Akuza për terrorizëm dhe përgjime të paligjshme, shtyhet gjyqi për ish-muxhahedinin Bijan Poolagrad
SPAK: Bashkëpunonte me inteligjencën iraniane, përgatitej për sulm ndaj zyrtarëve të MEK në Manëz
G jykata e Posaçme ka shtyrë për në 7 korrik seancën ndaj iranianit, Bijan Poolagrad. Ish-banori i kampit të muxhahedinëve “Ashraf 3” në Manëz akuzohet nga SPAK-u për “Kryerja e shërbimeve dhe veprimeve me persona të shpallur”, “Organizata terroriste”, “Përgjimi i paligjshëm i të dhënave kompjuterike”, “Ndërhyrja në të dhënat kompjuterike”, “Ndërhyrja në sistemet kompjuterike” dhe “Keqpërdorimi i pajisjeve”. Pooladrag u arrestua në tetor të viti 2020 nën dyshimin se ishte një agjent iranian me mision për të vrojtuar grupin e MEK, një organizatë opozitare iraniane, e cila ka selinë aktualisht në Shqipëri pas evakuimit nga Iraku me ndërmjetësimin e amerikanëve.
AKUZAT AKUZAT E E SPAK-UT SPAK-UT
Iraniani Bijan Poolagrad akuzohet nga SPAK si pjesë e një celule terroristësh, e cila po planifikonte të kryente sulme ndaj funksionarëve të lartë të opozitës iraniane, të cilët strehohen në kampin “Ashfraf 3” në Manëz të Durrësit. Ish-banori i kampit të muxhahedinëve doli ditën e djeshme para Gjykatës së Posaçme, ku pritet të nisë procesi gjyqësor ndaj tij, për disa akuza, si “Kryerjes e shërbimeve dhe veprimeve me persona të shpallur në non grata”, “Organizata terroriste”, apo “Përgjimi i paligjshëm i të dhënave kompjuterike”. Sipas burime të “News 24”, mësohet se i pandehuri dyshohet se bashkëpunonte në punonjës të shërbimeve sekrete iraniane të njohur si Garda Revolucionare dhe merrte pagesa prej tyre. Në këmbim, ish-anëtari i grupimit muxhahedin kishte detyrë të fotografonte anëtarët e MEK dhe të evidentonte vendet që ata frekuentonin. Porositë dhe udhëzimet ai i merrte përmes aplikacionit “Telegram” dhe sipas hetimit, po planifikohej vrasja e një figure të lartë të MEK. Referuar
dosjes hetimore, rezulton se një anëtar i inteligjencës iraniane e udhëzonte të pandehurin të siguronte një armë kallashnikov në tregun e zi dhe të gjente persona të trajnuar që mund të kryenin vrasje. Hetimet për të pandehurin nisën fillimisht në Prokurorinë e Tiranës, referimit nga drejtoria e antiterrorist, që kishte siguruar kallëzimin e një vajze që pretendonte se Poolagrad, me të cilin kishte ndarë të njëjtën banesë për disa kohë, kishte përdorur telefonin e saj celular. Hetuesit zbuluan se i pandehuri kishte dërguar në adresë të disa personave nga Irani, të shpallur më vonë “non grata” në vendin tonë, fotografi të kampit të muxhahedinëve në Manzë. I pandehuri, i cili mbahet nën arrest që në 2020, i ka kundërshtuar akuzat dhe pretendon pafajësinë. Ai do të vijojë përballjen e tij me drejtësinë me datë 7 korrik, ditë ku u shty seanca e radhës, pasi e para dështoi, për shkak të mungesës së përkthyesit.