Kryemadhi: 189 milionë euro, përvetësim i paligjshëm nga kompanitë e inceneratorëve
Kryetarja e LSI-së flet me emrat e kompanive: Ja kush përfiton nga akti normativ për kompensimin e çmimeve “Do të dorëzojmë padinë në Prokurorinë e Posaçme”
Gjatë diskutimeve për aktin normativ për kompensimin e çmimeve, kryetarja e Lëvizjes Socialiste për Integrim, Monika Kryemadhi, ngriti pyetjen se cili do të jetë instrumenti që do të kontrollojë faturat. Gjatë fjalës së saj në Kuvend në lidhje me këtë çështje, Kryemadhi deklaroi se do të përfitojnë kompanitë e inceneratorëve. Kryemadhi publikoi shifrën, duke thënë se janë 189 mln euro përvetësim i paligjshëm i kompanive që kanë punuar për inceneratorët. “Dyshimi fillon cili dot ë jetë instrumenti që do kontrollojë faturat. Nga eksperienca ime, që kemi bërë me inceneratorët, po ju jap një shifër që e kam zyrtare. Skema e kompanive të krijuara për evazion fiskal dhe do t’i drejtohem edhe SPAK-ut për t’u bashkangjitur padive të tjera, për përvetësim të paligjshëm të TVSH është 189 mln dollarë vetëm kompani që kanë punuar me inceneratorët. Pra, në këtë kompani janë 99.9% të kompanive që përfitojnë nga ky akt normativ. Këto janë me fatura dhe data. Këto kompani kanë blerë miell, vaj, sheqer oriz, kripë dhe kanë shitur zhavorr dhe beton. Ka tri grupe në të. Është grupi i bizneseve që nuk përballojnë dot tatimin mbi fitimin, shmangin TVSH. Ka një grup tjetër që përfitojnë 300 mln euro koncesionin dhe grabisin paratë nga buxheti i shtetit, janë edhe kompanitë e tjera, që janë të lidhura me inceneratorët. Ajo që është më e tmerrshmja, që unë them cili është mekanizmi kontrollues: këtu janë 9 kompani të lidhura bashkë, të drejtuar nga familja Ymeraj, Murati dhe Frangaj. Pasi janë denoncuar, bizneset e tyre janë shitur. Po të klikosh në QKR nuk hapen, sepse janë mbyllur, pasi nuk kanë paguar TVSH-së. Një biznes prej 17 mln eurosh e ka blerë Vezir Brahaj dhe Shkëlqim Meta. Një biznes tjetër prej 7 mln dollarësh, 10 mln dhe 14 e ka blerë një zonjë që është 95 vjeçe dhe një zotëri që është 94 vjeç. Këta dy të moshuar kanë blerë biznese prej 35 mln euro”, - tha Kryemadhi. Kryetarja e LSI-së, Monika Kryemadhi, renditi disa nga arsyet që sipas saj nuk është dakord me aktin normativ për rimbursimin e çmimeve, pasi kjo gjë duhej të bëhej edhe për sektorë të tjerë, jo vetëm për ndërtimin.
SKEMA E EVAZIONIT
Gjatë fjalës së saj, Kryemadhi theksoi se dyshimi nis nga fakti se kush do i kontrollojë këto fatura të rimbursimit. Ajo pohoi se Rama po përdor një skemë të evazionit fiskal sa i takon amnistisë fiskale.
