Veliaj pret senatorin italian, Luciano D’Alfonso: “Një avokat i zellshëm i kauzave të përbashkëta dhe mbështetës i madh i shqiptarëve”
nxjerrëse e naftës ka shkaktuar ndotje të ujërave sipërfaqësorë me hidrokarbure, fenole dhe metale të rënda. Ekspertët e mjedisit e konsiderojnë këtë një dëm serioz për shëndetin e banorëve që jetojnë pranë puseve të naftës. “Ndotja mjedisore nga nxjerrja e naftës është evidente dhe e njohur prej dekadash”, - shprehet aktivisti mjedisor Lavdosh Ferruni. “Për arsye se gjendja është jashtëzakonisht e keqe, në kuptimin e impaktit që ka në shëndetin e njerëzve në radhë të parë, jo vetëm shëndetin e njerëzve që jetojnë aty, por edhe të brezave të ardhshëm”, - shtoi ai. “Albpetrol” zotëron gjithsej 980 puse aktive në Kuçovë nga 1615 në total, ku pjesa më e madhe e tyre janë drejt fundit të jetës. Drejtori i qendrës së prodhimit të naftës në Kuçovë, Selfo Kapllani tha jashtë kamerave se ata prodhonin tani vetëm 51 ton nafte në ditë dhe parashikonin një humbje prej 58 milionë lekësh për vitin 2022. E njohur prej vitesh si një hot-spot mjedisor, zona e Kuçovës ishte lënë prej të paktën dy vitesh jashtë vëmendjes së institucioneve përgjegjëse mjedisore. Në bashkinë e Kuçovës, zyrtarët e mjedisit e pranojnë se nuk kanë informacion të ri mbi nivelin e ndotjes. “Unë nuk jam në dijeni të këtyre monitorimeve që ka bërë ndërmarrja ‘Albpetrol’”, - tha Bardhyl Suli, Drejtor i Mjedisit pranë Bashkisë Kuçovë. “Ne kemi bërë monitorimin e fundit në vitin 2016”, - shtoi ai. Sipas aktivistit mjedisor, Lavdosh Ferruni, dëmet e shkaktuara nga industria e naftës në Shqipëri janë disa herë më të larta se përfitimet. “Njeriu ka arritur të gjejë alternativa shumë më dashamirëse me mjedisin dhe të sigurojë një jetë normale me perspektivë të një mirëqenie gjithmonë e më të mirë në të ardhmen pa naftë”, - përfundoi ai./ BIRN
TIRANË - Kryetari i Bashkisë së Tiranës, Erion Veliaj, priti në një takim senatorin italian, ish-kryetarin e Bashkisë së Pescara-s, Luciano D’Alfonso, me të cilin bisedoi për marrëdhëniet e shkëlqyera dhe historitë e suksesit mes dy shteteve. Veliaj e falënderoi senatorin D’Alfonso për mbështetjen që i ka dhënë komunitetit shqiptar në Itali. “D’Alfonso është mik, vëlla, një italo-shqiptar, duke qenë se është edhe shtetas shqiptar – dhe një senator me reputacion të jashtëzakonshëm në Itali, ambasador ‘de fakto’ mes Shqipërisë dhe Italisë. Ju jam shumë mirënjohës që, një italo-shqiptar si ju, është edhe një avokat shumë i zellshëm i kauzave të përbashkëta. Si në çdo fushë, nëse dikush nuk të hap derën, nëse dikush nuk të jep një shtysë, nëse nuk të inkurajon të ecësh përpara, sigurisht suksesi bëhet më i vështirë. Por, diplomacia mes njerëzve, një derë e hapur nga dikush me reputacion, i cili krijon mundësi për të tjerët, është një bekim i madh për ne”, - u shpreh Veliaj. Kryebashkiaku tha se është me rëndësi që të forcohen akoma më shumë urat e bashkëpunimit edhe me senatin italian. “Mezi pres që t’i forcojmë urat e bashkëpunimit, jo vetëm mes qyteteve tona, me Chiet-in, me Pescara-n dhe shumë prej qyteteve të rëndësishme të Abruzzo-s, por mezi pres që ta forcojmë këtë bashkëpunim edhe me senatin Italian dhe shumë prej rrjeteve të atyre që shërbejnë në qeverinë qendrore dhe lokale. Ju falënderoj publikisht për të gjithë ndihmën e jashtëzakonshme dhe të paçmueshme që i keni dhënë komunitetit shqiptar në Abruzzo dhe në të gjithë Italinë”, - tha Veliaj. Senatori italian, Luciano D’Alfonso, u shpreh i lumtur për bashkëpunimin ndërinstitucional, politik, kulturor dhe ekonomik mes dy qyteteve. “Jam këtu së bashku me bashkëkryetarin e Chietti-t, Paolo de Cesare, për të parë nga afër ritmin e jashtëzakonshëm me të cilin po rritet Tirana, si dhe rrugëtimin e gjithë Shqipërisë. Jemi të fokusuar për ta kultivuar dhe ruajtur këtë bashkëpunim ndërinstitucional, politik, kulturor dhe ekonomik. Në cilësinë e kryebashkiakut të Pescara-s dhe kryetarit të Rajonit, kam theksuar në mjaft raste rëndësinë e transportit ajror ndërmjet Abruzzos, Pescara-s dhe Tiranës e Shqipërisë. Kam theksuar jashtëzakonisht rëndësinë e korridorit Adriatiko-Jonian dhe mbi të gjitha, një bashkëpunim mes qyteteve të rajonit, nën udhëheqjen e Tiranës dhe mikut tim, Erion Veliajt”, - u shpreh ai.