Publikimi, 22 personat më të paguar në Shqipëri, 5 prej tyre në SHISH
Pagat e 637 mijë tatimpaguesve, zbulohen super-rrogat në Shërbimin Informativ Shtetëror Lista, sa paguhen krerët e politikës shqiptare
Një tjetër skandal u publikua dje në media, ku tashmë janë bërë publike pagat e 637.138 tatimpaguesve shqiptarë. Në “WhatsApp” është shpërndarë një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën përkatëse. Në listën e publikuar kategorizohen disa të dhëna të qytetarëve, duke nisur nga emri, mbiemri, emri i plotë, nipti i subjektit, subjekti, profesioni dhe orari i punës. Lista me 637.138 emra punonjës në sektorin shtetëror dhe atë privat fillon me personat që janë më të paguarit në vend. Ajo që bie në sy është fakti që më i paguari zyrtarisht në vend është një punonjës i Shërbimit Informativ Shtetëror, i cili në kolonën emër mbiemër identifikohet si “Anonymous Anonymous” dhe rezulton se merr një pagë mujore prej 58,074,817.00 lekë. Institucioni shtetëror që e ka hartuar këtë listë, për shkak të të dhënave sensitive të këtij personi që punon në SHISH ka bërë kujdes që në kategoritë “Profesioni” dhe “Kategoria” të mos e specifikojë atë duke vendosur shënimin “E papërcaktuar”. Në 22 personat më të paguar në Shqipëri rezulton se 5 persona punojnë në Shërbimin Informativ Shtetëror dhe pagat e tyre variojnë nga 4 milionë lekë deri në 9 milionë lekë në muaj. Nga të dhënat rezulton se paga më e lartë është ajo e një administratori, i pasuar nga një person i SHISH dhe një administrator në multimedia. Në listën e publikuar në internet janë edhe pagat e krerëve të politikës shqiptare, që nga kryeministri Edi Rama, presidenti Ilir Meta, apo kryedemokrati Lulzim Basha. Me pagën më të lartë rezulton të jetë Presidenti i Republikës, Ilir Meta, i cili merr 257 000 mijë lekë, i ndjekur nga kryeministri Edi Rama me një pagë mujore prej 228 730 lekë. Databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitetit, pozicionin e punës dhe rrogën përkatëse. Në listë janë qytetarë të punësuar jo vetëm në sektorin publik, por edhe atë privat, të shoqëruar me kartat e tyre të identitetit. Në listë janë përfshirë edhe gazetarët. Sipas kësaj databaze, Ben Blushi është më i paguari në Shqipëri, me një pagë bruto prej 24.7 mln lekësh. Ai ndiqet më pas nga gazetari Arjan Çani me një rrogë 1.7 milionë lekë të reja. Qeveria reagoi duke theksuar se nga analizat paraprake nuk rezulton të ketë asnjë “eksport dixhital të databazës së pagave për periudhën janar-prill 2021”. Sipas tyre, databaza është e ndryshme nga ajo që përdor Ministria e Financave dhe nuk përmban fushën “Emri i Plotë”.
Shpërndarja e një liste të dhënash të 630 mijë qytetarëve shqiptarë të punësuar në sektorin privat dhe shtetëror në vend ka ngritur një kuriozitet të madh edhe për emra të njohur, qofshin këto edhe në institucione shtetërore apo në pushtetin gjyqësor dhe sistemin e drejtësisë. Në listë nuk mungonin as pagat e inspektorëve të Shërbimit Informativ, të ushtrisë, policisë dhe agjentëve të saj. Ndërsa prokuroria ka njoftuar se ka nisur verifikimet për të gjetur personin që e ka shpërndarë databazën. Tashmë janë bërë publike edhe pagat e prokurorëve dhe hetuesve të SPAK-ut që janë pjesë e kësaj liste. Databazën e kryeson me pagën më të lartë drejtuesi i Prokurorisë së Posaçme, Arben Kraja.
PROKURORË TË SPAK-UT