Vrasja e kryepolicit të Shkodrës në vitin 2000, SPAK-u rihap hetimet
Kërkesa nga vëllezërit Tafili: Ngjarja është e pazbardhur dhe e manipuluar
Prokuroria e Posaçme kundër Korrupsionit dhe Krimit të Organizuar (SPAK) ka rihapur hetimet për vrasjen e ish-kryepolicit të Shkodrës, Arben Zylyftari, ngjarje kjo e ndodhur në vitin 2000. Mësohet se hetimet janë rihapur, pasi palët pretendojnë se ngjarja është manipuluar. Sipas "Shqiptarja. com", rihapja e hetimeve ka ardhur me kërkesë të të dënuarve për vrasjen e tij, vëllezërve Admir dhe Genc Tafili. Admir Tafili është dënuar me burgim të përjetshëm, ndërsa Genc Tafili, i liruar me kusht nga ishgjyqtarja e Krujës, Enkelejda Hoxha. Sipas burimeve të mësipërme, palët në këtë proces kanë pretendime se ngjarja është e pazbardhur dhe e manipuluar. Pritet që SPAK-u të rinisë rimarrjen në pyetje të personave, të cilët kanë dijeni për ngjarjen në fjalë. Ndërkaq, urime pranë SPAK-ut bënë me dije se ditën e djeshme është ftuar në SPAK për deklarime Sokol Koçiu, ish- zyrtari i lartë i policisë, i cili deklarimet i ka dhënë si avokat i Admir Tafilit. Po ashtu, SPAK-u sqaroi se për këtë ngjarje ka pasur mbi dhjetëra kërkesa për ta rihetuar nga vetë Admir Tafili, i cili e mohon të ketë lidhje me krimin. Kryepolici i Shkodrës, Arben Zylyftari, u vra në vitin 2000 në krye të detyrës me një breshëri plumbash automatiku gjatë drejtimit të një operacioni kundër dy personave të kërkuar. Operacioni po zhvillohej gjatë një kontrolli për armë në liqenin e Shkodrës, kur policia ka rënë në gjurmë të një personi shumë të kërkuar, por u has me breshëri plumbash prej tyre. Personat që kanë shtënë ishin Behar Tafili dhe djali i