Atentati me 6 plumba pas shpine ndaj Erion Hasanbelliut në Bruksel, prangoset në Vjenë Kasandër Noga
45-vjeçari u arrestua teksa po dilte nga shtëpia për të shkuar në aeroport. Do të kthehej në Shqipëri
Tri ditë pas atentatit në qendër të Brukselit ndaj Erion Hasanbelliut, është arrestuar në Belgjikë autori i dyshuar i ngjarjes, Kasandër Noga. 45vjeçari u arrestua nga policia e Vjenës në Donaustadt. Mësohet se lokalizimi për arrestimin e Nogës është kryer në bashkëpunim mes policisë belge dhe asaj shqiptare. Kasandër Noga u prangos teksa po dilte nga shtëpia e tij për të shkuar në aeroport, me qëllim ardhjen drejt Tiranës. Kasandër Noga dyshohet se qëlloi me 6 plumba pas shpine Erion Hasanbelliun alias Mikel Rakipllari, mbrëmjen e së shtunës, para hyrjes së një hoteli në “Adolphe Maxlaan” në Bruksel, pranë De Brouckèreplein në qendër. Sipas dëshmitarëve okularë, dy persona kanë qëlluar në drejtim të Erion Hasanbelliut, duke e lënë të plagosur rëndë, ndërsa gjithçka është filmuar nga kamerat e sigurisë së hotelit. Aktualisht Hasanbelliu, i cili i mbijetoi atentatit është në spital në gjendje të rëndë. Dyshohet se tentativa për vrasje ka ndodhur për shkak të hasmërive mes Erion Hasanbelliu dhe Kasandro Nogës. Gjithçka nisi në vitin 2000, kur Kasandro Noga, i veshur si polic, hyri me automatik në dorë bashkë me Julian Çelën dhe pasi kanë shkelmuar derën e reanimacionit ku ndodheshin të shtruar Aqif Hasanbelliu (babai i Erion Hasanbelliu) dhe Dritan Hajdini (shoku e Geronit) u ka hequr serumin nga krahu dhe me breshëri automatiku i ka lënë të vdekur në vend. Duke marrë shkas nga ngjarja e rëndë, erdhi edhe hakmarrja nga ana e Hasanbelliut, i cili bashkë më vëllain e shokut të tij, të ndjerit Geron Hasanbelliu dhe ekzekutuan Julian Çelën dhe plagosën rëndë Kasandro Nogën. Krimi në fjalë ndodhi në 2002 në Belgjikë.
KUSH ËSHTË KASANDËR KASANDËR NOGA NOGA
Erion Hasanbelliu dhe autori i dyshuar i plagosjes së 43-vjeçarit në Belgjikë, Kasandër Noga, kanë qenë në hasmëri. Kasandër Noga në vitin 2000 i ka vrarë babain Erion Hasanbelliut, ndërsa ky i fundit bashkë me vëllanë ekzekutuan
Julian Çelën dhe plagosën rëndë Kasandër Nogën në Belgjikë në vitin 2002. Më 19 gusht të vitit 2000 Kasandër Noga hyri në sanatorium i shoqëruar edhe nga Julian Çela dhe pasi shkelmuan dhomën e reanimacionit ku ndodheshin të shtruar Aqif Hasanbelliu (babai i vëllezërve Hasanbelli) dhe Dritan Hajdini, shoku i Geronit, u ka hequr serumin nga krahu dhe me breshëri automatiku i ka lënë të vdekur në vend. Vrasja ndodhi për motive hakmarrjeje, pasi këta persona i kishin vrarë kohë më parë vëllain Kasandër Nogës. Vëllezërit Hasanbelli u vunë në ndjekje të djaloshit nga Patosi i Fierit dhe dy vite më vonë, më 17 mars të vitit 2002, Geroni së bashku me Erion Hasanbelliun tentojnë të hakmerren. Në Antwerp të Belgjikës, Erion dhe Geron Hasabelliu ekzekutojnë Julian Celën dhe plagosin rëndë Kasandër Nogën. Pas ngjarjes në Belgjikë Geroni arriti të arratisej dhe u strehua në Itali, ku u arrestua në vitin 2009 dhe u ekstradua në Shqipëri. Kurse Kasandër Noga, autori i masakrës së senatoriumit u arrestua nga policia belge gjate vitit 2003 dhe në 2005 u ekstradua në Shqipëri, pasi mbi të rëndonte një dënim me burgim të përjetshëm. Ndërkohë, autoritetet belge sollën dosjen e vrasjes në Anvers në Shqipëri. Në shtator të vitit 2008, Gjykata e Fierit vendosi në mungesë masën e sigurimit “arrest me burg” për Geronin dhe vëllain e tij. Ai u shpall në kërkim dhe u ekstradua nga Italia më 17 qershor të vitit 2009. Gjykata e Shkallës së Parë të Fierit me vendimin e datës 7 shtator 2009, e shpalli të pafajshëm Geronin dhe urdhëroi lirimin e menjëhershëm, duke dënuar vetëm të vëllanë Erionin me 25 vite heqje lirie për kryerjen e veprës penale të “Vrasje me paramendim për gjakmarrje e kryer në bashkëpunim”, “Vrasje me paramendim për gjakmarrje” e kryer në bashkëpunim mbetur në tentativë, “Mbajtje pa leje të armëve të zjarrit”. Çështja shkoi në
ATENTATI DHE AKUZA
Apelin e Vlorës, e cila rrëzoi këtë vendim dhe e dënoi Geronin me e 14 vite burg. Në zbatim të këtij vendimi policia e Tiranës arrestoi mbrëmjen e 13 qershorit 2013 Geron
Hasanbelli në rrugën e “Barrikadave”. Ndërkohë që më 21 tetor 2013 nga Belgjika u ekstradua vëllai i tij Erion (Mikel) Hasanbelli, atëherë 35 vjeç, nga Fieri.