Denaj: Mos na mbani peng, votoni shtyrjen e diskutimit

Me debate është mbledhja e djeshme, ku u diskutua akti normativ për kompensimin e çmimeve, ku u lëshuan akuza nga opozita se po përfitojnë oligarkë. Gjatë fjalës së saj, Grida Duma kërkoi që në Komisionin për Çështje Sociale të Shëndetësisë të sillej lista me emrat e kompanive që përfitonin nga ky akt normativ. Ndërkohë, në replikë është përfshirë ish-ministrja Anila Denaj, e cila akuzoi Dumën si kryetare të këtij komisioni se po pengon punën. Denaj kërkoi që Duam të nxirrte në votim shtyrjen e mbledhjes së sotme, gjë që u refuzua nga kryetarja e komisionit. Në cilësinë e zv.kryetares së komisionit, Denaj hapi votimin, duke u rrëzuar shtyrja, ndërkohë që sekretaria konfirmoi se ky proces shpallej nga kryetarja.

DEBATET

Duma: Jakupllari tha se është ndërhyrje në konkurrencë. Në një ekonomi në krizë, që ty të ka rënë konsumi…

Denaj: Nëse një qytetar në Kurbin është në apartament falas, si mund të krahasohet me atë që kërkon shtëpi në Bllok? Është marrëdhënie ndryshe private. Pra, janë dy target të ndryshëm grupi.

Duma: Target janë të ndryshme, por një kompani është e mbrojtur dhe tjetra jo. Ky është i njëjti treg dhe po flasim për konkurrencën. A ta vazhdojë të bëjë kontratën ai që e ka detyrim. Po kur fitojnë më shumë ata, ia ulni pagesat? Fondin e ka marrë ai 99%, por në rast se çmimi i betonit do të ulej, do ia ulje dhe ti çmimin?

Bejtja: Meqë është situatë e vështirë, ne themi po reflektojnë ndryshimin e çmimit të këtyre mallrave. Më thatë politikisht se të gjithë kontraktuesit që po flasim nuk janë armiq të popullit, por kompani shqiptare. Ky citimi “oligarkë” etj., është i gabuar. Me këtë logjikë duhet t’i kishim internuar. Por nuk ndodh, jemi në kushtet e konkurrencës dhe lirisë.

Duma: Ndodh që s’ke më mjekë, infermierë dhe hidraulikë se ikin. S’ke asnjë paketë për profesionistët.

Bejtja: E ke gabim. Kjo politikë që ndiqni ju i çon njerëzit jashtë. S’i kemi çuar ne njerëzit jashtë, por është treg.

Duma: Cila është lista e kompanive që prek ky akt normativ, e kërkojmë me listë, zyrtarisht.

Bejtja: Mund të mos preken, preken mallrat.

Duam: Listën e prokurimeve mbi të cilat ju jeni bazuar.

Bejtja: Ne ju sjellim një listë dhe ato duhet të sjellin argumentin nëse preken.

Duma: S’e besoj se shtysa për këtë akt normativ është se keni parë që çmimi është rritur dhe…

Denaj: Ky është spekulim. Çfarë kërkoni?

Bejtja: Do jua sjellim këtë listë kur të zbardhen emrat e përfituesve.

Duma: Kështu është kur ndahesh në palë. Themi ta shtyjmë këtë mbledhje dhe të na sillni dokumentacionin shtesë. Pa një faturë financiare ekzakte, s’mund të mbajmë asnjë qëndrim. Ndaj ne kërkojmë listën e atyre kompanive.

Denaj: E kemi aprovuar në Komisionin e Ekonomisë dhe Financave si komision përgjegjës dhe të gjitha debatet jo në këtë formë, kanë ndodhur. Kostoja financiare u artikulua.

Vasili: Ne kërkojmë rregullueshmërinë. S’ka ndodhur kurrë që komisioni përgjegjës jep vendimin pasi komisionet shprehen. E meqenëse ndodh logjika e faktit të kryer, votat e mundë