34 të arrestuar për dhunën në PD, Bardhi dhe Noka nën hetim
Akuzat: “Organizim dhe pjesëmarrje në manifestime të paligjshme”, “Prishja e qetësisë publike” Shkatërrimi i selisë së PD-së, mbi 60 të shoqëruar
4 persona janë vënë në pranga nga Policia e Tiranës pas protestës së të shtunës në selinë e Partisë Demokratike, ndërsa janë proceduar penalisht 18 të tjerë. Në gjendje të lirë do të ndiqen dy deputetët e Partisë Demokratike, Gazmend Bardhi dhe Flamur Noka. Sipas policisë, sekretari i përgjithshëm i Partisë Demokratike, Gazmend Bardhi, akuzohet se ka shkelur rregullat për përdorimin e lëndëve plasëse dhe dyshohet se ka stërvitur dhe instruktuar persona për përdorimin e paligjshëm të armëve të rrezikshme. Policia njoftoi se personat e arrestuar akuzohen për “Organizim dhe pjesëmarrja në grumbullime e manifestime të paligjshme”, “Prishja e qetësisë publike”, “Pengimi i qarkullimit të mjeteve të transportit”, “Shkatërrimi i pronës” dhe “Prodhimi, mbajtja, blerja apo shitja pa leje e armëve të ftohta”. Strukturat hetimore të Drejtorisë Vendore të Policisë Tiranë, nën drejtimin e prokurorisë vijojnë punën për identifikimin dhe kapjen e personave të tjerë të përfshirë në akte të kundërligjshme gjatë protestës së datës 8 janar 2022. Materialet i kaluan Prokurorisë së Rrethit Gjyqësor Tiranë për veprime të mëtejshme procedurale. 11 persona u vunë në pranga dhe u ndaluan për shkelje që lidhen me lëndët plasëse dhe radioaktive. Në krahun tjetër, deputeti Flamur Noka dyshohet të ketë qenë organizator i protestës. Si pjesë e protestës dhe që u konstatuan me armë të ftohta u vunë në pranga 23 shtetas dhe u proceduan penalisht 16 të tjerë. Për 34 të arrestuarit dhe 18 të proceduarit akuzat lidhen me organizim dhe pjesëmarrje në tubime të paligjshme, pengim të qarkullimit, shkatërrimit të pronës, shkelja e rregullave mbi lëndët plasëse dhe stërvitja për prodhimin dhe përdorimin e paligjshëm të armëve të tjera të rrezikshme. Për protestën në selinë e Partisë Demokratike është ngritur një grup i posaçëm hetimi në Prokurorinë e Tiranës. Ata kanë qëndruar për disa orë pas saj në ambientet e selisë, ku kanë marrë prova dhe kanë pyetur dëshmitarë në lidhje me ngjarjen. Në ndihmë të hetimeve do të vihen edhe pamjet e kamerave të sigurisë, por edhe ato të transmetuara direkt nga televizionet. Personat e arrestuar janë: Shaban Halili, Gentjan Lamnica, Agron Gjura, Xhevahir Georgiev, Alban Zaimi, Arkimed
Lushaj, Hajredin Gjura, Denis Luku, Valdrin Dervishaj, Arben Dervishaj, Orges Dervishaj, Qendrim Dervishaj, Arben Dervishaj, Selman Krasniqi, Albano Sotolaj, Ber Begeja, Duleman Marku, Mirash Rrathtori, Emiliano Çekini, Gjon Pepaj, Klavdo Çekini, Armando Çardaku, Agustin Pali, Oltion
Zenelaj, Albi Peti, Arian Mezini, Ardian Myrto, Ylli Gosturani, Armando Alldervishi, Vendim Demaj, Afrim Deda, Sokol Ndreu, Orian Meta dhe Stivi Luku. Kurse personat nën hetim janë Gazment Bardhi, Flamur Noka, Resul Fidani, Jurgen Rexhepi, Dritan Konda, Arif Bicprendi, Ergys Hoxha, Irel
Elezi, Azem Çira, Dori Alikaj, Aleks Marku, Argjend Ferati, Ismail Ferati, Senad Gucija, Julzim Kokomani, Zyber Kokomani, Armand Lekgegaj dhe Gjok Nikolli. Janë me dhjetëra personat e shoqëruar në polici pas përleshjeve mes demokratëve që nga orët e pasdites të së shtunës. Raportohet se që nga shpërndarja e protestuesve pas ndërhyrjes së policisë dhe deri në orët e para të mëngjesit të djeshëm janë mbi 60 shtetasit e shoqëruar në komisariat. Një pjesë janë liruar pasi janë marrë në pyetje, ndërsa pjesa tjetër janë ende në komisariate. Ata dyshohen si autorë të dhunës në PD dhe shkatërrimeve në selinë blu. Policia dhe prokuroria kanë mbledhur prova materiale dhe dëshmi për të vënë para përgjegjësisë autorët e incidenteve të rënda në protestën e thirrur nga Berisha dhe Komisioni i Rithemelimit për të nxjerrë Bashën nga zyra. Disa persona mbetën të lënduar nga përleshjet, ndërsa të tjerë patën probleme me frymëmarrjen pas përdorimit në masë të gazit lotsjellës.