“Jep llogari për pagat”, Rama replikon me qytetarët: I ka privati
Qytetari, kritika kryeministrit: Parazitët po marrin rroga kot në kurrizin tonë “Lërini budallallëqet! S’kemi çfarë neutralizojmë hiç”
Kryeministri Edi Rama ka marrë kri tika nga qytetarët të ndryshëm në rrjetet sociale për skandalin e publikimit të pagave. Disa qytetarë në komente, i kanë kërkuar kreut të qeverisë Edi Rama që të japë sqarime mbi skandalin e publikimit të listës së pagave dhe të dhënave personale. Teksa shpërndau dy ditë më parë lajmin se certifikata e Kontrollit Teknik të DPSHTRR heq përfundimisht detyrimin e kontrollit fizik të automjetit kur ndërron pronësia, duke eliminuar 60 mijë kontrolle fizike të automjeteve në vit dhe miliona para e pritje qytetarëve, Rama u përball me komente për daljen e të dhënave personale, një prej tyre edhe targave të automjeteve. Ndonëse nuk jep shumë informacion, Rama iu kërkon komentuesve të qetësohen dhe të mendojnë. Njëri prej ndjekësve e quan me ironi Ramën “komandant”, ndërsa kryeministri i kthehet duke i thënë se “logjika çalon, duhet forcuar me rilexim”. Një tjetër qytetar shprehet: “Shyqyr që po bën ti oponencë me pozitën se ata të opozitës kanë hallin e kasolles së vet se kush do ta bëjë komandën për 2022”-shin. Kreu i qeverisë i përgjigjet: “Jo i dashur, ky lajm është rezultat i punës së bërë, s’kemi çfarë neutralizojmë hiç dhe dy gjëra s’kanë lidhje me njëratjetrën, ndërsa për efektin e këtij lajmi pyet ata që shpëtojnë nga ky hall”. Në një tjetër replikë Rama “thumbon” Bashën duke i kujtuar një qytetari se “7×7 nuk bëjnë 42”. Ndërkaq, një qytetar thotë se “parazitët po marrin rroga kot në kurrizin tonë”, duke iu referuar skandalit të pagave, ndërsa Rama i përgjigjet duke thënë se nuk e kupton lidhjen, pasi rrogat janë të sektorit privat. “Nuk e kuptova lidhjen, sepse rrogat për të cilat flet janë të sektorit privat, ndërsa shërbimet janë të shtetit”, - theksoi z.Rama. Një komentues tjetër shprehet: “Lëri budallallëqet po jep llogari për atë që u ke bërë shqiptarëve me të dhënat personale. Mburresh me një darkë miu për të hequr vëmendjen nga ngjarja”. Kurse Edi Rama i përgjigjet: “Qetësohu dhe mendohu, sepse është shumë kuptimplotë kjo histori”. Edhe dy ditë më parë Edi Rama zgjodhi të replikojë me komentuesit për çështjen e publikimit të pagave. Një prej tyre e pyet kryeministrin se “përse duhen tërë ata parazitët të marrin rrogat kot në kurrizin tonë?”. Edi Rama i përgjigjet duke i thënë “rrogat për të cilat flet janë të sektorit privat ndërsa shërbimet janë të shtetit”. Kryeministri nuk kursye as ironitë me kryedemokratin Lulzim Basha. Një tjetër komentues ka reaguar për postimin e Ramës, i cili thotë se “si i kursen ti qytetarëve me 30 mijë orë pritje në vit, kur viti ka 8760 orë”. Kreu i qeverisë i është kthyer me komentin “të gjitha orët bashkë flori”, jo të një individi, se kështu matet ky hall përderisa 7X7 nuk bëjnë 42".