“Godasim korrupsionin”, SHBA: Sanksione ndaj atyre që destabilizojnë Ballkanin
‘Ndëshkimi’ i SHBA ndaj Dodik, BE: Kemi metodat tona për sanksione ndaj liderëve të Ballkanit “Nuk hezitojmë, dënojmë politikanët e korruptuar në Ballkan”
dërguari special i Uash ingtonit për Ballkanin
Gabriel Escobar shprehu dje vendosmërinë e SHBA-ve për t’i dërguar një mesazh të fortë aktorëve të korruptuar dhe destabilizues në rajon. Sipas Escobar nuk do të ketë hezitim për sanksione nëse kjo është e nevojshme. “Liderët e Ballkanit Perëndimor duhet të punojnë në interes të qytetarëve, në vend që të punojnë për interesat e tyre personale dhe partiake. Ne nuk do të hezitojmë të përdorim sanksione ose mekanizma të tjerë për të dërguar një mesazh të fortë për aktorët e korruptuar dhe destabilizues. Politika identitare, e cila ndan dhe që ka penguar përparimin e rajonit në të kaluarën, nuk ka bërë asgjë për interesat e njerëzve nga Ballkani Perëndimor”, shprehet Eskobar. Zyrtari i lartë amerikan shtoi se Shtetet e Bashkuara do të jenë një partner për ata që kanë një qasje konstruktive, jo shkatërruese, ndaj të ardhmes së rajonit. “Është kundërproduktive që politikanët dhe aktorët e tjerë po shfrytëzojnë temat e identitetit për të fituar pikë politike në kurriz të përparimit ekonomik dhe pajtimit rajonal. Kjo është një taktikë e zakonshme në Ballkanin Perëndimor, ku liderët politikë përdorin ndarjet historike që të mbjellin përçarje mes votuesve dhe të bllokojnë përparimin e shteteve”, - deklaroi Eskobar. Dy ditë më parë Shtetet e Bashkuara vendosën sanksione të reja ndaj udhëheqësit serb të Bosnjës, Milorad Dodik, me motivacionin “për aktivitete korruptive” dhe “kërcënime të vazhdueshme ndaj stabilitetit dhe integritetit territorial” të Bosnje Hercegovinës.
UNIONI
Bashkimi Evropian “ka marrë në dijeni” vendimin e administratës amerikane për vendosjen e sanksioneve ndaj liderit të serbëve të Bosnje - Hercegovinë, Millorad Dodik dhe bashkëpunëtorëve të tij. Por, sipas REL, zyrtarët në BE nuk i janë përgjigjur prerë pyetjeve të gazetarëve nëse blloku evropian do të ndjekë këtë shembull të Shteteve të Bashkuara dhe të vendosë sanksione. Zëdhënësja e Komisionit Evropian për çështje të zgjerimit, Ana Pisonero, tha se “BE-ja ka një varg instrumentesh, përfshirë edhe mundësinë e sanksioneve, por për përdorimin e tyre vendimi duhet të miratohet në Këshillin e BE-së me konsensusin e të gjitha shteteve anëtare”. Këto mekanizma BE-ja i ka në dispozicion që nga viti 2011. Por, në BE nuk kanë pasur përgjigje as në pyetjen se sa vlejnë mekanizmat nëse ato nuk përdoren dhe se a e dobëson kjo pozicionin e BE-së në rajon. Zëdhënësja e Komisionit Evropian ka thënë se BE-ja mbështet të gjitha përpjekjet për gjetjen e shpejtë të zgjidhjes për krizën politike në Bosnje e Hercegovinë dhe ndaljen e të gjitha nismave të papranueshme, të cilat vënë në rrezik sovranitetin dhe integritetin territorial të këtij shteti. Pisonero tha se Bosnja e Hercegovina do të ketë pasoja në mungesë të gjetjes së rrugëdaljes nga kjo