DEA amerikane: Denonconi për rastet e drogës dhe të pastrimit të parave
Tedi Blushi: Ministrat i ka në burgje, Rama sot na fut në radarin e DEA-s Thirrje shqiptarëve të denoncojnë trafikun
DEA amerikane u ka bërë thirrje qytetarëve të denoncojnë rastet e trafikut të drogave të forta, duke garantuar fshehtësi të burimit. Agjencia e SHBA-ve Kundër Narkotikëve ka njoftuar krijimin e një linje të re sinjalizimi për Shqipërinë, sa u takon informacioneve për rastet e trafikut të drogës apo pastrimit të parave. Në një njoftim në “Facebook” Ambasada Amerikane bën me dije se DEA do të mbajë të fshehtë çdo të dhënë të qytetarëve.
MESAZHI I AMBASADËS:
Agjencia e SHBA-ve Kundër Narkotikëve njofton një linjë të re sinjalizimi për Shqipërinë. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në “ËhatsApp” në: +1 571 5027846 ose me email në: albania_DEA_tipline@state.gov. Të gjitha të dhënat do të mbahen të fshehta. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me to, për një të ardhme më të mirë për të gjithë shqiptarët.
REAGIMI I OPOZITËS
Sekretari i përgjithshëm i Partisë së Lirisë, Tedi Blushi, ka reaguar në lidhje me thirrjen e bërë nga DEA amerikane që qytetarët shqiptarë të denoncojnë rastet e trafikut të drogave të forta, duke garantuar fshehtësi të burimit. Agjencia e SHBAve
Kundër Narkotikëve ka njoftuar krijimin e një linje të re sinjalizimi për Shqipërinë, sa u takon informacioneve për rastet e trafikut të drogës apo pastrimit të parave. Në një postim në rrjetet sociale, Blushi u shpreh se Shqipëria i ka të gjitha mundësitë ta zhdukë narko-trafikun, por se e vetmja gjë që e pengon është vetëm qeveria dhe kryeministri.
Postimi i plotë: “Shqipëria i ka të gjitha mundësitë ta zhdukë narkotrafikun. Ka qytetarë të mirë dhe policë shumë profesionalë. Por, fatkeqësisht kemi edhe këtë qeverinë e vulëhumburit që dita-ditës po na i nxin faqen në gjithë botën. Sot na paska futur edhe në radarin e DEA-s. Ministrat i ka nëpër burgje dhe emri i tij lakohet nga mediat botërore si partner i McGonigal-it. Por, po i vjen fundi kësaj pune, se shqiptarët vërtet durojnë shumë, por nuk e lënë kupën e mbushur të derdhet”.
Në ambientet e Akademisë së Sigurisë filloi dje cikli i trajnimeve me objekt përmbushjen e plotë dhe efektive të detyrave funksionale të punonjësve të policisë, para, gjatë dhe pas procesit zgjedhor që do të zhvillohet këtë vit. Trajnimet intensive do të realizohen nga ekspertë multidisiplinorë të OSCE-së, Komisionit Qendror të Zgjedhjeve dhe Prokurorisë së Përgjithshme dhe do të konsistojnë në informimin e plotë të punonjësve të policisë për aspektet ligjore, etike dhe disiplinore të këtij procesi kompleks dhe të rëndësishëm për vendin. Trajnimet nisën dje me pjesëmarrjen e drejtuesve qendrorë dhe vendorë të Policisë së Shtetit dhe do të shtrihen përgjatë muajit mars për të gjithë efektivët që do të angazhohen për mbarëvajtjen e procesit zgjedhor. Drejtori i Përgjithshëm i Policisë së Shtetit, drejtues madhor Muhamet Rrumbullaku u shpreh: “Falënderoj ambasadorin e OSCE-së në Shqipëri për mbështetjen e vazhdueshme që OSCE-ja i ka dhënë dhe po i jep Policisë shqiptare, mbështetje e cila faktohet edhe sot përmes këtij trajnimi të organizuar për punonjësit e Policisë së Shtetit për t’i përmbushur plotësisht dhe me efektivitet detyrat funksionale para, gjatë dhe pas procesit zgjedhor që do të zhvillohet këtë vit. Gjithashtu, falënderoj kryetarin e Komisionit Qendror të Zgjedhjeve, z. Celibashi dhe Prokurorin e Përgjithshëm për angazhimin e tyre në këtë trajnim. Roli i Prokurorisë së Përgjithshme në këtë proces është thelbësor, pasi kontrollon dhe certifikon veprimet procedurale që punonjësit e policisë kryejnë para, gjatë dhe pas procesit zgjedhor. Siguroj qytetarët, subjektet politike, agjencitë ligjzbatuese dhe partnerët tanë se Policia e Shtetit do të zbatojë vetëm ligjin, ashtu siç ka vepruar në të gjitha proceset zgjedhore, veprime të cilat janë certifikuar nga OSBEODIHR. Për Policinë e Shtetit, primare janë ligji, shteti dhe qytetarët”, - u shpreh drejtori i Përgjithshëm i Policisë së Shtetit, Muhamet Rrumbullaku.