Falsifikonte teste COVID-19, arrestohet pronarja e agjencisë së udhëtimit në Durrës
Procedohen 2 klientët që tentuan kalimin në Itali me dokumente false
Durrës/ Policia e Dur rësit finalizoi operacionin “Testet”, ku në pranga ra pronarja e një agjencie udhëtimi në Durrës. Dyshohet se ajo falsifikonte për klientët e saj teste COVID-19, në emër të një klinike në Tiranë. Kësisoj, në pranga është vendosur pronarja e agjencisë, shtetasja A. R., 56 vjeçe, si dhe janë proceduar penalisht 2 shtetas, të cilët tentuan të kalonin kufirin për në Itali me teste të falsifikuara nga pronarja e agjencisë së udhëtimit. Materialet i kaluan Prokurorisë së Rrethit Gjyqësor Durrës për veprime të mëtejshme, për veprat penale “Falsifikimi i dokumenteve shëndetësore” dhe “Fshehja e të ardhurave”. “Procedohen penalisht edhe dy shtetas të tjerë, të cilët u kapën në tentativë për të kaluar kufirin me teste të COVID-19 të falsifikuara nga pronarja e kompanisë. Specialistët për Hetimin e Krimit Ekonomik e Financiar në DVP Durrës, në vijim të punës për parandalimin dhe goditjen e veprimtarisë kriminale në fushën e falsifikimit të dokumenteve, si dhe të monitorimit të zbatimit të masave antiCOVID, bazuar edhe në informacionet e marra në rrugë në rrugë operative, për një kompani udhëtimi që falsifikonte testet e COVID-19 organizuan dhe finalizuan operacionin policor të koduar ‘Testet’. Në kuadër të operacionit u arrestua në flagrancë shtetasja A. R., 56 vjeçe, banuese në Durrës, pronare e një agjencie udhëtimi, e cila falsifikonte testet e COVID19, në emër të një klinike në Tiranë. Gjithashtu, në kuadër të operacionit, në bashkëpunim edhe me Policinë Kufitare në Portin e Durrësit u kapën dhe u proceduan penalisht dy shtetas, të cilët tentuan të kalonin kufirin për në Itali, me teste të falsifikuara nga pronarja e agjencisë së udhëtimit. Materialet i kaluan Prokurorisë së Rrethit Gjyqësor Durrës për veprime të mëtejshme, për veprat penale ‘Falsifikimi i dokumenteve shëndetësore’ dhe ‘Fshehja e të ardhurave’”, - thuhet në njoftimin e policisë së shtetit.