“Porti i Durrësit duhet të jetë rajonal”, Rama: Marrëveshja me qeverinë e Kosovës u shty, duhet ta kemi sa më parë

datën 20 qershor 2022, në Republikën e Kosovës, në Prishtinë do të mbahet takimi i radhës mes dy qeverive, asaj të Republikës së Kosovës dhe Republikës së Shqipërisë. Policia e Kosovës do të kujdeset për ofrimin e sigurisë dhe mbajtjen e rendit e qetësisë publike, gjatë kohës së zhvillimit të mbledhjes dhe gjatë lëvizjes së kryeministrit dhe ministrave të Qeverisë së Shqipërisë. Në kohën e ardhjes së përfaqësuesve shtetërorë nga Shqipëria për të mundësuar qarkullim të lirë të eskortës zyrtare nën përcjellje dhe sigurim, Policia e Kosovës në orët e pasdites të datës 19.06.2022 dhe 20.06.2022 sipas itinerarit të lëvizjes së personaliteteve/ delegacioneve do të bëjë ndërprerje të përkohshme në intervale të shkurta kohore të qarkullimit të trafikut në disa segmente rrugore, ku pritet të kalojnë delegacionet”, - thuhet në njoftim.

Ceremonia zyrtare e pritjes

11.15 - Hapja e sesionit plenar të mbledhjes së dy qeverive Kosovë-Shqipëri.

Fjalë e z. Albin Kurti, Kryeministër i Republikës së Kosovës.

Fjalë e z. Edi Rama, Kryeministër i Republikës së Shqipërisë.

Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim.

12.20 – Prezantimi nga z. Eric SMIT, drejtor i “Royal Haskoning DHV”

Infrastruktura portuale dhe hekurudhore kombëtare në funksion të tregut të përbashkët kombëtar dhe katër lirive ekonomike: Projekti i Portit të ri tregtar në Porto Romano, integrimi me hekurudhën Durrës – Prishtinë dhe Porti i Thatë në Kosovë.

12.30 – Ceremonia e nënshkrimit të marrëveshjeve ndërqeveritare.

12.45 – Konferencë e përbashkët për shtyp e dy kryeministrave.

18.00 – Promovimi i librit “Përplasja e Madhe” të Enver Hoxhaj.

Kryeministri Edi Rama gjatë një takimi me sipërmarrës në Gjakovë ka zbuluar marrëveshjen që duhej të firmosej ditën e nesërme, por u shty nga ana e Kosovës. “Ne duam të kemi një marrëveshje me qeverinë e Kosovës siç e kemi në Ballkanin e Hapur për të pasur korridoret e gjelbra të operatorëve ekonomikë të autorizuar, të cilët kalojnë pa asnjë ndalesë. Edhe për këtë na duhet të kemi një marrëveshje”, tha Rama. Gjithashtu kryeministri Rama u shpreh se Porti i Durrësit, duhet të jetë rajonal. “Ka shumë kompani që përdorin në mënyrë intensive portin e Durrësit. Ne duam të kemi një marrëveshje me qeverinë e Kosovës siç e kemi në Ballkanin e Hapur për të pasur korridoret e gjelbra të operatorëve ekonomikë të autorizuar, të cilët kalojnë pa asnjë ndalesë. Edhe për këtë na duhet të kemi një marrëveshje. Për këtë duhej të firmosej nesër dhe nuk e di për çfarë arsye u shty nga ana e qeverisë së Kosovës. Pavarësisht kësaj duhet ta bëjmë një orë e më parë këtë gjë. Kemi sjellë me vete projektin e ri të portit të Durrësit që është konceptuar si port i përbashkët që ose duhet të jetë rajonal me rëndësi të dorës së parë ose ne humbasim një potencial të madh siç e kemi humbur për dekada të tëra”, tha Rama.