Maliq-Strelcë, fituese oferta e “Gjikuria”, 1 mln € më e lartë

“News 24”: Skandal me tenderin 9.7 mln € për aksin rrugor juglindor ARRSH shkualifikoi 4 oferta më të lira

Vazhdon seria e ten derave abuzive të Au toritetit Rrugor Shqiptar për ndërtimin e rrugëve në Shqipëri. Kësaj radhe skandali është përsëritur me tenderin 1,18 miliardë lekë ose 9,7 milionë euro për rikonstruksionin e aksit 19 km të gjatë MaliqLozhan i Ri-Strelcë, ku fituese ka dalë kompania “Gjikuria”, me një ofertë sa 98,4% e fondit limit. Konkretisht, kompania “Gjikuria” ka ofruar 1.16 miliardë lekë, ndërsa skandali thellohet pasi kjo ofertë është renditur e pesta për nga çmimi. Oferta më e mirë dhënë nga bashkimi i operatorëve kryesuar nga kompania “Arifaj” ishte 1 miliard lekë ose 8,7 milionë euro, plot 1 milion euro më e leverdisshme se oferta e dhënë nga kompania “Gjikuria”. Pastaj me radhë janë 3 oferta të tjera më të mira, por që janë shkualifikuar nga Autoriteti Rrugor Shqiptar, i drejtuar nga Evis Berberi. Nga 7 oferta, ARRSH ka shkualifikuar 5, mes tyre 3 oferta më të mira dhe 2 më të larta se oferta fituese e dhënë nga kompania “Gjikuria”. Ndërkohë, në dokumentin zyrtar të shpalljes së fituesit siguruar nga “News 24” nuk ka asnjë informacion se pse është shkualifikuar oferta e dhënë nga një bashkim operatoresh kryesuar nga kompania “BE – IS”, edhe pse kjo ofertë ishte e katërta më e leverdisshme me një vlerë prej 9,4 milionë euro, rreth 250 mijë euro më e lirë se oferta e kompanisë “Gjikuria”. ARRSH ka renditur një sërë justifikimesh për shkualifikimet, por dyshimet për paracaktimin e fituesit janë të mëdha, pasi janë hequr katër oferta më të mira, që është edhe kriteri bazë i shpalljes së fituesit.

SHKELJET NË BUXHET SIPAS KLSHSË

Dëmi ekonomik total i shkaktuar nga institucionet shqiptare gjatë vitit 2021 përllogaritet në 616,5 milionë euro, nga të cilat 158.3 milionë euro kanë ardhur si pasojë e parregullsive dhe shkeljeve financiare, në të ardhurat dhe shpenzimet e kryera, ndërsa 458.2 milionë euro vijnë për shkak të shkeljeve të disiplinës financiare me ndikim negativ në perfomancën e institucioneve të audituara. Ky është konkluzioni i Kontrollit të Lartë të Shtetit në raportin vjetor për auditimet e kryera gjatë vitit 2021. “Shkeljet më të mëdha me efekte të konsiderueshme në buxhetin e shtetit dhe jo vetëm, lidhen me administrimin e të ardhurave, menaxhimin jo të kujdesshëm në procesin e përdorimit të fondeve publike; keqadministrimin e pronës shtetërore ndjekur nga paligjshmëritë procedurale dhe ineficencat në realizimin e procedurave të prokurimit publik, si dhe shkeljet në zbatimin e legjislacionit fiskal”, - fillon raporti i KLSH-së për periudhën janar-dhjetor 2021, i cili përmbledh rezultatet e të gjitha auditimeve të kryera në vitin 2021. Institucionet ku janë ushtruar misionet e auditimit për këtë periudhë përfshijnë aktivitetin në 205 subjekte ku një institucion mund të jetë audituar dy ose më shumë herë nga KLSH për arsye të llojeve të ndryshme. Janë audituar institucione qendrore, ministri dhe agjenci (përfshirë drejtori qendrore dhe rajonale në varësi të tyre), njësi të vetëqeverisjes vendore (qarqe, bashki), drejtori të përgjithshme të administrimit fiskal, fonde speciale, si dhe shoqëri aksionare me kapital shtetëror në të cilën shteti ka mbi 50% të aksioneve, apo projekte me financim të huaj.