DASH dërgon në Kongres raportin për personat e shpallur “non grata”
Ambasadorja Kim, publikoi listën me të gjithë të shpallurit “non grata” për periudhën tetor 2020 deri më qershor 2021 “Të përcaktuarit për korrupsion”, mes tyre Berisha dhe familja e tij
Departamenti Ameri kan i Shtetit dërgoi në Kongres raportin për personat e huaj të shpallur “non grata” nga Sekretari i Shtetit, Blinken. Lajmi u bë dje i ditur nga ambasadorja amerikane në Tiranë, Yuri Kim, e cila publikoi në ‘Twitter’ listën me të gjithë të shpallurit “non grata” për periudhën tetor 2020 deri më qershor 2021. Sipas kësaj liste të DASH, në harkun kohor të 8 muajve, SHBA ka shpallur “non grata” 68 shtetas të huaj nga e gjithë bota. Pjesë e kësaj liste është edhe ish-kryeministri Sali Berisha dhe familja e tij. Emri i ish-liderit të opozitës, Sali Berisha dhe familjarëve të tij, përkatësisht, bashkëshortja Liri, vajza Argita dhe i biri Shkëlzen Berisha, figurojnë në listën e të shpallurve “non grata” nga Departamenti Amerikan i Shtetit që është raportuar në Kongres. Raporti përfshin vendimet për 68 emrat të cilët janë konsideruar të padëshiruar në SHBA vetëm përgjatë vitit 2020, nga disa vende të botës. Ai do të shqyrtohet nga komitetet përkatëse të drejtësisë dhe në rast të nevojës për sqarime të mëtejshme, departamenti përgjigjet me të dhënat konfidenciale. “Zyrtarët e qeverive të huaja dhe anëtarët e tyre të ngushtë të familjes për të cilët Sekretari i Shtetit ka informacion të besueshëm janë përfshirë, drejtpërdrejt ose tërthorazi, në korrupsion të rëndësishëm, përfshirë korrupsionin në lidhje me nxjerrjen e burimeve natyrore, ose shkelje të rëndë të të drejtave të njeriut”, -sqarohet në vendimin e departamentit amerikan. Ambasadorja Yuri Kim shpërndau pa koment raportet në rrjetet sociale. Mes diplomates së lartë amerikane në Tiranë dhe Sali Berishës ka pasur përplasje në distancë. Kërkesa e SHBA ishte që Berisha të mos behej pjesë e grupit parlamentar të opozitës pas shpalljes “non grata” për korrupsion. Ndërkaq ky i fundit, ka nisur dy beteja njëkohësisht, atë të gjyqit me vendimin “non grata” ku ka pajtuar një avokat për apelimin e vendimit të SHBA në një gjykatë në Francë si dhe betejën për të shkarkuar Bashën nga PD, duke kërkuar mbledhjen e
VENDIMI
“Zyrtarët e qeverive të huaja dhe anëtarët e tyre të ngushtë të familjes për të cilët Sekretari i Shtetit ka informacion të besueshëm janë përfshirë, drejtpërdrejt ose tërthorazi, në korrupsion të rëndësishëm, përfshirë korrupsionin në lidhje me nxjerrjen e burimeve natyrore, ose shkelje të rëndë të të drejtave të njeriut”, sqarohet në vendimin e Departamentit Amerikan të Shtetit.
Kuvendit Kombëtar. Para disa muajsh shpallja e ishkryeministrit Sali Berisha dhe familjes së tij “të padëshiruar” në SHBA është diskutuar ë Komitetin e Punëve të Jashtme të Kongresit Amerikan. Teksa e konsideroi si vendim “të papritur”, kongresmeni republikan i New York, Lee Michael
Zeldin, i kërkoi Sekretarit të Departamentit Amerikan të Shtetit (DASH), Antony Blinken, informacione specifike se mbi çfarë afere korruptive dyshohet të jetë përfshirë Berisha dhe familja e tij, që e shtynë atë ta shpallte “non grata”. Mirëpo Blinken u shpreh se “aktualisht nuk kishte asgjë që
mund të ndante me Komitetin” dhe e ftoi kongresmenin Zeldin si dhe mediat që t’i drejtoheshin për informacione zyrës së çështjeve ligjore dhe zyrës së shtypit. Kongresmeni Zeldin e pyeti konkretisht Sekretarin Blinken, gjithashtu, nëse ka pasur kontakte me filantropin George Soros,
pyetje së cilës Blinken iu përgjigj negativisht, por duke theksuar se “nuk mund ta thoshte këtë për gjithë departamentin”. Më 19 maj Blinken njoftoi se kishte shpallur “të padëshiruar” për “korrupsion të niveleve të larta” dhe “cenim të demokracisë” ishKryeministrin Berisha dhe familjen e tij. Duke e konsideruar të nxitur nga qarqet
dhe lobimet e Soros në politikën amerikane, ishkryeministri Berisha bëri padi kundër Sekretarit Amerikan Blinken në Francë. Përveç Berishës, deri më sot DASH ka shpallur “non grata” për korrupsion ish-kryeprokurorin Adriatik Llalla, ish-kryebashkiakun e Durrësit Vangjush Dako dhe ish-deputetin socialist Tom Doshi.