Mësuesja humbi jetën në spitalin e Pogradecit, bashkëshorti: Ishte me shëndet të mirë, iku nga mjekimi
Reagon Spitali: Urgjenca ka dhënë gjithë ndihmën e nevojshme, presim ekspertizën mjeko-ligjore “Shkoi me këmbët e saj, 10 minuta pas gjilpërës mbaroi direkt”
Familja e mësueses Anila Bazellari që humbi jetën mbrëmjen e së martës në Spitalin e Pogradecit në rrethana ende të paqarta, ka hapur dyert e mortit. Ndërsa familjarët e saj kanë akuzuar mjekët për mjekim të pakujdesshëm. Bashkëshorti i 47-vjeçares tha në një deklaratë për mediat se gruaja e tij gëzonte shëndet të mirë dhe shkroi në spital me këmbët e veta. Ai u shpreh se Anila ndërroi jetë vetëm 10 sekonda, pasi mjekët i bënë një gjilpërë intravenoze, ndërsa theksoi se mësuesja vdiq nga mjekimi i gabuar. “S’mund të flas dot gjatë për shkak të dhimbjes që kam, por di që zonja ime ishte me shëndet të mirë, të akuzoj apo jo duhet të jenë organet ligjzbatuese që vendosin. Iku nga mjekimi gabuar, shkoi në spital me këmbët e saja, me tension normal. U bë gjilpëra ajo mbaroi, në 10 minuta. Në dy ilaçe, intravenoz mbaroi direkt. Të merret drejtësia”- tha bashkëshorti i së ndjerës. Në lidhje me ngjarjen ka reaguar Spitali i Pogradecit. Shefi i Shërbimit Dr. Vasfi Topçiu i shprehu ngushëllimet familjes për humbjen, teksa deklaroi se urgjenca ka dhënë gjithë ndihmën e nevojshme. Sa i përket shkakut të vdekjes ai tha se mbeten në pritje të ekspertizës mjeko-ligjore.
“Shprehin ngushëllimet për familjarët në lidhje me ngjarjen e djeshme si mjekë dhe si bashkëqytetarë. Mund t’iu them se shërbimi i urgjencës ka dhënë të gjithë ndihmën e nevojshme që në momentin e parë që pacientja është paraqitur në spital. Për detaje të tjera jemi duke pritur përgjigjen e ekspertizës mjekoligjore dhe nuk mund të japim asnjë informacion tjetër”, u shpreh dr. Topçiu.
Ndërkohë, burime nga grupi hetimor bë në me dije se vdekja ka ardhur si pasojë e arrestit kardiak. Paraditen e djeshme bashkëshorti i viktimës deklaroi se gruaja e tij vdiq pak çaste pasi bëri një gjilpërë duke folur për mjekim të pakujdesshëm. E ndjera, Anila Bazellari, u dërgua nga familjarët në urgjencë rreth orës 19:00 të së martës, pasi nuk është ndjerë mirë.
Por më vonë gjendja e saj është përkeqësuar dhe ka ndërruar jetë