u shprehur se: “Do ndjekim procedurën dhe do të shkojmë prapë në Apel! Duke ia lënë më pas fjalën avokatit të tij mbrojtës, Maks Haxhia. Gjatë prononcimit të tij për mediat, avokati Haxhia renditi shkeljet procedurale që konstatoi Gjykata e Lartë, duke shtuar se në Apelin e GJKKO do të kërkohet sërish pafajësia për Tahirin, pasi çështja do të gjykohet nga një tjetër trupë gjykatësish. Po ashtu, avokati ka sqaruar se ndaj klientit të tij është rrëzuar vendimi, por jo akuzat! Kujtojmë se SPAK-u kishte kërkuar që të lihet në fuqi vendimi i Apelit të GJKKO për rigjykim të Tahirit, ndërkohë që vetë ish-ministri kërkon ndryshimin e vendimit të Apelit dhe kthimin po në këtë shkallë me trupë tjetër gjykuese. Gjykata e Shkallës së Parë e dënoi Tahirin me 3 vjet shërbim prove për shpërdorim detyre, një akuzë që nuk ishte ngritur nga prokuroria. Çështja “Tahiri” u ankimua në Apel nga avokatët e ishministrit, që kërkojnë pafajësi, por edhe nga prokuroria, e cila shprehet se ka prova se ai është i përshirë në trafik droge, një nga akuzat që u rrëzua bashkë me të tjerat në Shkallën e Parë. Në shtator të vitit të shkuar, pas më shumë se 13 orësh përfundoi “Gjyqi i vitit”, ai për Saimir Tahirin. Asokohe Gjykata e Krimeve të Rënda e dënoi ish-ministrin e Brendshëm, Saimir Tahiri, me 5 vite burg, për akuzën e “Shpërdorimit të detyrës”, por për shkak të gjykimit të shkurtuar, dënimi u ul me 1/ 3 dhe u caktua 3 vite e 4 muaj burg, që gjykata më pas e konvertoi në 3 vite shërbim prove. Ndërkohë që në seancën e sotme mungonte sërish ish-drejtori i policisë, Çela, i cili ndodhet në paraburgim. Çela ndodhet në qeli në zbatim të dënimit me 3 vjet e 4 muaj burg për “Shpërdorim detyre”, ndërkohë që u vetëdorëzua në 16 maj të vitit të shkuar, më shumë se 2 vjet e 6 muaj nga prerja e fletë-arrestit për të.

VENDIMI I GJYKATËS SË LARTË

Kolegji Penal i Gjykatës së Lartë, në datën 28.09.2021, ka marrë në shqyrtim, në seancë gjyqësore çështjen me palë; Dorëzues Rekursi: S.T. dhe J. Ç. dhe Kërkuese: Prokuroria e Posaçme kundër Korrupsionit dhe Krimit të Organizuar. Gjykata e Shkallës së Parë për Krime të Rënda, me vendimin nr. 60, datë 19/09/ 2019, ka vendosur:

Deklarimin fajtor të të pandehurit S.T. për veprën penale “Shpërdorimi i detyrës”, të parashikuar nga neni 248 i Kodit Penal dhe dënimin e tij me 5 (pesë) vjet burgim. Në bazë të nenit 406, paragrafi i parë, të Kodit të Procedurës Penale, të pandehurit S.T., për shkak të gjykimit të shkurtuar, i ulet një e treta e dënimit me burgim dhe dënohet përfundimisht me 3 (tre) vjet e 4 (katër) muaj burgim. Bazuar në nenin 59 të Kodit Penal, urdhërohet pezullimi i vuajtjes së dënimit me burgim për të pandehurin S.T. dhe vënien e tij në provë për një afat prej 3 (tre) vjet, me kusht që gjatë kësaj kohe të mos kryejë vepër tjetër penale, duke urdhëruar që i pandehuri të mbajë kontakte me shërbimin e provës. Heqjen e të drejtës të pandehurit S.T. për të ushtruar funksione publike, për një kohë prej 3 (tre) vjet, bazuar në nenin 35 paragrafi i dytë të Kodit Penal. Deklarimin fajtor të të pandehurit J.Ç. për veprën penale “Shpërdorimi i detyrës”, të parashikuar nga neni 248 i Kodit Penal dhe dënimin e ti j me 5 (pesë) vjet burgim. Në bazë të nenit 406 paragrafi i parë të Kodit të Procedurës Penale, të pandehurit J.Ç., për shkak të gjykimit të shkurtuar, i ulet një e treta e dënimit me burgim dhe dënohet përfundimisht me 3 (tre) vjet e 4 (katër) muaj burgim. Heqjen e të drejtës të pandehurit J.Ç. për të ushtruar funksione publike për një kohë prej 3 (tre) vjet. Gjykata e Shkallës së Parë për Krime të Rënda ka vendosur deklarimin e pafajshëm të të pandehurve të mësipërm për veprat penale të “Trafikimit të narkotikëve, në bashkëpunim” dhe të “Grupit të strukturuar kriminal”.

