Berisha akuza Bashës: Hartoi listën e personave që do të arrestoheshin
“Asgjë s’mund të na ndalojë!”, ish-kryeministri: Pashë njerëz anës Lanës të helmuar “Dhunën e nxiti Basha. Armët i nxori nga selia me makinën e tij”
Sali Berisha dhe Komi sioni i Rithemelimit u rikthyen dje në selinë e Partisë Demokratike duke akuzuar Lulzim Bashën si përgjegjës dhe orkestrues të dhunës së ushtruar në protestën 8 janarit. Berisha u zotua se asgjë nuk do ta pengojë dhe ndalojë në vazhdimin e kësaj beteje. Një ditë pas protestës në selinë e PD-së, Berisha denoncoi se janë bërë lista dhe janë arrestuar e ndaluar demokratë, që sipas tij, nuk kanë kryer asnjë lloj akti dhune. Sali Berisha hodhi akuza të drejtpërdrejta ndaj Lulzim Bashës se brenda selisë së PD kishte armë dhe këto armë u nxorën jashtë me makinën e tij. Berisha po ashtu u shpreh se Basha hartoi listën e demokratëve që duhet të arrestoheshin. “Erdha këtu për t’u zotuar se asgjë nuk mund të pengojë dhe ndalojë konsolidimin e pluralizimit politik në Shqipëri. Asgjë nuk do të mund të ndalojë mbizotërimin e vullnetit të shumicës në këtë vend. Asgjë nuk mund të pengojë këtë revolucion paqësor në realizimin e objektivave historike të tij. Gjithashtu, dua të shpreh solidaritetin tim, mirënjohjen e pakufishme, ndaj atyre demokratëve e demokrateve që u arrestuan mbrëmë me listat e dala nga ai që shqiptarët po i thonë “jo, Lulzim, por Lulzi. Sipas tij Basha është sot në armiqësi të plotë dhe totale me të gjithë anëtarësinë e PD, me të vdekur dhe të gjallë të kësaj partie. “Lulzim brava është sot një armik po kaq i egër, një fytyrë po kaq mizore ndaj dhe për demokratët shqiptarë. Ka fshehur vrasësit dhe kriminelët në seli. Të dhëna të sigurta se Lulzim brava ka nxjerrë armët e tyre