Protesta, Basha: Më 8 janar do të jem në zyrën time
“Fortifikimi i selisë blu”, kreu i PD: Marrëzira! Berisha po përdor demokratët si mish për top “Referendumi, kanë votuar vetëm 10%. Kemi prova për çdo qendër”
reu i Partisë Demokra tike, Lulzim Basha i
marrëzira të gjitha mendimet se po fortifikon selinë blu. Basha bëri të qartë se ditën e shtunë do të jetë si çdo ditë në zyrë pavarësisht protestës së paralajmëruar nga ish-kryeministri Sali Berisha. “Keni harruar që kemi edhe tanke, edhe snajper, marinsa, janë të gjitha marrëzira, është e trishtueshme që viti i ri shqiptarët i gjen në një xhalo të tillë të servirur, ndërsa ata përballen me probleme reale, ekonomike. Ai do ta kthejë PD-në në bunker, përpjekja e një njeriu për ta marrë peng PD-në për t’i përdorur demokratët si mish për top, në zyrën time mund të vini për një kafe që nesër se është e njëjta që ka qenë. Çfarë ndodh në tarracën e PD-së ato që janë thënë janë përtej imagjinatës së shfrenuar. PD ka një tjetër interes të jetë e hapur për demokratët. Edhe po të mos kishte mure PD-ja, ai do të ishte njeriu më i vetëm, edhe nëse ai sot do të ishte kreu i PDsë”,tha Basha për “Top Channel”. Kryedemokrati Lulzim Basha shprehet se do të jetë brenda zyrës së tij, duke vazhduar punën si çdo ditë, në 8 janar, kur Sali Berisha ka njoftuar për protestë para selisë blu. “Do të jem në zyrën time. Do të vazhdoj punën. E përditshmja do të ndodhë. Lëvizja për të shkatërruar PD-në vazhdon prej katër muajsh”, shprehet Basha. I pyetur në “Open” se çfarë do të ndodhë nëse mbështetësit e Berishës hyjnë brenda ambienteve të PD-së, Basha përgjigjet se thjesht do të bëhet dallimi mes demokratëve të vërtetë dhe kriminelëve. “Me siguri do të ketë një shfaqje të shëmtuar. Berisha nuk do të arrijë ta kthejë selinë në bunkerin e tij personal. Nëse përdoret dhunë, do të bëjnë dallim midis demokratëve dhe kriminelëve. Demokratët kurrë nuk kanë përdorur dhunë. Kriminelët nuk do ta mposhtin kurrë Partinë Demokratike”,
- u shpreh Lulzim Basha.
AKUZA
Lulzim Basha e konsideroi si turp që Sali Berisha dhe një grusht njerëzish përdhosin dinjitetin e një partie. Teksa foli për referendumin e Berishës, Basha hodhi akuza për manipulim duke paralajmëruar se kanë prova. “Pamjet që u dhanë nuk janë thjesht pamje, janë prova filmike të një kamere ngjitur me një qendër ku numërohen ata që kanë votuar dhe që janë 10% e asaj që ka deklaruar Berisha dhe është ajo që është mburrur Berisha më shumë. Është ajo qendër. Tani, që të kuptosh që një fuçi vere është e prishur, mjafton një gotë. Kur kjo ishte qendra që u mburr më shumë Sali Berisha mendoni si është në të gjithë Shqipërinë. I kemi të gjitha faktet, i kemi provat, edhe filmike, por nuk na jep kënaqësi, përkundrazi. Është një turp që Sali Berisha dhe një grusht njerëzish përdhosin dinjitetin e një partie duke u sjellë në këtë mënyrë, duke mashtruar haptazi. Është diçka dhe bëhet fjalë për diçka më shumë sesa, se këtu po flasim ngushtë për një qendër të të ashtuquajturit referendum, por po ta shikosh në një këndvështrim më të gjerë këtë kanë bërë gjithë kohën. Kanë gënjyer gjithë kohën. Kanë mashtruar gjithë kohën. Kanë shpifur gjithë kohën. Kanë manipuluar faktet gjithë kohën. Dhe këto kanë filluar të dalin siç doli ky filmim, siç doli ky filmim ka edhe shumë të tjerë dhe ata e dinë, sepse ata e dinë se çfarë kanë bërë ndaj kanë filluar gjuhën e urrejtjes, kanë filluar gjuhën e sulmeve, gjuhën e shpifjeve, të dhunës, të nxitjes së dhunës, të një gjuhë shtazarake që përdorin një grusht njerëzish janë, mund të kenë 10, 20, 30 identitete nga këto qendrat ku punojnë po një gjuhë shtazarake që sulmojnë zonjat, sulmojnë fëmijët, fëmijët e demokratëve. Këta nuk kanë të bëjnë me Partinë Demokratike, s’kanë të bëjnë as me ata njerëz që deri dje shkonin pas Sali Berishës të zhgënjyer dhe të zemëruar nga masakra zgjedhore dhe nga regjimi i Edi
Ramës. Janë një grusht njerëzish dhe kriminelësh e trafikantësh që kanë një qëllim; të zaptojnë Partinë Demokratike, ta përdorin si mburojë kundër ‘non gratës’, siç e kam thënë më përpara, është bërë një grup që shtrihet edhe përtej këtyre, shtrihet edhe në partitë e tjera, shtrihet edhe tek selia e Edi
Ramës, edhe në ndonjë seli tjetër. Grupi “na bashkoi ‘non grata’ amerikane”, që ka një qëllim, si fillim të asgjësojë Partinë Demokratike, si i vetmi institucion opozitar i qëndresës kundër regjimit, kundër masakrës zgjedhore dhe pa diskutim, si një parti properëndimore, pro ShBA, pro BE”- deklaroi Basha.