Vasili: Rilindja voton miliarda lekë për kompensim tenderash, për rrugën KardhiqDelvinë, por jo për uljen e çmimeve
Deputeti i LSI-së, Petrit Vasili, në një reagim të bërë në “Facebook” shkruan se “rilindja voton miliarda lekë për të kompensuar tenderat, ndërsa për rimbursimin e mjekimeve për COVID apo uljen e çmimeve, jo. Para për tendera, që jepen me 99.99% të çmimit si mirëmbajtja e rrugëve të jugut ka edhe për të dyfishuar paratë për rrugën Kardhiq-Delvinë, ndërsa para për rimbursimin e COVID-it, uljen e çmimit të naftës, vajit, bukës, miellit, sheqerit nuk ka!? Çfarë paturpësie dhe kanë surrat këta e dërdëllisin në emër të popullit”, - shkruan Vasili mes të tjerash.
STATUSI I PLOTË
“Rilindja voton miliarda lekë për të kompensuar tenderat, ndërsa për rimbursimin e COVID-it jo, çfarë turpi! Votojne miliarda lekë kompensim për çmimet e tenderxhinjve, rilindasit në rresht, të depersonalizuar e të dhunuar nga Rama. Në dhjetor të 2021-shit paraqita një amendament në projektbuxhetin e shtetit për të shtuar 2 miliardë lekë për rimbursimin e barnave, për qytetarët me COVID, që trajtoheshin në shtëpi. Dhe deputetët rilindas sërish në rresht, të depersonalizuar e të dhunuar nga Rama votuan kundër amendamentit për barnat e njerëzve me COVID. Para për tendera, që jepen me 99.99% të çmimit si mirëmbajtja e rrugëve të jugut ka edhe për të dyfishuar paratë për rrugën Kardhiq-Delvinë, ka sërish para. Ndërsa para për rimbursimin e COVIDit, uljen e çmimit të naftës, vajit, bukës, miellit, sheqerit nuk ka! Çfarë paturpësie dhe kanë surrat këta e dërdëllisin në emër të popullit. Ps. Kujtojeni amendamentin për COVID-in që votuan kundër këta të dhunuarit e Ramës”.