“Në pamje të parë kur shikojmë aktin normativ që ka të bëjë me një rimbursim të një vlere deri 30 % për kompanitë e ndërtimit për veprat publike e shikon dhe mendon se jetojmë në Danimarkë, në një shtet mjaft demokratik, në një ekonomi të barabartë në një konkurrencë. Sepse në kushtet sot kur çmimi i hekurit, çmimi i çimentos, i naftës janë rritur për shkak të luftës, normalisht kjo pasojë do të ndjehet dhe te veprat publike, siç janë shkollat, spitalet rrugët, urat e çdo gjë tjetër. Dhe nuk ka asnjë gjë të keqe në këtë këndvështrim, sepse nëse toni hekurit kur janë lidhur kontratat për këto vepra ka qenë me 600 euro dhe tashmë është 1100-1200, nuk ka asgjë të keqe që qeveria të marrë përsipër një rimbursim, në mënyrë që këto vepra të mbarohen sa më shpejt. Do të ishte mirë që kjo të bëhej edhe për sistemin arsimor, duke pasur parasysh që me rritjen e çmimit të naftës, nxënësit e kanë shumë të vështirë të shkolla. Do të ishte një gjë shumë e mirë për shëndetësinë, do të ishte një gjë shumë e mirë për pensionistët. Do të ishte shumë e mirë për firmat e ndërtimit që u shesin apartamente shqiptarëve. Për fermerët, për bujqit, për të gjitha bizneset e tjera që të bëhej një amendament, një akt normativ për të subvencionuar bizneset shqiptare. Por, dyshimi fillon në momentin që cili do të jetë instrumenti që do të kontrollojë faturat. Kush do ta kontrollojë që kompania X, ata që ka marrë tenderat publikë me 99% të vlerës, do të tregojë faturat e vërteta. Nga eksperienca ime, nga investimi që kemi bërë me çështjen e inceneratorëve, që e kam thënë gjithmonë që sa më shumë futesh aq më thellë del; po ju jap një shifër që sot e kam përfundimisht zyrtare. Skema e kompanive të krijuara për evazion fiskal dhe shumë shpejt do t’i drejtohet edhe SPAK-ut për t’u bashkangjitur padive të tjera. Për përvetësim të paligjshëm të TVSH-së është 189 milionë dollarë, vetëm kompani që kanë punuar me inceneratorët. Pra, në këto kompani janë dhe 99.99 % të kompanive që do të përfitojnë sot nga ky akt normativ. Të dashur kolegë dhe gazetarë, këto janë me fatura dhe me data. Këto kompani kanë blerë miell, vaj, sheqer, oriz, kripë dhe kanë shitur zhavorr edhe beton. Ka tre grupe, është grupi i kompanive shqiptare të cilat nuk përballojnë dot tatimin mbi fitimin, dhe rrisin me fatura të fryra shpenzimet. Ka një grup tjetër që fitojnë koncesione me nga 40 milionë euro kilometrin, apo 300 milionë euro koncesione dhe përveçse bëjnë fatura të fryra grabisin paratë nga buxheti i shtetit dhe përveç kësaj shmangin dhe pagesën e TVSH, marrin dhe rimbursim të TVSH janë dy kompani të tjera, që janë të lidhura drejtpërsëdrejti me inceneratorët. Këtu janë 9 kompani që janë të lidhur bashkë dhe drejtohen nga familja Ymeraj dhe Frangaj. Një biznes prej 17 mln euro e ka blerë Vezir Braha dhe një tjetër e ka blerë një zonjë që është vjeçe. Inceneratori paguhet nga taksapagues shqiptarë. Ndërkohë që këto para ne paguajmë 80 mijë dollarë në vit për inceneratorët, për ushqimet, gazetarët dhe televizionet që i marrin me qira. Për të paguar avionë apo gjëra që nuk kanë ekzistuar. Dhe unë ngre dyshimin. Cili është mekanizmi kontrollues i këtyre faturave? Skema e evazionit fiskal, ku ministret janë të detyruara të gëlltisin këtë lugë, është skema që ka përdor Edi Rama, skema që ai përdor për të blerë çdo institucion, shtetëror, publik, mediatik dhe financiar. Evazion i pastër fiskal, pa llogaritur se çdo të ndodhë me kompanitë. Nuk Shqipëria nevojë për amnisti fiskale, por për formalizimin e tregut, që fillon që tek oligarkët e ushqimeve, që iu shesin fatura kompanive me dy punonjës. Këto miellin dhe sheqerin e shesin te kompanitë e inceneratorëve etj.. Ndaj, ky akt normativ është mbulesë e asaj grope të zezë të helmatisur e me sëmundje”, - tha Kryemadhi.