Vrasja e Pjerin Xhuvanit katër ditë para zgjedhjeve në Elbasan, në arrest shtëpie dy zv.drejtorë të policisë
Pezullohen gjashtë efektivë të tjerë të “Shqiponjave” Albert Nushi dhe Nikollaq Palla akuzohen për shpërdorim detyre dhe deklarim të rremë
Më shumë se një vit nga vrasja e Pjerin Xhuvanit në Elbasan, Drejtoria Rajonale e Agjencisë së Mbikëqyrjes Policore Elbasan dhe Korçë, në bashkëpunim me Prokurorinë Elbasan kanë ekzekutuar 8 masa sigurie për punonjës policie, të cilët kanë qenë me detyrë ditën kur u qëllua për vdekje mjeku psikiatër nga një nga truprojat e Partisë Demokratike. Mësohet se zv.drejtori për Rendin e Sigurinë Publike në Berat, Albert Nushi, dhe ishzv.drejtori për Rendin dhe Sigurinë Publike në Elbasan, Nikollaq Palla janë dënuar me arrest shtëpie, pasi hetimet i nxorën fajtorë për veprat penale “Shpërdorimi i detyrës” dhe “Deklarimi i rremë përpara oficerit të policisë gjyqësore”, për çështjen e vrasjes së Pjerin Xhuvanit dhe plagosjes së katër të tjerëve, ne prill të vitit të kaluar në Elbasan. Albert Nushi dhe Nikollaq Palla ishin të parët në vendngjarje. Ata pretendojnë se kanë reaguar në kohë dhe kanë ndërmarrë veprimet e duhura, por hetimet kanë provuar të kundërtën. Në vendngjarje ndodheshin së paku 10 punonjës policie. Gjykata ka caktuar masat e pezullimit nga detyra për gjashtë efektivë, të cilët kanë qenë në detyrë ditën e vrasjes së Xhuvanit, katër ditë para zgjedhjeve të 25 prillit.
NJOFTIMI I POLICISË:
Drejtoria Rajonale e AMP Elbasan-Korçë ka ekzekutuar urdhrin e Prokurorisë së Rrethit Gjyqësor Elbasan për ekzekutimin e vendimit të Gjykatës së Shkallës së Parë Elbasan për caktimin e masave të sigurimit në lidhje me hetimet mbi procedimin penal nr. 477 të vitit 2021. Në kuadër të këtij hetimi, gjykata ka caktuar masat e sigurimit personal “Arrest në shtëpi” për A.N., 55 vjeç, aktualisht me detyrë zv.drejtor për Rendin e Sigurinë Publike në D.V.P. Berat, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të policisë gjyqësore”, parashikuar nga neni 248 dhe 305/b i Kodit Penal. N.P., 57 vjeç, me detyrë ishzv.drejtor për Rendin dhe Sigurinë Publike në D.V.P. Elbasan, i dyshuar për kryerjen e veprave penale të
“Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, - parashikuar nga neni 248 dhe 305/b i Kodit Penal. Gjithashtu, Gjykata ka caktuar masat e sigurimit personal “Pezullimi i ushtrimit të një detyre shtetërore, apo shërbimi publik” për D.D., 33 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. P.B., 33 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. E.B., 26 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. E. M., 38 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. D.D., 30 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. B.K., 37 vjeç, me detyrë punonjës policie në forcën e posaçme “Shqiponja” në DVP Elbasan, i dyshuar për kryerjen e veprave penale të “Shpërdorimi i detyrës” dhe atë të “Deklarimi i rremë përpara oficerit të Policisë Gjyqësore”, parashikuar nga neni 248 dhe 305/b i Kodit Penal. Vendimi është marrë në kuadër të hetimeve mbi ngjarjen e ndodhur më datë 21.04.2021 në qytetin e Elbasanit, ku si pasojë ka humbur jetën 1 shtetas dhe 4 të tjerë kanë mbetur të plagosur. Nga shqyrtimi i akteve hetimore, Gjykata e Shkallës së Parë Elbasan ka vlerësuar të drejtë kërkesën e Prokurorisë për caktimin e masave të sigurisë ndaj shtetasve të mësipërm. AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.