Lame: Korrupsioni vazhdon në Kadastër. Më bëjnë presion për rritje rroge

Kreu i Agjencisë së Kadastrës, Artan Lame, ka folur për korrupsionin në institucionin që ai drejton “Nuk ndodh më ‘hiqja Lenës, jepja Prenës’”

Kreu i Agjencisë së Kadastrës, Artan Lame, ka folur për korrupsionin në institucionin që ai drejton dhe ka pranuar se ende vijon të mbetet problem dhënia e ryshfetit, apo siç quhet ndryshe në gjuhën popullore, “kafe 20, 30 apo 50 mijë lekë” për të marrë shërbimet. “Mbetet ende problem ai korrupsioni i vogël endemik, me 20, 30 apo 50 mijë lekë. Kjo zhduket nga shërbimet ‘online’. Në Kadastër kanë kërkuar rritje rroge, kjo shenja më e sigurt e uljes së korrupsionit. Nëse për doganierët dikur thuhej ‘ou pse ka edhe rrogë’, fakti që po bëjnë presion për rritjen e rrogës tregon se është ulur shumë indeksi i korrupsionit”, tha Lame. Ndërkohë, për një tjetër formë të korrupsionit që ka ekzistuar, Lame tha se është ajo e grisjes së fletëve të regjistrit dhe marrja e pronës përmes ryshfetit me metodën “merrja Lenës, jepja Prenës”. Por, për këtë formë korrupsioni, kreu i Kadastrës u shpreh 99.9% i bindur se nuk ndodh më, por nuk dha 100% garanci, sepse sipas tij, “të çmendur do të ketë gjithmonë”. “Dy janë format e korrupsionit në Kadastër,

madje njëra ka qenë, nuk është më. Njëra është korrupsioni i vogël endemik na 30 mijë, bjer 50 mijë që ta bëj. E tjetri korrupsioni i madh që ‘merrja Lenës e jepja Prenës’. Merrja pronën, ndrysho, gris regjistrin. Ky është korrupsioni që e ka shkatërruar në themel sistemin, ndryshimi në themel i pronësive. Kjo në 99.9 të rasteve e them me përgjegjësi të plotë nuk ndodh më. Ngaqë si arsye është digjitalizimi dhe skemimi i qartë i punës në sistem”.

MILVA EKONOMI Ministrja për Standardet dhe Shërbimet, Milva Ekonomi, në një intervistë për “News 24” foli për konferencën e parë ndërkombëtare të antikorrupsionit. Ekonomi tha se duhet më shumë komunikim me publikun dhe se digjitalizimi është një aktivitet që ka vite që po ndodh. Po ashtu, shtoi se qëllimi kryesor mbetet parandalimi, ndërgjegjësimi dhe më pas dënimi. “Është me shumë rëndësi,

Shqipëria po e bën për herë të parë. Qeveria ka marrë përsipër të kryejë një reformë të madhe në sistemin e drejtësisë. Pra, progresi që kemi bërë, ka hequr një herë e përgjithmonë idenë që pandëshkueshmëri nuk ka. Shqipëria e ka vendosur rrugën e saj drejt demokracisë”, - tha ajo. Sa i përket mesazhit të ambasadores amerikane në Tiranë, Yuri Kim, për luftën kundër krimit të organizuar, ajo tha se fjala e saj ishte frymëzuese.