Shifra të larta infektimesh nga COVID, 801 raste të reja pozitive
Ministria e Shëndetësisë: 7049 të sëmurë aktivë, 113 të shtruar dhe 16 në gjendje të rëndë Regjistrohen 2 humbje jete, mes tyre edhe një 33- vjeçar nga Elbasani
Shifra të larta infek timesh ditore nga COVID janë regjistruar në 24 orët e fundit. Përkatësisht nga 5166 testime, plot 801 persona kanë rezultuar pozitivë me koronavirus. Ndërkohë, 2 persona kanë humbur jetën, mes tyre edhe një 33-vjeçar nga Elbasani. "Ju informojmë për situatën në 24 orët e fundit, si vijon: Janë kryer 5,166 testime, nga të cilat kanë rezultuar pozitivë me COVID-19, 801 qytetarë në këto bashki: 436 në Tiranë, 37 në Durrës, 30 në Sarandë, Elbasan, 29 në Vlorë, 24 në Fier, 20 në Lushnje, 19 në Shkodër, 17 në Lezhë, Gjirokastër, 10 në Peqin, Gramsh, 9 në Kamëz, Mallakastër, Kuçovë, 8 në Patos, 7 në Berat, 5 në Kavajë, Klos, Përmet, Tepelenë, 4 në Kurbin, Dibër, Divjakë, Dimal, 3 në Pukë, Kukës, Vorë, Memaliaj, Korçë, Pogradec, 2 në Tropojë, Krujë, Mat, Delvinë, Konispol, Skrapar, Librazhd, Përrenjas, 1 në Malësi e Madhe, Has, Mirditë, Bulqizë, Selenicë, Dropull, Poliçan, Këlcyrë, Cërrik", - bëri të ditur Ministria e Shëndetësisë. Ndërkohë, numërohen 7049 pacientë aktivë me COVID-19 në të gjithë vendin.
TË TË HOSPITALIZUAR HOSPITALIZUAR DHE VIKTIMA
Aktualisht në spitalet COVID po marrin trajtim 113 pacientë, nga të cilët 16 janë në gjendje më të rënduar. "Me gjithë përpjekjet e mjekëve, në 24 orët e fundit ka 2 humbje jete me SARSCOV2 pozitiv një qytetar nga Elbasani 33 vjeç, një qytetar nga Vlora 73 vjeç. Ministria e Shëndetësisë dhe Mbrojtjes Sociale u shpreh ngushëllimet familjarëve", - thuhet në njoftimin e MSH-së. Sakaq janë shëruar 351 qytetarë gjatë 24 orëve të fundit, duke e çuar numrin e të shëruarve në 201,748 që nga fillimi i epidemisë.
APELI
Ministria e Shëndetësisë u bëri apel qytetarëve të vaksinohen sa më parë për të mbrojtur veten dhe shëndetin
e të tjerëve. "Çdo qytetar mbi 16 vjeç mund të vaksinohet në qendrën shëndetësore ose në pikën më të afërt të vaksinimit të
përqendruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.