Biden telefonon Von der Leyen: Mos e vononi integrimin e Ballkanit
Ambasadorja: Institucionet e sigurta, të nevojshme për sundimin e ligjit dhe zbatimin e reformës në drejtësi Yuri Kim: Prioritet i SHBA-ve, demokracia, mbrojtja dhe biznesi
Presidenti i Shteteve të Bashkuara, Joe Biden, në një telefonatë me presidenten e Komisionit Evropian, Ursula von der Leyen, diskutoi mes të tjerash edhe perspektivën evropiane të vendeve të Ballkanit Perëndimor. Kreu i Shtëpisë së Bardhë shprehu mbështetjen e tij të fortë për vazhdimin e procesit të pranimit në Union të vendeve të rajonit. Në një njoftim për bisedën nga Shtëpia e Bardhë thuhet se Presidenti Biden shprehu “mbështetjen e tij të fortë” për vazhdimin e procesit të pranimit në Bashkimin Evropian të vendeve të Ballkanit Perëndimor. Udhëheqësit e BE-së dhe Ballkanit diskutuan dje perspektivën e anëtarësimit për Serbinë, Kosovën, Bosnjë-Hercegovinën, Malin e Zi, Shqipërinë dhe Maqedoninë e Veriut. Në takim u ritheksua garancia e BE-së për anëtarësimin e ardhshëm të të gjashta vendeve. “Takimi do të jetë një rast për të riafirmuar perspektivën evropiane të Ballkanit Perëndimor, gjë që është me interes të ndërsjellë strategjik”, shprehet Këshilli Evropian në një dokument, në prag të takimit të së mërkurës. Zonja Von der Leyen bëri javën e kaluar një turne në vendet e Ballkanit Perëndimor, në prag të takimit të nivelit të lartë të mërkurën. Ajo tha se mbështeste procesin e integrimit të vendeve të Ballkanit Perëndimor. Megjithatë, nuk ka siguri se si mund të realizohet ai konkretisht, duke qenë se vendet e veçanta të
PRIORITET
“Puna jonë në ambasadën amerikane fokusohet te tri prioritete: demokracia, mbrojtja e biznesi. Por, siguria është një fill i përbashkët që përshkon të tria këto përparësi. Institucionet e sigurta dhe demokratike janë të nevojshme për sundimin e ligjit, zbatimin e reformës në drejtësi, për më pak korrupsion, për më shumë investime të huaja”, - shprehet Yuri Kim. bllokut duhet të japin miratimin. Në shtator, agjencia e lajmeve “Reuters”, duke iu referuar katër diplomatëve dhe një dokumenti të brendshëm të BE-së njoftonte se për shkak të shqetësimeve nga reagimet e shteteve anëtare, organizata nuk mund të bjerë më dakord për të dhënë garanci për anëtarësimin e ardhshëm të të gjashta vendeve të rajonit.
THIRRJA
Para grave dhe vajzave të Institutit për Politikat e Sigurisë Kombëtare, ambasadorja e SHBA-ve, Yuri Kim, përsëriti dje tri prioritetet e Shteteve të Bashkuara në Shqipëri, demokracia, mbrojtja dhe biznesi. “Puna jonë në ambasadën amerikane fokusohet te tri prioritete: demokracia, mbrojtja e biznesi. Por, siguria është një fill i përbashkët që përshkon të tria këto përparësi. Institucionet e sigurta dhe demokratike janë të nevojshme për sundimin e ligjit, zbatimin e reformës në drejtësi, për më pak korrupsion, për më shumë investime të huaja”, - shprehet Yuri Kim. Ambasadorja amerikane u zotua për më shumë mbështetje nga SHBA-të ndaj vajzave dhe grave, jo vetëm në Shqipëri, por edhe në rajon. “Ju përfaqësoni institucione të ndryshme publike dhe private në Shqipëri dhe Kosovë, secila prej jush ka perspektiva të vlefshme për të ndarë. Europa dhe bota ka nevojë për perspektiva rajonale, por edhe për kontributin tuaj”, - deklaroi ambasadorja Kim. Përveç mbështetjes, Yuri Kim nxiti iniciativat e grave dhe vajzave në politikë, biznes dhe në fushën e sigurisë.