Pas ankimit të ushtruar nga prokuroria dhe të pandehurit, Gjykata e Posaçme e Apelit për Korrupsionin dhe Krimin e Organizuar, me vendimin nr. 16, datë 26.6.2020, ka vendosur:

Prishjen e vendimit nr. 60, datë 19.09.2019, të Gjykatës së Shkallës së Parë për Krime të Rënda Tiranë, aktualisht Gjykata e Posaçme e Shkallës së Parë për Korrupsionin dhe Krimin e Organizuar dhe dërgimin e akteve në atë gjykatë, një trupe tjetër gjykuese. Pasi e shqyrtoi çështjen në tërësi dhe dëgjoi parashtrimet dhe kërkesat e prokurorit dhe avokatëve të të pandehurve, Kolegji Penal i Gjykatës, vërejti se: Çështja e përbërjes së rregullt të trupit gjykues është çështje thelbësore e parimit të gjykatës së caktuar me ligj si pjesë e procesit të rregullt ligjor. Gjyqtari, që në bazë të Kodit të Procedurës Penale ka shkaqe papajtueshmërie sipas nenit 15 të këtij Kodi, nuk mund të jetë pjesë e një trupe gjyqësore e cila mund të japë një vendim të konsideruar të ligjshëm. Cilësimi i ndryshëm ligjor i fakteve për të cilat akuzohen të pandehurit mund të kryhet nga gjykata me vendimin përfundimtar, aq më tepër kur ai nuk është një cilësim juridik më i rëndë. Kolegji vërejti se nuk ka pasur mosrespektim të dispozitave për ushtrimin e ndjekjes penale nga prokurori dhe pjesëmarrjen e tij në procedim.

Pretendimet e tjera në rekurset e paraqitura nga të gjykuarit, që kanë të bëjnë me vlerësimin e provave të paraqitura nga prokuroria në kërkesën për gjykim Kolegji konsideron se analiza dhe çmuarja e provave është atribut i gjykatave të faktit dhe si të tilla nuk janë objekt i shqyrtimit në Gjykatën e Lartë; aq më tepër që çështja në shqyrtim është zhvilluar me procedurën e gjykimit të shkurtuar, çka do të thotë se palët në gjykim kanë qenë dakord me aktet e fashikullit hetimor të prokurorit.

Përsa i përket kërkesës së të gjykuarit J.Ç., për zëvendësimin e masës së sigurimit “Arrest në burg”, Kolegji vëren se masa e sigurimit si e tillë është trajtuar në Gjykatën e Lartë dhe, me Vendimin nr. 218, datë 03.07.2020, është vendosur mospranimi i rekursit të paraqitur kundër vendimit nr. 18 akti, datë 19.05.2020, të Gjykatës se Posaçme të Apelit për Korrupsionin dhe Krimin e Organizuar. Kërkesa e të gjykuarit J.Ç., që pretendonte veprime procedurale për marrjen e provave, siç është caktimi i një eksperti ose grupi ekspertësh mjekoligjorë për të verifikuar diagnozat mjekësore, vlerësohet si një kërkesë e papranueshme për sa kohë

AKUZAT NDAJ TAHIRIT

Ish-ministri i Brendshëm, Saimir Tahiri, u akuzua për tri vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes “Habilaj”. Akuza e argumentuar nga prokuroria ishte për përfshirjen e ish-ministrit në 4 episode trafikimi droge nga 2013-2015, por pa dhënë detaje për rolin konkret të tij.

DËNIMI

Në vendimin e arsyetuar të gjykatës, në analizë të të gjitha provave të paraqitura nga prokuroria nuk rezultonte asnjë fakt, që ta përfshijë ish-ministrin në trafikun e drogës dhe bashkëpunimin me grupin kriminal të Habilajve, kryetari i të cilëve është Mojsi Habilaj, i arrestuar dhe në gjykim në Itali. Po ashtu, thotë gjykata në arsyetimin e saj, pas përgjimeve edhe të prokurorisë italiane ku Habiljat diskutojnë për dhurata që do ia japin ministrit, çmohet fakti se nuk ka prova të mjaftueshme për t’i lidhur këto dhurata apo shuma monetare se do të shkonin te Tahiri. Në bazë të këtyre fakteve, gjykata vendosi dënimin me 3 vite shërbim prove. që Gjykata e Lartë nuk është një gjykatë fakti, por është gjykatë ligji. Duke vërejtur mosndryshimin e kushteve, kritereve dhe nevojave të sigurimit për të cilat është vendosur masa e sigurimit “Arrest në burg”, duke e shqyrtuar në referencë të Kodit të Procedurës Penale, Kolegji nuk mund ta pranonte kërkesën. Nga sa më sipër, Kolegji Penal i

Gjykatës së Lartë vendosi:

1.Prishjen e Vendimit nr. 16, datë 26.6.2020, të Gjykata së Posaçme e Apelit për Korrupsionin dhe Krimin e Organizuar dhe dërgimin e çështjes për rishqyrtim në këtë gjykatë me tjetër trup gjykues.

2.Rrëzimin e kërkesës së të gjykuarit J.Ç., për zëvendësimin e masës së sigurimit “Arrest në burg”.